ديوان الشاعر (عماد القرافي)

(((((( رفعت عيني للي غافر ذنوبي))))

يا مسبب الاســــباب وغافر ذنوبي =ادري من ذنـــــــوبي تطــــاردنــــي اسباب
لين ظفرت بي وهلكتــــــني ودوبي =ما شفت شيٍ من البلاوي والاتعااااااااب
ودي افل حـــــــجاجي لكن كروبـي =متســلطه ما كنــــــــــــــــها الا علي داااب
ملتف حول الصدر ووجهه بصوبي =ومــحزم ايديـــــــــه وفاتح لي انيـــــــــاااب
من ضيقته قمت اوحي طقة جنوبي =وافح والشهـــــــــقه ادور لهــــــــــا ايااااب
قمت اتلفت من شمال وجــــــــنوبي=لا شفت لا اصحاب ولا اقراب ولا احبــــاب
وان شفتهم وش حلهم وان دروا بي=مالي بهم غــايه ولا غايـــــــــــــتي عتاااب
هذا وانا في دنيتي امــــرح واجوبي =وش حال لا منــهم حثوا فوقـــــــــي تراااب
رفعت عيني للي يمه دروبي =اللي فتــــح بيبانه لــــــــــــــــــــكل طـــــلاب
وطلبته يفرجها عليه ويتــــــــــوبي =ويحشرني مع زمره نبــــــــيه بلا حساااااب

مع تحياااات //// عمـــــــــــــاد القرافي الحازمي الحربي

(((قلت المطر غاايب له سنين وشهور)))

دايم تمر ولا ضوى بوجهي النـور=واليوم وجهي بوجههـا دون موعـد
قامت حراره هالنظر فينـي تثـور=نوبـاتٍ اوقـف ثـم نوبـاتٍ اقعـد
ردت هدبها بالتفاتـه علـى الفـور=من ثم راحت والجسم منهـا يرعـد
وانا جمودٍ صابني وخـوف مبهـور=امـا اتابـع دربهـا او انـي ابعـد
قمـت اتعقبهـا ولا فينـي شعـور=قالت تراجع قبـل لا الجـو يرعـد
قلت المطر غايب له سنين وشهـور=والقلب ممحل ما بقـى فيـه مـورد
قالت انا غيمه سخط كلـي شـرور=قلت اصرفك برياح صدي ولا انشـد
قالت غريبه واثـق وكلـك كسـور=قلت التجارب خلـت القلـب يجلـد
قالت عجيبه تعترف كلـك سـرور=قلت الكذب خيبـه ولا فيـه مرشـد
قالت انا احب الصدق واكره الـزور=قلت الصدق طبعي واقولـه مؤكـد
قالت اجل عطني الرقم واقصر الدور=الله يعين اللـي هـوى دون مقصـد
هوت وانا معها هوينا علـى عبـور=ياويل حالي جعـل هالحـب اسعـد
اللي مظى اكتب من الويل مقهـور=واليوم نقصد فـي بدايـات مشهـد
عل الروايه تكتنـف ورد وزهـور=وبطيبها تطيـب الخواطـر ونسعـد

((( وش عــــــــــــــــــــــلام الحزن)))

وش علام الحزن ضايع انسجامـه=وش علامه لا قبلته مـا خدمنـي
يتلف الاحساس ويمرح بانهدامـه=وش بلاه اللي من احساسي حرمني
عقلي اللي سار في درب انفصامه=من سبب واقع حضوره ما فهمني
تبتدي الصدمه بقولة وش علامـه=وانا اسأل وش علام اللي هدمنـي
لاجواب في طريقي لـه علامـه=ولا اكيدٍ فـي قراراتـي حكمنـي
الشتات اللـي يعانقنـي ضلامـه=جرني صوته لو انه مـا زهمنـي
انتصر برضاه وافـرح بأنهزامـه=مدري انه لو بغى يخسر عدمنـي
الامل لو ضاع ابصـدر ابتسامـه=لو كبر حزني بكسري او كتمنـي

((((( كلك رمــــــــــــــــــــــــــــــــوز))))

كلك رموز وبعـض قولـك لـي فلـك=وان ما تبعتك صرت ضايع وسط كـون
تلـوي يقينـي والشكـك بـي جلّلـك=ينفض غبـارٍٍٍٍ يعتـم الجنـب الحنـون
ترجمني حروفـك وانـا قلبـي هلـك=متحمـلٍٍٍ قلبـي القسـاوه والغـبـون
تفرض حضورك وسط خافـق يجهلـك=وتزرع جنونك وسط عاقل يـا جنـون
طـوّل سكاتـي فـي ثباتـه يمهـلـك=من شان اهد اللي منعني من حصـون
لا مـا لقيتـك فـي جـوابٍٍٍٍٍ علـلـك=ولا ما صدفتك باي فـن مـن الفنـون
ولا ما رضت لي نفسـي انـي اسئلك=وش لون ترضى وانت تبخل باالليـون
هل هو شجاري مـع ضنونـي كملـك=او صبري اللي طال وقته لـي يخـون
.كثرت حلولـي وسـط لغـزٍٍٍ طولـك=والكـل يتبـع كـل مبهـم يـا فتـون
كـل الشعـور اللـي بذاتـك زلزلـك=فينـي رميتـه بيـن كفـي والجفـون
وانـا حملتـه سبـة انـي احمـلـك=ودي اشوف بعينـك آنـا مـن اكـون
لا شفت فـي قربـك طريـقٍ سهلـك=ولا صار بعدك بالامانـه لـي يهـون
.كنـت اتسائـل فـي زمـانٍ بـدلـك=للحين انا تجلب ضنوني لـي ضنـون
كنـت اتسائـل فيـك شـيٍ اذهـلـك=للحين وصفك ما شرح صمت االشجوون
.كنـت اتسائـل فـي خيـال يعزلـك=كنت اتسائل في غمـوضٍٍٍ بـه حـزون
كنـت اتسائـل بـك كثيـر واسالـك=كيف الاجابه لي يترجمها السكون؟؟؟؟؟
هـذا السـؤال اللـي لـزومٍٍٍٍٍٍٍ يوصلـك=وخل الجواب بوسط نظـرات العيـون

((((( الراي الســــــــــــــــــــــــــــــــــديد)))))

صار ذهني من عذابك مستفـــــيد =طبع ما ودي بحياتي احمــــــــله
كل مجهول بعيوني ما يفـــــــــيد=ودي اقطع في طريقك اسهـــــــــله
اندفاعي بلهفتي يمك تزيــــــــــد=بس ابقتل رغبتي خوف الولـــــــه
ما عليه منك لو تبعد بعـــــــــــيد=صااادق احساسي غموضك بدلـــه
امتنعت برغبتي عنك اكيد=ما هو بيدي كل دروبك عرقـــــــله
ما هو ضعفٍ في جهودي يا عنيد=بس اشكك في حلول المسالــــــــــه
القناعه مكسبي وراس الرصيـــد= كان في وضعي غموض حلله
استفدت بعثرتي راي سديـــــــــد=تركك اللي شفت عقلي بأكمــــــــله

(((((بلاوي ترتحلني كل ما شمس الصبااح تطل )))))

بلاوي ترتحلني كل ما شمس الصباح تطـل=وانا في وقتها ما غير احارب داخلي التنهيـد
وانا وش لون ابخفي والملامح ضاهره وتـدل=ولكني مضّري النفس ما تشكي مـن التنكيـد
هلاكٍ به اكابر لين جسمي من عنـاه اعتـل=وصارت نضره عيوني تلخبط كلهـا ترديـد
وخطواتي مثل خطوات من هو من حياته مل=يجرجر خطوته بالدرب ولا يقوى على التمديد
يحاول يبتسم ويبان في وجهه ابتسامـه غـل=من اوضاع تهز رجال وشيوخ مـن التعقيـد
والى منك عطيته الفال كنه من حضورك كل=وصد بحنيه الراس وترك ناس لوصله تريـد
انا مثل الغريب اللي توسـط دربـه ولا دل=هلك نفسه وطاح بسبـه التحديـر والتسنيـد
توسد خده السافـي وتاكـد ان موتـه حـل=وبدت يبس الشفايف تنطلق في كلمـه التوحيـد
وجاه الليـل باوهامـه وسلّـم امـره ولا ذل=عرف بان الرحيم الله يدري بحالتـه ويفيـد
درى بان الرحيم الله لا ما يتركـه فـي كـل=حالات من الاحوال ويطلـب منـه التسديـد
الا يارب غفرانك على انسانٍ بحقك زل = ومن قولي وافعالي ومن ذنب علـيّ يزيـد

((((( غنج ٍ بعفــــــــــه))))

حبيبي سايق(ن) فرحـي يزفـه=وانا كلي طرب يوم(ن) اشوفـه
مشينا وكتفـي ملاصـق بكتفـه=وفي نفسي اقول ايش لون اعوفه
اشوف بطابعه غنـج(ن) بعفـه=يقول الـود ولا تكمـل حروفـه
يصب الما على راحـات كفـه=واذوق العذب من ضمة كفوفـه
عطاه العـذب مـا ودي يكفـه=وانا نفسـي علـى وده شغوفـه
يضيق الصـدر وبشوفـه اتنفـه=ما كن الا اكتئابي جـت حتوفـه
يذكي حزنـي بحسنـه ولطفـه=حسين ولطفه مّزيـن وصوفـه
صدوق وصدقه يوضح لي برجفه=يدينه والهـوى صدقـه بخوفـه
وانا معـذور لا صابتنـي خفـه=لانـي واقـف بحفـة جروفـه

((((((( ادوج في دنيا تضك المخاليق )))))))

ادوج فـي دنيـا تضـك المخاليـق=ابغـى اتناسـى واتجمـل بنـاسـي
ودي اتحرر يارفيقي مـن الضيـق=حتى وطيته رجم صعـب ٍ يداسـي
كل ما اتجهت لعااليـات الشواهيـق=يشدنـي للقـاع مجهـول بـاسـي
اغط غطة بـاس وان فقـت مافيـق=من قلبي اللـي جاهدتـه االمآسـي
اشوف امالي دون عينـي مشانيـق=هذا اللي خلّـى حالتـي بانتكاسـي
ضليت واقف منكسر ناشف الريـق=اجرهـا انفاسـي وهـي بانحباسـي
خلاص ماضـن اتحمـل ولااطيـق=السقم ينطع مثل ضـرب الفواسـي
كابرت لين مكابري صـار مايليـق=مهزوز من ساسي ليا حـد راسـي
جهدي انقضى من عايق بدربي ايعيق=آلين ضاع اللي بقى مـن حمااسـي