القسيمه مدبوله لأي مواطن

مرحبا يا اخواني

السلام عليكم ورحمة الله وبركاته

ناقشوني في هذا الموضوع

انا متابع للاخباريه السعوديه باالذات برنامج دوائر وصاحب القضيه

امس شفة اعاده للبرنامج حيث كان الضيف على برنامج دوائر عقيد عبدالرحمن في مرور الرياض شكله يعطي نفسه قسايم اذا ماربط حزام الامان

المهم

المواطنين متضجرين من رفع العقوبه الى هذا المستوى من خلال اتصالاتهم على البرنامج طيب قلت في نفسي لمن تروح فلوس المواطن المسكين الي نسى رخصته في البيت والي نسى يربط حزام الامان

والي عكس شارع في وسط الحي اخر اليل والشارع فاضي وهو راجع من العمل او عنده مريض ومستعجل او او او كثيره

وين تروح فلوسهم سئلني احد الشباب الموجودين عندي

ورديت عليه بكل ثقه تروح للحرم ويستفيدون منها الفقراء والمساكين والي بينهدم بيته علشان المشروع بيطاه ولم يعطوه الى 150 الف تعويض ولا يدري يستاجر والى يشتري خيمه فيها يعطونه فلوس من هذه المخالفات


قالي تعال

جيته وقالي ياخي العقيد يقول 3 مليون قسيمه خلال فتره وجيزه من بدء الحمله هذا فقط في الرياض

خلنا نسوي عمليه حسابيه بسيطه نضرب 3 مليون قسيمه في 150 ريال الحد الادنا للقسيمه وانشوف كم تطلع

حسبتها بجوالي فأذا المبلغ 450 مليون

ياوجه الله 450 مليون والله مبلغ خيالي من ادنى حد وفي مدينه واحده

خل المرور ياخذ 400 مليون ويرد الباقي للشعب في اسكان او كفالة يتيم او اي شي انشاء الله يصلحون الحفره الى عند بيتي وورعين جيرانا دايم يتبطحون في المجاري اجلكم الله الي انا مغطيها في بلكاشه وقريب مدرسه ابتدائيه

الخلاصه ..

في امريكا هناك نضام نقاط 12 نقطه لكل سنه ميلاديه الي يتعداها تنسحب الرخصه منه ويعاد تأهيله من جديد واذا عاود المخالفه يحرم من مزاولة السواقه لمدة سنتين وتسحب الرخصه منه


نضامهم رهيب ولا فيه مذله


لاكن عندنا معامله سيئه وجهاز حكومي هدفه الاسمى كم قسيه سجلت لهذا اليوم


انا احلف بالله العلي العضيم ان الاوامر تجبر العسكري على صرف عدة قسائم في ساعات العمل واذا ما جابها يتجزاء

وين عايشين حنا

يا اخواني اذا ما تكلم المواطن ووصلت كلمته للمسؤل الي ما درى عن هذا الموضوع راح ياكلها مفلفله


على فكره من المسؤل عن قطاع المرور هل هي وزارة التجاره


تحياتي للجميع

هذه كلها من الإدارة العامة للمرور .. و لو كلام المواطن يصل إلى ولاة الأمر

لـ تيم إلغاء هذه القسيمة المدبــوووووووووووولة

ماهو القسيه المدبوله الى الاداره الجائره ونضامها الذي لايصب في صالح المواطن

وقالك ايش مانبي تزيد نسبة الحوادث شوف الحجه انت كذا تدفع الشباب الى السرعه الانتحاريه والتهور لانه صار عمره 30 سنه وهو ياخذ من ابوه المصروف

يا اخواني متى يرتقي ذلك الجهاز الامني الى الافضل

ومتى تستنير العقول المتعسفه


شكراً لك اخي حميدان على المرور الكريم

تسلم أخي محمد العبيان

وهذا يشير إلى أن هناك وزارة تجارة مصغرة في كل إدارة

وحسبنا الله ونعم الوكيل

يعطيك العافية

اااااه يالقهر كانت علي 900 واندبلت يلعن ام الغبنه

نايف ههههههههههههههههه هذا شكله اول المتضررين

اخي نايف الله يعطيك العافيه

العقيد عبدالرحمن من المرور

يقولك ان الشيخ العبيكان افتى ان المرور معه حق في تعامله هذا مع المواطنين


انا ودي اعرف المرور عمره اعطى الشيخ قسيمه في حياته

لا اضن انه يدري ان فيه دائره حكوميه اسمها المرور الى باالسمع واعتقد انه قد افتى بتحليل السحر والذهاب الى السحره قبل ذلك يعني مفتيكم الله يهديه من جنبها

	يعطـــــيـــــك العافيـــــــــــة ومشكـــــــــــــــــوووووور