كلامه أحلى من شراشيح هداج

السلام عليكم ورحمة الله وبركاته

مساكم الله بالخير جميع

قصيده عساها ترضي ذوقكم

يامل قلب ٍ قـام يدلـج بـي إدلاج=ويشكي ظروف ٍ عند ربـي فرجهـا
يبغى الطلوع ولا لقى درب منتـاج=وساج بمعاليق الضلـوع ونفجهـا
أعول عويل اللي من الولف مخلاج=اللـي ولدهـا بالمظامـي حنجهـا
كنّت اليـن ان الظمـا بكبدهـا لاج=وآخـر بلايلهـا ولدهـا لهجـهـا
قامت تمدرج له على الماء تمدراج=ولا قام طاح وخطوته مـا درجهـا
وأمست وجاها مسلوع ٍ يمرج إمراج=وحجم عليها وعن ولدهـا فلجهـا
وقامت تلوج وتدرج الموقـع إدراج=حول الفريسه ما أبعـدت مدّرجهـا
قامت تسوهج من غبونه تسوهـاج=حر النما بمثنـاة كبـده سهجهـا
على الذي لا شفـت مثلـه ولا داج=في نظرتي والناس مارقى درجهـا
ابـو ثمـان ٍ لأبتسـم بالتـبـلاج=تجهر الـى مـن الشفايـا بلجهـا
بيض ٍ تلالا وسطها السوس ما داج=ولا تلثق الابـره بمفـرق فلجهـا
والعين فيها يطّرد مثـل الأمـواج=سوداء ولو هو بالكحل ما دعجهـا
وخده صقل باللون من غير مكيـاج=وشقرن على مفرق متونه حدجهـا
وكلامه أحلى من شراشيـح هـدّاج=على الكبود اللـي بـراده بهجهـا

وكلامه أحلى من شراشيـح هـدّاج

صح السانك على القصيدة المبدعه والرائعه

كلام جميل ورائع

بيض الله وجهك

صح لسانك اخي الشاعر رجعان سالم الحربي

واعتلى شانك وبيض الله وجهك على القصيدة الجزله

نتظر جديدك وابداعك

اتمنالك التوفيق

اخيك ابوروان

الشاعر الكبير / رجعان سالم الحربي


صح لسااااااااااااااااااانك مليااااااااااااااار في ملياااااااااااااااااااااااااار

قصيده جزله وفي قمة الجزاله

لاهنت على المتعه والإبداااع


بأنتظار جديد الجميل


لقلبك الود

صح السانه وعلي شانه

وبيض الله وجهك على القصيدة المبده

	لاخ والشاعر المبدع رجعان سالم الحربي قصيده قمة في الابداع بيض اللهوجهك على هذ البوح الجميل لاهنت

صح السانك على القصيدة المبدعه والرائعه

بارك الله فيك

الأخ الشاعر رجعان سالم الحربي

لله درك

ياسلام على الابداع

بيض الله وجهك وصح الله لسانك

راااااائعه من رااااااائع


تقبل اجمل التحايا

ودمت ودام تواجدك وابداعك

صح السانك على القصيدة المبدعه والرائعه

صح السانك على القصيدة المبدعه والرائعه

بارك الله فيك