ديوان ( فيصل معتوق الأحمدي ) ..

السلام عليكم ورحمة الله وبركاته
،،
للتوثيق فقط

عشق الوطن ماعليه جدال = نفخر به اليوم ونردد
نفداك ياموطن الأبطال = ومهما فديناك مانسدد

لاهل واحد من الميزان = غرد لنا البلبل الشادي
الله يجازيك بالاحسان = ياباني المجد لبلادي
والكل منهو عليها فان = هذا اللذي في الأفق بادي
هذا وطنكم عظيم الشان = مني وصيه لأولادي

( 1 )

( فيصل معتوق الأحمدي )=
مهمـا كتبنـا وخطينـا=تقديركم مايصلـة عـد
وفي داخل القلب حطينا=لك منزلة يالشريف احمد
يالهاشمي كـل ماجينـا=قصدي عن ديارهم أبعد
القـى خيالـة يبارينـا=في كل خطوة معي يمتد
واحنا أتعبتنـا خطاوينـا=ولاعاد باقي جهد فاليـد
أدرس لنا الوضع وافتينا=هل للمأسي حدود وحـد
الرد ( أحمد الدبيش )=
مانسمعة مـن محبينـا=يزيدهم في فـؤادي ود
معناك طابـق معانينـا=واللي لكم فالضمير أزود
لو كل ماكـان يشقينـا=نقدر عنة نبتعد ونصـد
ماعذبتـنـا مشاكيـنـا=ولا أنتظرنا أمـل للغـد
لكن الأسبـاب ترمينـا=في ناس مامن شفاهم بد
ون ماصبرنـا ودارينـا=تطور الأمر واصبح عند

( 2 )

فيصل معتوق الأحمدي=
ليت اليالي علينا تجود = واحبابنا جوهم يصفي
يرجع لنا الماضي المعهود = لو كان ليله فقط تكفي
الرد من ( فايز محمد القليطي ) =
اللي مضى ينكتب معدود=ولو عاد للروح مايشفي
تاريخ قفى وماعاد يعود=وان عاد حزات مايضفي
الرد من ( طه بخيت ابو عماد )=
ياليته الحاجز المسدود=ينداح والمقبله تضفي
تعودنا والوسوم ورود=يا غربة أرواحنا يكفي

( 3 )

( فيصل معتوق الأحمدي )=
سلام ردة بعطـرة فـاح=مع ريحة المسك بيفوحي
اعداد منهو أتى أو راح=فديار سالم ومسروحـي
دام الدوا يزيد فا الأجراح=كيف اتشافى من جروحي
واعيش حزة مع الأفراح=واودع المـر وملوحـي
( أحمد الدبيش )=
لأهل المثل خاطري يرتـاح=اللي لهم طيـب ممدوحـي
ترحيب بالبـارق اللـي لاح=ضوه على مزنه يضوحـي
ان كان تبغى الجروح تزاح=وفيها الدوا يجيب مصلوحي
شوف السبب واجعله مفتاح=الا الـذي خِـط فاللوحـي

( 4 )

لو كان عينك تخونك يـوم=وتخفي ورا الصدر ماتخفي
اعلم ترى الواحد القيـوم=عينه أبـد غـط ماتغفـي
تحيتي=

( 5 )

منهو دنت ( ساعته ) واوشك=مـن الفنـا يعلـن خروجـه
يبرز لهـا دون أدنـى شـك=لو كان في عالـي بروجـه
تحيتي=

( 6 )

( فيصل معتوق الأحمدي ) =
واللي جعل للبسيطه فجاج = وهيّب لنا البحر فامواجه
عرفي لكم فوق راسي تاج = وانتى لعلم الوفا تاجه
حاضر بجسمي وفكري ساج = والأمر في غاية اِحراجه
كيف التقي ( ياخَوي ) مخراج = مادمت مشرف على ابراجه
( الرحال )=
ماتهون يا طيب المنهـاج=ياللى على الذوق منهاجه
من عد عذبه نهر ثجـاج=ارويتنى عـذب ثجاجـه
لكل عله سبـب وعـلاج=والمرء يسعى على علاجه
مايجعل الياس له مـدراج=ويكثر على القلب وهاجه

( 7 )

( فيصل معتوق الأحمدي )=
ياطايره فالسما ترزم = شرق ( العناقين ) وديني
اشوف منهو لنا بلسم = وحيث ماكنت رديني
الرد ( مبارك القش )=
تأكيد حجزك لهـم ملـزم=حسب الذي فالعناوينـي
ولا سار خطّك ماهو مبهم=سهل الأمر حسب تخميني

( 8 )

كسر الخواطر وحب الذات = زاد .. المعنا .. فتنهيده
ليت الهنا أملكه حزات = لاطوعه كيف ماريده
تحيتي=

( 9 )

فيصل معتوق لأحمدي=
يالوعـة الشـوق يكفيـنـا=روفي ... بأرواحنا ... روفي
ماعـاد باقـي صبـر فينـا=علـى قـدر بعدهـم يوفـي
الرد ( أحمد الدبيش )=
الشوق خارج عن يدينـا=ولا يصف للعقل مصفوفي
ما كان مقنع ويرضينـا=مايقتنـع فيـه ويعوفـي

( 10 )

فيصل معتوق الأحمدي=
يالوعـة الـشـوق يكفيـنـا=روفي ... بأرواحنا ... روفـي
ماعـاد باقـي صبـر فيـنـا=علـى قـدر بعدهـم يـوفـي
الــــصــــبـــــار=
مــا أروعــك يامحاكيـنـا=صحيـت بحروفـك حـروفـي
ياحـروف ليـتـك تواسيـنـا=حني علـى حالنـا .. شُوفـي
بـــــن مــعــتــوق =
هـيـا نـقــرب أيـاديـنـا=واحـط كفـك علـى كفوفـي
ياعلـهـا مــن تداعـيـنـا=تنظر ،، ضروفك ،، مع ضروفي
الــــصــــبـــــار =
شــرواك يـامـر يامغليـنـا=مـدام ودك سـكـن جـوفـي
لاويـــن ودك تـوديـنــا=أمشـي معـك رافـع سيوفـي

( 11 )

قبل السنه تنتهي يااصحاب=وتقفي على كـل مافيهـا
هذا سلامي لكم يااحبـاب=وتهانـي العيـد أهديهـا
واسألك يالواحد الوهـاب=تغفـر ذنوبـي وتمحيهـا
وتحمي بلدنا من الإرهاب=واهل الضلاله ومغويهـا
تحيتي=

( 12 )

عقلي وقلبي وأشواقي = كُلاتها سُجِلت باسمك
لاشي غير الأسى باقي = ناديتلي قلت .. من قسمك
تحيتي=

( 13 )

حسب اللذي بان للأعيـان=مافيه فالمستـوى فـارق
ياهل ترى يفرح الألمـان=ولا الفرح في جبل طارق ؟
تحيتي=

( 14 )

بنت الوطن حقها محفوظ=ماهمنـا كـل ماقـالـو
واللي جعلها علينا فروض=غير العنـا قـط مانالـو
تحيتي=

( 15 )

ياحباب هلت ليالي العيد = وهلت على البال طرياكم
العيد فيه الفرح بيزيد = وأزود اذا تم لقياكم

( 16 )

نزعتلي كل أملاكي = وطشيتني .. في .. مناكبها
ولاسدكم طرفي الباكي = حتى جروحي تراقبها

( 17 )

لاخذتها ذكريات الود = بقّي لنا شي فاعماقي
يمكن يطول علي البعد = واحيا على جزئها الباقي

( 18 )

ياعنفوان الهوى ياود = رسلك على قلوبنا رسلك
قلبي مساحه لكم يمتد = مابين ذيك الضلوع اسلك

( 19 )

قلب الشقي فاللقاء أمّــل=يجعل لسهم المأسي حد
فجأه سحب قبل مايكمّل = ماشاف بارق أمل يرتد

( 20 )

الدعم والمال والكسوه = كلاتها .. ياعرب .. راحت
ماباقي الا فقط خطوه = وتتأدب جيوش اجتاحت
تحيتي=

( 21 )

يابحر الاشواق يكفيني =اللي أعانيه من .. مدك
يالله على شط رسيني= فوق الذي صار ماسدك
تحيتي=

( 22 )

لايضيع عمرك ورا الشاشه = وتندم نهار الندم مكفوف
واعلم ترى النفس غشاشه = من طاعها بالخطر محفوف

( 23 )

أقفيت عنها ونـا مجبـور=وشوقي لها قـل تدريجـاً
ومن بعد غيبة سنه وكسور=عود كمـا كـان تقريبـاً

( 24 )

توهتني في مداراتي = مابين الاشواق والحيره
ياقرب ينهي معاناتي = أو اِبتعد فضّها سيره
تحيتي=

( 25 )

راجعت في محكم التنزيل = وتفسير الاحزاب والتوبه
( لاغرغرت ) مالها تأجيل = والمرء ماتنفعه توبه
تحيتي =

[/QUOTE]

( 26 )

يازين رسم المثـل لاجـاك=خالي من الغمز والتلميـح
ومن كان عنده عقل وادراك=مايقربه مشـرط التجريـح
تحيتي=

( 27 )

الساير اللي عليه العلم = روح وقفى مع رجاله
ومن قال شفته مجرد حلم = اقول صادق فأقواله
تحيتي=

( 28 )

بعد انتشار حوادث القتل =
خطّيت والنفس ملتاعه = لجل البعض فاقد الاحساس
ياهل ترى قِربت الساعه=ولاّ خلل في عقول الناس؟؟
تحيتي=

( 29 )

شي انكتب فالأثر تلقاه = من دون تضعيف أو ريبه
الصدق ياصحابنا منجاه = والكذب موعود بالخيبه
تحيتي =

( 30 )

بعد تفجير أحد الارهابيين لنفسه=
يوم الخبر بثه الأعلام = وكل العرب شافت الصوره
انا أشهد انه غشيم وفام = وروحه للأشرار مأسوره
تحيتي=

( 31 )

يابخت منهو قضلى ليله = بين المناجاة والتسبيح
كل التباريك نهديله = لجله كسب والكسول مريح
تحيتي=

( 32 )

أهل الصفا بينهم خلفه = تجاوزت حدّها المعقول
ماعاد بيناتهم ألفه = وأمسى عذيب المثل مشلول
تحيتي=

( 33 )

معايده=
مادام عشنا وحال الحول= جينا على وقتنا المعتاد
ودي اعايد لكم واقول = بالخير دايم لكم ينعاد
تحيتي=

( 34 )

كل اللذي حاك في صدرك = وتكره اذا الناس تدريبه
لابد ياصاحبي تدرك = انه اثم فالعجل سيبه
تحيتي=

( 35 )

جسمي هنا والفؤاد هناك = وهمي عن الغير متواري
رحماك ياربنا رحماك = يامن بأوضاعنا داري
تحيتي=

( 36 )

ياهل ترى فالبلد نلقى = لأهل القلوب الحزينه طب ؟
ولاّ .. على حالها تبقى = تشكي مرار الأسى والغُلب
تحيتي=

( 37 )

فيصل معتوق الأحمدي=
واللي جعل فالعباد فـروق=لك قدر محفوظ في ذاتـي
عالي ولايلحقـه ملحـوق=وراحاتكـم كـل غايـاتـي
وبعد السلام اسمع المنطوق=مداد خطـه مـن اهاتـي
ان قلت عطني يابن معتوق=جيتـك بكامـل معانـاتـي
الرحال=
من لطف ذااتك وحسن الذوق=اللـى لكـم فيـه ميـزاتـى
متهون يامن مقامـك فـوق=شاكر ولـك كـل دعواتـى
ماحى معه المـراق يـروق=ياما علـى المـرء مايأتـى
اسعى على الجانب المرموق=وربـك يحـل الصعيبـاتـى
فيصل معتوق الأحمدي=
ان زدتني فالمعاني طوق=وردتنـي كـل رغباتـي
لاشك ان الحيـاه وفـوق=ومكتوب قسمي فصفحاتي
كل مابدت للأمال شـروق=يردنـي فـي متاهـاتـي
يشهد معي قلبي المحروق=سرت أحتمل فوق طاقاتي
الرحال=
خذنى معك للمعانى شـوق=يامن ما خابت بك اثقاتـى
والله ما اقبل عليك العوق=واخلف عن الود عاداتـى
خل الأمل بالرجا موثـوق=لوالزمـن بالأسـا عاتـى
واعلم ترى مسيّر المخلوق=ماله عن الواقـع جهاتـى

( 38 )

زاد الألم والدليل احتار = ولابد للوضع من تصحيح
بين التكاليف والمسيار = بناتنا في مهب الريح
تحيتي=

( 39 )

هل للخنازير من فيروس = ولاّ من الغرب ملعوبه ؟
والخوف كله شغل مدروس = زايد اشاعات واكذوبه
تحيتي=

( 40 )

ظالم سلب كل راحاتي =وقفابها ياوجيه الخير
واستكثر اليوم أهاتي = اللي بقت لي فقط لاغير
تحيتي=

( 41 )

درب العنا بالمعلم طال = بين الفروقات والتثبيت
والخوف يامعلم الاجيال = المسأله كلها تسكيت
تحيتي=

( 42 )

فيصل معتوق الأحمدي=
تأزمت واشعل الموضوع = أبواق واعلام مأجوره
تجاوزو كامل الممنوع = ياللأسف والسبب كوره
الرد ( محسن صالح الجهني ) =
هذا الجسد والقلم مرفوع=فيه الفتن مآخذه دوره
والقلب لو ما عليه ضلوع=العين ما تحمض الصوره

( 43 )

اللي مضى أوسط الضلعان = في ديرتي كان لي ( عتره )
ولمّا زحف يمها العمران = حطو على عرقها بتره
تحيتي=

( 44 )

غربني الود في ديره = حتى زماني عليّه جار
ومن شافني صابته حيره= أطلق عليّه غريب ديار
تحيتي=

( 45 )

سؤال دايم على بالي = واستأذن الجمع في طرحه
فالود لجليش مانبالي = وقلوبنا منه منجرحه ؟
تحيتي=

( 46 )

بعد فوز البرشا بكأس العالم للأنديه=
فيصل معتوق الأحمدي=
عم الفرح في جبل طارق = وفريقهم اكتمل بدره
من بعد ماقلص الفارق = الفوز جابه على صدره
الرحال=
معروف هذ نجم شـارق=فى عالم الفن لـه قـدره
كم احرق بسهمه الحارق=لو يبكى الخصم من عذره

( 47 )

فكري تخيل ومن عنده = لونها فالحقيقه احلام
تلغى نتائج ( أبو زنده )= ( والزيد . ومثيب . والدهام )
تحيتي=

( 48 )

بعد الخنازيز والحاسب = حتى ( الغنم ) صابها فيروس
ومابين مغلوب او كاسب = لاشك هذا أمر مدروس
تحيتي=

( 49 )

فيصل معتوق الأحمدي=
وين الذي يفتي المحتار= ويفيد فالمسأله مايلث
غرس الموده لجاه اعصار = كيف احمي العرق لايُجتث
الرد ( مبارك القش=
ارفع له يديك بالأسحار= أقسم على القول ماأحنث
ماغيره الواحد الجبار=لاأصدر الأمر مايلبث
الرد ( ذواب )=
اللث مايقبله بيطار = اللي لجته الأمور يبث
والغصن تدرى عليه إيدار =مدرى العهن لايجيه العث
الرد ( ابو طلق )=
هاك الاجابة مع الامهار=جيتك احث الخطاوي حث
انكان ماتحوفه الأسـوار=يقرا على زرعه وينفـث
الر ( ابو عسم )=
غرس المودة على التذكار = يسقي عروقه وداد وبث
ولا اخترت من جيد الأشجار = لا عاد تنشد ولا تبحث
الرد ( القلب الأبيض ) =
يامرحبا فيك يا ابن الجار=وعما سئلتم نبـي نبحـث
ابعد عن اللى يشب النـار=وابعد عن اللى حباله رمث

( 50 )

يالله ياللي رزقت الطير = وحننـّت قلبي على صغاري
اِنك تجيب المطر والخير = ويربع الخبّت ودياري
ابو اسامه=

( 51 )

( بن قابل )=
لاأبرقت والرعد دندن = وحطت مطرها على روحي
واجوائها شابهت لندن= ياهل ترى تشفي جروحي
فيصل معتوق الأحمدي=
بافيدكم قدر ما أمكن = وراحاتكم غاية طموحي
لابرق لارعد مايجدن = شوف اللذي سبب النوحي

( 52 )

( الموهبه ) ماتجي بقروش = ( تالنت ) اِن قلت بولندي
واكبر مثل فالبلد ( علّوش )=عنا رحل والعمل جندي
تحيتي=

( 53 )

مادمت ناوي على فراقي = تكفى بصيص الأمل خله
يمكن معه تورش أوراقي = ويبقى معي فالعمر كله
تحيتي=

( 54 )

الكل طرفه ذرف من ماه = أما فرح أو ألم عله
والمختلي بدمعته لله = يوم ( التغابن ) تحت ضله
تحيتي=

( 55 )

مهما يحوز الفتى فالأرض = غير العمل مايفوز بشي
يأتي لحاله نهار العرض = يابخت منهو ضميره حي
تحيتي=

( 56 )

عم الفرح كامل التلعه = حتى تعدى حدود القوز
هل تكتمل فرحة القلعه= ولاّ .. يجيب الزعيم الفوز ؟؟؟
تحيتي=

( 57 )

فيصل معتوق الأحمدي=
حسب اطلاعي والمامي=والي فهمته من ثقاتـه
للقيل عندي هدف سامي=ماوظفه فغيـر خاناتـه
الرد ( عايش الدميخي )=
قالوا فالامثـال قدامـى=ما يخلف الحر عاداتـه
تقدير اوقف على اقدامى=للى ما يرخص اجاباتـه
الرد ( ابو عناد )=
خففت جرحي والامـي=انا لي سنين فى شفاتـه
حروفكم تروي الضامي=فالصيف لا شتدت اوقاته
الرد ( ناصر الحجوري )=
قلمك ضيفه على اقلامي=وتزيد ساحة مساحاتـه
خله نهر يروي الضامي=والرِسّ خله في مضماته

( 58 )

فيصل معتوق الأحمدي=
لاجات حربك من العقـال=أكبر مصيبه على شخصك
صحيح راع المثل لاقـال=احذر صديقك قبل خصمك
الرد ( الربان )=
فالوقت ياما تشوف أهوال=لايكبر الهم في رسمـك
إمشي مع الناس بالمكيال=والكيل لايزيد عن قسمك
الرد ( ياسر الكبيدي)=
لاسار ماشي سبب للحال=أبصم ووقع على نَصـك
مال للمجني رصيد ومال=لاجاك بالحربه وخصـك
الرد ( عايش الدميخي )=
الاعتدال الطبيعـى عـال=ان كان رد الجزاء رصـك
والطيب بين البشـر فعـال=محصولك وكسب من اصلك

( 59 )

فيصل معتوق الأحمدي=
الناس راحت مصر والشام=ولتركيا نـاس مخصوصـه
وانا ظروفي علـي جسـام=ماشي على أحكام منصوصه
الرد ( حمود الوافي ) =
لاتغبط اللي غشيم وفـام=روح برصات مرصوصه
ضيع حصيل السنه والعام=وعود بجنحان مقصوصه

( 60 )

فيصل معتوق الأحمدي=
رغم الألام التي أخفـي=ولاودي أبدي بها للغير
تهامل الدمع من طرفـي=من جورهم ياوجيه الخير
فايز محمد القليطي=
تحيّر الحرف مـع حرفـي=ورفرف جناحي سواة الطير
من حالتك اشتكـى ظرفـي=ادعي عليهم مسى وعصير
فيصل معتوق الأحمدي=
تشريفكم صفحتي يكفي=واقول يالله عساها مير
جرحك مع جراحنا تطفي=ولاعاد يبقى لها تأثيـر

( 61 )

فيصل معتوق الأحمدي=
سلام ماينحصـي قديـش=فالمـد مالـة أبـد حـدي
مخصوص مهدا لكم يادبيش=باشكيلك الوضع من جـدي
اٍحسب ومايحتوية الشيـش=أعوام وانا أهتنـي بـودي
فجأة غزا ودنـا التنبيـش=واللي معي صار لي ضـدي
وعذالي اليوم سارو جيـش=مترصديلـي علـى قـدي
لاتقول خصيتنـي لجليـش=مبدع بك اليـوم نستقـدي
الرد( أحمد الدبيش )=
تبغي على الطيبة وتعيـش=دايم وفـي قمـة المجـدي
ترحيب خالي من التغشيش=وان جيت تحصية مايعـدي
ماحي سالم من التشويـش=تأخذ منة نـاس وتـودي
بعض العرب همها مافيـش=ماغير تسعى على الهـدي
والود مايقبـل التهميـش=لاسار حافض لك العهـدي
مهما علية الجيوش تجيش=مع صادق الـود ماتجـدي

( 62 )

الزياده ( 5 ) % =
عند البعض ماتجيب ( عشي ) = ولاتسد نسبه من ديونه
والمرء لاجاه بعض الشي = ينظر فقط للذي دونه
تحيتي=

( 63 )

فيصل معتوق الأحمدي=
هيا استمع أخر الآلحان=ياقلب شوف اللذي أملي
اللي لنا سبب الآحزان=زارع أمل فية من كملي
الرد ( الرحال )=
اسمعك انا ومصغى الآذان=وافتيك فتوى على الملـى
ماشى يبقى على ماكـان=ويدوم لك شى ويضلـى

( 64 )

بن قابل=
انا اشهد ان الوفا سيمه = في حضرتك ياولد معتوق
لك عندنا حشمه وقيمه = عزيز دايم وقدرك فوق
فيصل بن معتوق=
العيـد بانـت معاليـمـة=بقدومكم ياأسيـر الشـوق
وسع المحيطات واقليمـة=ترحيب راقي حسب مايلوق

( 65 )

فيصل معتوق الأحمدي=
رسمك مابين المــــــلا محبوب = يهديك فيصل سلاماتـــة
اللي مضى منتحي فــــــدروب = مالي فمرة وحلواتـــــة
اليوم جاني الهوى باسلـــــوب = وسلم لـة القلب راياتــــة
واصبح من اللي حصل مرعوب = ماشوف راحة فخاناتــة
الرد (محمد بن علي الطيار ) =
من فيض ماعندكم محســــوب = منكم أخذنا رسوماتــــــــــــــــــــة
أهـلين يافيــــصل الموهــــوب = يامن على الحول طلاتــــــــــــــــــة
العبـــد مالة عن المكتــــــــوب = اللي انكتب في سجلاتــــــــــــــــة
وماظنتي فاالهوى مغصــــوب = مادام قلبك معة ذاتــــــــــــــــــــــة

( 66 )

خالد الصبحي=
سلام ينصاك بالتحديد =وبعدة تأمل وهات الحل
للي معك بالوفا مايحيد =ويزيد صفوة معك مايقل
لي قلب والف مع التنهيد = يوم الوزن في هواة أختل
صبرت وليا الصبر مايفيد = لين الصبر من أساية مل
فيصل معتوق الأحمدي=
يامرحباً كل يوم يزيد = كنة مطر والسحاب امطل
الغرس يأخذ منة مايريد = والزهر غادي منة مبتل
طبع الآسى فالقلوب يصيد = عندي وعندك وعند الكل
وان ماتدارية بالتأكيد = يصبح علاجة معك أطول

( 67 )

اعدام صدام حسين=
فيصل معتوق الأحمدي=
خمسة دقايق مع العشرين=أنهت على كـل أحلامـة
ودع وقفى مع المقفيـن=والدود ينهش من عظامة
البعض يبكي مع الباكيـن=ماهمـة الغيـر والامـة
والبعض عيدة غدى عيدين=عيد الضحيـة واعدامـة
الرد ( العسال ) =
يحسب شهيد الوطن والدين= ولفظ الشهاده هو اختامه
مرفوع راسه رفض لا يلين= شجاع والموت قدامه
واليوم عيدي غدى اثنين =عيد الضحيه واقدامه
والخوف سيطر على النازين = اللي تغطو في اعلامه
توه ظهر حسهم ذالحين = يوم الحبل ثبت احكامه
وان غاب شخصه عن العينين= ذكراه ترجف لها اخصامه

( 68 )

فيصل معتوق الأحمدي=
لاشفت كسرة عليها احن=قمت ( اتوزوز ) واناجيها
ودي اجاوب لهـا لاكـن=عندي مبادي واراعيهـا
الرد ( الرحال )=
رسم المعانى يافيصل فن=وانته تعليـت عاليهـا
اعطيتها حقهـا والقـن=وارسيتها فى مراسيهـا
فيصل معتوق الأحمدي=
عساك تبقا لنا يامن=تاج المعاني وحاويها
مهما رقينا لها ماظن=نوصل منازل لكم فيها
*************=
الرد ( الصبار )=
مافيك شكه ولابك ظـن=وكل المواجيـب وافيهـا
شاعر تصوغ المعاني بفن=وبإحساس تبني قوافيهـا
وأنا لمثلك فـؤادي كـن=كـل المحبـة لغاليـهـا
وأرجوك لالا تساءل عن=إسم استعرته في تاليهـا
فيصل معتوق الأحمدي=
يامرحبا يارفيـق القـن=وانت من ارواحنا وفيهـا
جاني كلامك ومتـوازن=مثل الدرر فـي معانيهـا
وعذب المعاني لهـا اون=لاشفتها فـي مراميهـا
هذي تحية لكم من مـن=روحك على الروح مبديها

( 69 )

فيصل معتوق الأحمدي=
من قبل أشرح لك أخباري=وناخذ ونعطي مع الفهام
سلام كنة نهر جاري=يجري ومالة أمد قدام
فيصل رباح الأحمدي=
زمــان وآنــا بـكــم داري=حايز فرسم المعاني وسام
مـع النسيـم الـذي سـاري=ترحيب ياصاحبي المقـدام
فيصل معتوق الأحمدي=
دمعي عن الناس متواري=مايوم باحت بة الآقلام
لا تحسبن الآمر طاري=أمري معي من قديم أعوام
فيصل رباح الأحمدي=
حاصلك ضاقت به أفكاري=وأشوف تسعـى بـه الأيـام
كم قلـب مرهـون إجبـاري=طال المدى والأمور جسام
فيصل معتوق الأحمدي=
وداً مضى خارج أسواري=روح وقفى مع الآحلام
يشهد على قولي اصغاري=اللي لهم ود فوق الهام
فيصل رباح الأحمدي=
مادامـه الـود فالعـاري=ولا له فوسط الحشا مقيام
مايذرف الدمع في أنظاري=إلا متاعـب وأمـر هـام
فيصل معتوق الأحمدي=
ياليت أبذل لة أعماري=واشوف أمرة على مايرام
لو كان ياصاحبي( ماري)=اليوم مالي علية اليام
فيصل رباح الأحمدي=
اشغلت فكري في اسفاري=اقدارنا والحيـاة اقسـام
من يبذل الجهد ويـداري=ما تلحقه لومـة اللـوام

( 70 )

الـود لـولاة ماقلـنـا=ولاانكتب اسمنـا فالـوح
نعشق عذابـة ولانلنـا=غير المأسي معاها جروح
تحيتي=

( 71 )

من كثر مابي وعانيتـة=من جور الآيام ياصحابي
بختي مع العمر صفيتة=لقيتة أصفار فحسابـي
تحيتي=

( 72 )

الطرف لما نظر خلـة=والقلب ناجاة سكاتـي
الدمع ياصحابنا هلـة=ليتة نظر شاف عبراتي
تحيتي=

( 73 )

لي طرف لحظة سوا نغفي=والباقي أهـات نشكيهـا
ازريت من داخلي أخفـي=أثـار بعـدة واداريهـا
تحيتي=

( 74 )

من أول القلب لن أقصـاة=حتى الآحاسيس واشجاني
قالت وحطت علية امضاة=بعدك ترا اليوم ماشقاني
تحيتي=

( 75 )

فن الجفا نـال دكتـورة=ورسالتة في مجافاتـي
وصو طباعة لها وصورة=من أجل تدرس معاناتي
تحيتي=

( 76 )

كل مارأيت الرقيب ( سهيل )=تطري على البال بسماتـة
أعيش ليلي عـذاب ويـل=سهـران واليـل مابـاتـة
تحيتي=

( 77 )

فيصل معتوق الأحمدي=
وين الذي يفهمـون القيـل=ويأولونـة علـى معنـاه
حتى لنا يشعـل القنديـل=ونمشي على سكتة وخطاه
الواضح=
كثير يوفي كفوف الكيـل=ويرسي القيل في مرسـاه
ولا بان شرح المثل تفصيل=تلقى من الرد ما ترضـاه
فيصل معتوق الأحمدي=
لاشـك عنـدي ولاتبديـل=شيٍ ذكرتـوة فـي مبـداه
واطرفي اللي أمور يخيـل=زود بلاوي علـى بلـواه
الواضح=
ياكم نشاهد امـور تهيـل=تحير المرء فـي ممشـاه
والعقل في صاحبه تفضيل=فيه الدليـل الـذي يبغـاه
فيصل معتوق الأحمدي=
ابحر بها من بـلاد النيـل=وارسابها في بلـد نهـواه
واللي لهم عندنـا تجليـل=اثر على خاطري واشقـاه
الواضح=
مع الذي تكسب التحصيـل=خلك معه ماسك المجـراه
واللي لهم عندكـم تبجيـل=سايس امورك معه وادراه
فيصل معتوق الأحمدي=
نجمة تعلا علـى الأكليـل=باين وأهل الصفا ترعـاه
واللي لهم يـد فالتضليـل=طشوة فـي يـم واحيفـاه
الواضح=
اللي سطع مثل نجم سهيل=وأهل الصفا قدروا مسعـاه
ما يهمه البخس والتقليـل=مهما تكالت عليـه أعـداه
فيصل معتوق الأحمدي=
لا واللذي أنزل الأنجيـل=ماقللـو قـط فـي فتـواه
لاكن أساليب هـذا الجيـل=لاواحسايـف لـهـا أواه
الواضح=
ماعندنـا فالامـر تعديـل=فاللي لكم فالمثـل سقنـاه
للقيل جاك الحكـم تقفيـل=وصاحبه وقعـه وامضـاه

( 78 )

بعد مباراة البحرين=
فيصل معتوق الأحمدي=
غابة من الروس والسيقان=قدامنـا اليـوم حطوهـا
لاحارس نشوف أو بيبـان=وقبل الأضافـات أنهوهـا
الرد ( الرحال )=
ماكان فالبال والحسبـان=ضلو عن الدرب واخطوها
اللى وصل للهدف كسبان=وحنا لنا لهـود جابوهـا

( 79 )

الى أبو أصيل=
ياليت كل العرب مثلـك=قلوبها بيض ( كالبفتة )
من داخل القلب ابعثلـك=غير الوفا منك ماشفتـة
أبو أسامه=

( 80 )

فيصل معتوق الأحمدي=
قبل يتقدم لك المحتار = ويبان خافية ويعدة
اعداد ماتورق الأشجار = سلام مني لكم ردة
يوم القمر أعتلى الأقمار = اللي تجارية من مدة
واصبح مسيطر على الأخبار = وجميع الأحداث في يدة
يعطيني اليوم بالقطار = والغير يعطية مايسدة
أفيدني أيها البيطار = قلبي يناجيك من جدة
محمد علي الطيار=
من بال صافي وبحرأفكار = موزون في جزرة ومدة
يحمل لك العز والمقدار = ترحيب ويزيد عن حدة
يالأحمدي اسمع الطيار = اللة عسى يوافقك ردة
من صان روحة عن الأخطار = عاش العمر في هنا سعدة
ذاك القمر ممتلي باحجار = اصحى يغرك صفا خدة
ياما تغنى بة الشعار = وجابو الفضا وانكشف سدة
لكن لاتنعمي الأبصار = تعمي القلوب التي مصدة
وماعاد ينفع دوا العطار = البرمجة تشتغل ضدة

( 81 )

الارهابيين في بواط=
فيصل معتوق الأحمدي=
قليل منهو يعرف ( بواط )=واليوم ( باريـس ) تدريبـة
ستة وعشرين شهر ( شباط )=القـلـب زادت لواهـيـبـة
الرد ( الرحال )=
لتخاف مهما الخبيث احتاط=ترميـه الأيـام وتجيبـه
ولايصيبك الشك والأحباط=كل مجرم ينـال تعذيبـه

( 82 )

عابد الحربي ( البحار )=
أخذني على الطاير الميمون = حتى عن الشمس غطاني
ولو أطلب العين قال تمون = بايش أقدر أجزية ياخواني
فيصل معتوق الأحمدي=
يامن سألت اللذي يفتون = عن حي يغليك وحداني
غطة برمشك جوار النون = ولا يشاركة فالغلا ثاني

( 83 )

عطني خبر ( ياطراق ) سقام=وش اللذي سار من حولـك
حتى تـؤرخ لنـا الأقـلام=عما حصـل للـذي جولـك
تحيتي=

( 84 )

الأسهم=
فيصل معتوق الأحمدي=
البعض يشكي من التعمير=والبعض يشكي ألم بيشة
يالله ياللي رزقت الطيـر=لو كان محجوز في شيشة
تعوض اللي رصيدة مير=روح ولا شاف لة عيشة
اللي تحمل حقوق الغيـر=وتنوي الهوامير تطفيشة
الرد ( الرحال )=
من لايفكر قبل لايسيـر=يتيه فالمعركـه جيشـه
وراع العقل بالعقل مايحير=ولايضيع كسبه وتحويشه
حسن التصرف مع التدبير=ما يجوز تركه وتطنيشه
لاشك ربك يجيب الخيـر=والكل له وقت ويعيشـه

( 85 )

فيصل معتوق الأحمدي=
ياصاحبي طول المغياب=وانا معك مودع أسراري
مابيننا حالت الأسبـاب=قفيت ماعاد لك طـاري
الرحال=
هدى ولا تتعب الأعصاب=حتى تشوف الذى جارى
يمكن عذر والعذر له باب=يشفع له العذر اجبـارى
فيصل معتوق الأحمدي=
يابو حمد راحله نجـاب=أبطى ونا طال مشـواري
وافكري اللي غدى مرتاب=من أمر خافي ومتـواري
الرحال=
واصل بنفسك وفالأحبـاب=وادرى على الطيبه ودارى
ومن يعمل الطيبه ماخاب=له قدر واضح ومقـدارى

( 86 )

فيصل معتوق الأحمدي=
رغم الألام التي أخفي = ولاودي أبدي بها للغير
تهامل الدمع من طرفي = من فرحتي ياوجيه الخير
الرحال=
ماحد يلومك وذا يكفى=لاهل دمع الفرح تعبير
عن ما بجوف الحشا مخفى=لاعل هذ الفرح مايدير
فيصل معتوق الأحمدي=
يامن حروفك نصت حرفي = اليوم مثلك علينا يشير
يالله عسى ينتحي ظرفي = واخذ معك فالمثل ونسير
الرحال=
هذ منايه وذا شفى=وربك له الأمر والتدبير
ولله ارفع معك كفى=يجعل لكم بالفرج تنوير

( 87 )

فيصل معتوق الأحمدي=
رحلت عنا قبـل عاميـن=والعام هذا رحـل عمـي
مجبور أذرف دموع العين=لاجات ذكراه مـن يمـي
صلاح الأحمدي=
من قلبي ادعي واقول آمين=يكتب لنـا الاجـر ويتمـي
ونساق وفداا مع اهل الدين=وفجنـه الخلـد نلتـمـي
فيصل معتوق الأحمدي=
اكيد كلاتنـا مقفيـن=يدريبه الكـل وملمـي
عساك تسعد وفالدارين=يامن بقوله جبر همي

( 88 )

فيصل معتوق الأحمدي=
لجلي أقاسي ( 12 ) عام=ولاشفت ما فالأمور يجد
مدري أواصل على قدام=ولا كفايه لهـذا الحـد
الرحال=
مقدر اصدرلـك الأحكـام=واعطيك نص الحكم فالرد
قدام لعرف مـن الفهـام=واشوف الأسباب فاللى تعد
فيصل معتوق الأحمدي=
يامن جوابه علينا وسام=يارمز للمعرفـه ياعـد
اللي جعلته يمين وهـام=عيا معي في القضيه يمد
الرحال =
من خوف لايلومك اللوام=وتسير بين الجزر والمد
لابد ما تواجهة الأخصام=والبينه للقضيـه تسـد
**************=
صلاح الأحمدي=
عليه صادر حكم اعـدام=ويقام شرعاا .. عليه الحد
الا اذنّك .. عليـه تـلام=اعطيه فرصه وخلك جـد
فيصل معتوق احمدي=
قولك اتانا عليه أختـام=ولاعاد باقي أمل ينمـد
مشكور يالصاحب المقدام=يامن بأقوالكـم نسعـد

( 89 )

ودهس طفلته عمداً=
خالي من العطف والاحساس=ابكى فـؤادي بمـا سـواه
معقول هذا حصـل يانـاس=من شخص ينطق با سم الله
تحيتي=

( 90 )

نتيجه لعقوق الأبناء=
جيبي الفناجيـل والدٌلـه=عندي رجاجيل ( ياساتي )
والدمع جيبيه في ( سلٌه )=حتى يشوفـو معاناتـي
تحيتي=

( 91 )

فيصل معتوق الأحمدي=
لاشفت ضحكة ( سمر ) أرتاح=من هـم فالقلـب يسعابـي
واعيش خالي من الأجـراح=يادنيتـي بـيـن أحبـابـي
الرحال =
ود الظنى ينعش الأرواح=فالقلب جوف الحشارابى
لعلهـا وردة الأصبـاح=تبقى عطر انس جذا بى

( 92 )

قتلى ستار اكاديمي=
ياللحسـافـه ويالـلـعـار=من ماحصل فيـك ياتونـس
راحو ضحيه عشان ( ستار )=واقلبي اللي غـدى يونـس
تحيتي=

( 93 )

على شواطي الأمل اسمك = منقوش في جانبه اسمي
فالقلب هذا ترى قسمك = أبغى افادات عن قسمي
تحيتي=

( 94 )

حفل المجالس=
فيصل معتوق الأحمدي=
ليله تغنى بهـا التاريـخ=فيهـا تناسيـت أحزانـي
تعانق سهيـل والمريـخ=والكل ،، فرحان ،، بالثاني
الرحال=
تعبير راقى وحكمة شيخ=اشوفها وسرت اعيانـى
كمله مرسخ لهم ترسيخ=لأخوانك المجد واخوانى

( 95 )

يازين الأفراح فالديره = فيها الوناسه وراحة بال
والملح يضرب معه زيره = والكل مبسوط .. عال .. العال

( 96 )

الشيخ مطلق بن عثمان=
فيصل معتوق الأحمدي=
صحيح ،، ماشافتك ،، عيني=لاواحسايـف علـى ذالـك
بادعيلكم كل مـا امدينـي=في جنـة الخلـد منزالـك
الرحال=
وآنا معك ارفع يدينى=للوالى الواحد المالـك
وادعى له فباقى سنينى=وكثير يدعيله امثالـك

( 97 )

فيصل معتوق الأحمدي=
سلام من خاطري للكل = ماهو على ناس خصيته
ومعطرينه عبير وفل = كنه عسل يوم صفيته
شهر الفضيله علينا طل = بشراك يامن تحريته
عساه دايم علينا يهل = والكل مبسوط في بيته
الرحال=
يامرحبابك عزيز وخل=لك بالتحيات سويته
مثل الوبل لاستهل وهل=يشرح خواطرلك اهديته
وكل عام وانته بهنا ترفل=وبالعيد تفرح لاصليته
وتسير من افضل لأفضل=وتسعد بيوماً تمنيته

( 98 )

اللي مضى ( جارتي ) واليوم = تحت الثرى الدود يرعاها
يالله ياللي فرضت الصوم = في جنة الخلد مثواها
ولكل منا اجل محتوم = من يقنع النفس ينهاها
مافيه منهو عليها يدوم = رحماك يامن ذكر ( طـــه )

( 99 )

على لسان صغيرتي=
بكره ترى أبلتي بتغيب=وانا عريفه على فصلي
سؤال لازم عليه تجيب=فاللعب منهو بيرخصلي
فيصل معتوق الأحمدي=
اللعب يابنيتـي مايثيـب=لجله سبب كان في فصلي
يعل فيك الرجا مايخيـب=وللعاليه دايمـاً تصلـي

( 100 )

يابخت منهو كتم غيضه = يبغى الأجر من اله الناس
ولايبان لك شي من فيضه = والعفو دايم لهم نبراس

( 101 )

العيد قــرّب على الأبواب = يا ماحلا العيد فالديره
في جو ياصحابنا جذاب = وسط .. الدهاليس .. والنيره

( 102 )

فيصل معتوق الأحمدي=
كل التهاني بمقدم عـام=يحمل أماني لهذا الجيـل
ياستاذ عندي عزيز وهام=سـلام يامتقنيـن القيـل
قلّبتها من يمين وشـام=يمكن الاقي لها تحليـل
لقيت فكري تعنى وحـام=وعود بخفّي ( حنين ) يشيل
فهد سعيد الأحمدي=
ترحيب يالشاعـر المقـدام=تقدير احمل مع التبجيـل
لاهل الوفا من رجال كرام=وفالقول تكميل في تكميل
عطني الدفاتر مع الاقلام=باشرح عبارات بالتفصيل
اصبر تلاقي الهنا قـدام=درب ٍ مشيته عنه لاتميل

( 103 )

اللي لهم ود فـي قلبـي=سنين وانـا عليـه ادرا
تكانفـو سببـو غلبـي=والدمع . سويتله . مجرا
تحيتي=

( 104 )

ليت الطيور التي فى الجو = تحمل لهم كامل اشواقي
وتقلهم لو جفاكم لو = طول ترا ودكم باقي

( 105 )

ياليت ينطق ( قصب و قصيب ) = عن الفرح والذي جوله
أهل الوفا كاسبين الطيب = ( أبو سعد ) والذي حوله
ومافيه شكه أبد أو ريب = وفيما مضى مير مقيوله
الناس لهل الوفا بتجيب = لو كان بالحيل مشغوله

( 106 )

صلاح وارد المطرفي=
سلام يكتب لكم ويذاع=فالمنتدى وانتظر رده
حالي تردى وجهدي ضاع= باسباب هجمات مرتده
الوقت عيامعي ينصاع= والحظ عانيت من صده
يامن يفيد الذي ملتاع=اللي مشى والهواء ضده


فيصل معتوق الأحمدي=
رغم اني فالمنتدى لساع = طازه ولاسار لي مده
يامرحبابك عدد ماشاع = برق الحيا في سما جده
ومن كان عنده وسط ودفاع = هجمات خصمه ورى القِده
حث الخطا وادرس الأوضاع = تلقى الهنا من بعد شده
تحيتي=