الشايب والوايت

الشايب والوايت




يسولفون عن شايب إنه يشتري له وايت..عشان الحلال،،


وعزم يجمع له بالدراهم لين صار عنده ثمانين الف ريال،، وتوكل على الله،،


واقبل ذاك اليوم إلا ذيك الناس المجتمعة في ارض فضا،،


واثري جمبهم وايت،، وعجب خوينا هالوايت،،


قال بس خلني اشوف هالوايت عساه للبيع،،


يوم وقف واثري هالجماعة يحرجون:


50 ،، 52 ،، 55 ،،


قال بس شكلهم يحرجون على هالوايت إن شاء الله انه من نصيبي،،


ويخش بالحراج... 56 .. ويزود.. ويزودون ... ويزود..


لين وصلوا 75 .. قام خربها وقال 80 ..


هو قال ثمانيييييييييين يوم سكتوا..!!! وهجدوا..!!!! والتفتوا عليه،،!!!!



يناظرونه.. يناظرون بعض.. يوم تغامزوا ونقز له واحد منهم ..


ويسحبه على جنب.. قال شف يابن الحلال بنعطيك مليون ريال بس امش من هنا ولا نشوف وجهك..


قال هااااا.. وش السالفة..؟؟!! مليون .. وليه..؟؟ قال له بس خذ هالشيك وتوكل على الله


وش اسمك؟؟ عطاه اسمه وكتب له الشيك بمليون ريال وصرّف الرجال..


هو ما يدري وش السالفة ..


طيب وش العلم ..!!!!!؟؟!!!!

..

..

اثري هالجماعة يحرجون على المخطط وواقفين بالصدفة جمب الوايت..

و56 مليون و75 مليون.. وبو الشباب خش معهم..


ويحسبونه هامور يبي يلطش عليهم المخطط.. قاموا صرفوه بمليون..


وهو طاير من الفرحة


____________ _________ _________ _________ ________

ا رزاق ياقدعان اللهم لا حسد ، لا اوصيكم الله الله بالوايتات والي يحصل وايت واقف يعلمنا يمكن الله يرزقنا مثل هالشايب

بس مدري وش صار فيه المسيكين شكله مات من زود الفرحه

ههههههههههههههههههه
ابو سامي تمتر الخطوط تدور الووويت هذا الحظ مايموت يمرض يمرض ثم ايتعافا بس اذانه يوم ايتعافا وانا كد شيبت علي الحرام لاادور اقو سم واخليه يشربه ملعون الثوى
اما الشويب قبل كم سنه وهو بعرعر مبسوط لكن هالحين ما ادري عنه

سبحان الله الرزاق الكريم

استاذ ابو سامي جدتي تقول كلن علي نيته والرزاق واحد

بيض الله وجهك علي هالسالفة الطيبة

واسمح لي بحفظها عندي

دمت بسعادة

	المشاركة الأصلية كتبت بواسطة جريح الفرقا

	ههههههههههههههههههه ابو سامي تمتر الخطوط تدور الووويت هذا الحظ مايموت يمرض يمرض ثم ايتعافا بس اذانه يوم ايتعافا وانا كد شيبت علي الحرام لاادور اقو سم واخليه يشربه ملعون الثوى اما الشويب قبل كم سنه وهو بعرعر مبسوط لكن هالحين ما ادري عنه

والله خايف القاك تسابقني على البرحي كل ماشفت لك لمه تحسبهم يحرجون
على مخطط ثم تروح عاد تزايد فيه يمكن تحصل هامور يصرفك بمليون
والا مليونين
بس اصحى تورط تحصلهم يحرجون على وايت تحسبهم يحرجون على مخطط
بعدين والله يحملونك بقيمة الوايت
وسلمت اخوي مضحي
وترانا نفزع لك لو ورطت بس توقع

الارزاق بيد الله هذا مكتوبله من يوم انه صغير

يديك العافية



/

/

سبحان الله

سيروا على نياتكم ترزقوون

الشاعر الراقي

يعطيك العافيه

يقولك النيه مطيه
:
:
:
وللـــــه في خلقه شئون




ههههه

يستاهل الشاااااااايب

الله اللي عطاااااااااااااااااااااه