محاورة رائعة بين الشاعرين/ راشد السحيمي و سعيد بن رحمه

سعيد بن رحمة

سلام تسليمـه لهـا معنـى ومعناهـا كبيـر=تسليمـه هـذى مواقفهـا وهــذا حلـهـا
ياراشد شرايك نغوص شوي في البحر الغزير=امـا تـروح كلـهـا ولا تـعـود كلـهـا

يامرحبا يا اصحابنا والله يمسيكم بخير =ترحيبة يطلع لها الرجال ما ينزل لها
بسم الله الرحمن روحنا يصير اللي يصير =واللي تطاوع هاتها واللي تدقر خلها

انته يابورامي معاندنا لجل شـي صغيـر=عطني علومك كلها واحفر لها وادفن لهـا
الطير لولى الريش والجنحان مايقدر يطير=خلك معي واللي عقد روس الحبال يحلها

ماهو عناد الله يسامحكم ترى الموضوع غير =اكيد فيه امور بعض الناس مايفطن لها
تسمع هدير الزمل ماتدري عن اسباب الهدير =الزمل لعضت بعضها جد وش نعملها

اعلومكم مانقصت من قدرنا حبه شعيـر=علم هل الاخبار تقعد في المكان احسن لها
ترا بعير مايشيل الحمل مايحسـب بعيـر=وبعيرنا سمحان لاثقلـت حمولـه شلهـا

كلام ابو ثوبٍ طويل يغث ابو ثوبٍ قصير =امسك يابن رحمه امطولت الثياب وقلها
ماهي قضيه هينه تترك للامر الاخير =يا اهل الجمل سمحان باقي الزمل وش حاصلها

انتم من البارح تشوفون الرحي اللي تستدير=وبعض السوالف تدبل اكبود العرب وتعلها
قد لك ثلاث سنين وايقودك لنا سلك الحرير=والله يبارك في الجبال اللي يظلـل ظلهـا

برجع على روحي واحاسبها واصلي واستخير =الله يرجع كل حاجه ياسعيد امحلها
الفتنه اللي داخله من بيت امير لبيت امير =لاعاد تدخل في بيوت الطيبين احسلها

الفتنـه ام الشـر خلوهـا تريـح فالسريـر=لو تكبر الفتنه تغيـر فـي البشـر وتذلهـا
ياراشد الحربي ترى الدعوى عبوس قمطرير=وان كـان ربـي حلهـا لعلـهـا لعلـهـا

انته حضورك فيه اء ثاره صح واغيابك مثير =عندك حقيقه غامضه كيف العرب تاصلها
لو كل ما اسمع عنك كلمه عابره جيتك مغير =جيتك وقلت اللي بعينه دمعتين يهلها

سلمت يمينك يابو ناصر
محاورة رائعة جدا
بين عمالقين من عمالقة القلطة .

بيض الله وجهك يابوناصر


محاوره اكثرمن رايعه

الله الله الله
محاوره جميله
اشكرك جزيل الشكر والتقدير

ماقصرت يابو ناصر على المحاوره الرائعة

[blink]الله الله الله
محاوره جميله
اشكرك جزيل الشكر والتقدير[/blink]