محاورة لـ شاعر الخليج صيّــاف و مستور العصيمي

هذه محاوره قديمه للشاعر صياف السحيمي الحربي(شاعر الخليج) رحمه الله .... والشاعر مستور العصيمي

اشوف مستور العصيمي جاب حبله وجملـــــــه =وليا قضى تمر الحساء جاني يبي تمر القصيم
ان مــد وحــده من يديــه امـلا يــدي واحطلـــه =وان كــان مد يدينه الثنتيــن اقــول الله كريــم
ان كان عندك تمر جيتك بالبعيــر وحملـه =لكن لا تخلط لي التمـر الجديد مع القديــم
اظن صياف السحيمي ناسيا ويـش قلتلــه =وان كان ناسي يا صياف قل بالله العظيم
التمــر يامستــور مــا عندك سنــون تاكلـه =أكل الضروس السوس والنيبان مافيها سليم
ياللي تبي ترضي هذاك وذاك تبـي تزعلــه =اهون عليك اللفلفــه والا الطـريق المستقيــم
لابــدنــا نلقــى لنــا غيــرك عميــل نعاملـــه=وانا ضروسي من حديد وتكسر العظم الصميم
وان كان ماتدرون ويــش الراي خلــوه لهلــه =قــد قيــل بالامثــال مانــزال شدد لـه مقيــم
ينفــك بــاب الخـير للطرقي وحظــه يقفلــه =درب الصحيح يجيده العاقل ويخطيه الغشيم
اليا نقصــت الكيــل والمكيــال قلنــا كملــه =حنا ترى ماعندنا فاصحابنا خشم وخشيــم
بان الصحيح وكل رجــال عرفنــا منزلــه =احد حياته في شقا واحد حياته في نعيم
اللي يبي كحل العيون يلد يمي واكحلــه=والا على قول المثل مال الغريم الا الغريم

مساءك سكر :


رحم الله صياف .. كان ومازال وسيظل طويلا العلامة الفارقة في سماء القلطة ..!!

شكرا للنقل وبيض الله وجهك ...

اتحادي حـــــرب


مشكور لاهنت


و رحم الله شاعر الخليج / صياف الحربي

و لو أن فيه ناس تحاول سرقة لقب لشاعر الخليج

بيض الله وجهك

ورحم الله شاعر الخليج

محاوره رائعه وشعراء كبار