صياف الحربي و مطلق الثبيتي رحمهما الله ياسلام الله ودار العز مرفـــــــــوع علمــها

صياف الحربي
ياسلام الله ودار العز مرفـــــــــوع علمــها
عقب شعشع نورها والظلم حال العــدل دونه
الثبيتي لو اقول اقسم عيونك ماقسـمـــــــــها
والتفت فيــّه بنظرة حســد ويطيـّـرعيــــونه
مطلق الثبيتي
يحفظ الله الجزيرة والشجــاع اللي حكمـــها
مثل قصر ثابت السيسان واخوانه حصونه
صاحبي صياف ينهبها وياكلها بدمـــــــــها
ليتها ماتاصل الحنجور تنـشـب في ســـنونه
صياف الحربي
المطية ماتقاود غير مع رجل خطمــــــــــها
لو يضيع خطامها من طردها كثرت غبــونه
انت اشوفك تفرس الصيدة وتاكل من لحمـها
والخوي لاضيـّـع القانون قامو يشمـتـــــونه

مطلق الثبيتي
المطية خلها في الدرب لاتكتــم نسمـــــــــــها
واحترص من غضبة الجمال لايضربك شونه
كل حيـّة سمـّها في بطنها ســدّيت فمــــــــــها
وان لقيت الوعل ابو قرنين اطقه في قـــرونه

صياف الحربي
اكثر العربان يلزمها وكنــّـه مالزمــــــــــها
ثم راح من الزعل يمشي ويقطع من ردونه
انت مثل العقرب اللي تخلع الناس بوحمـها
مار جاها قاريُ شاطر دهنها من دهـــــونه

مطلق الثبيتي
ماعليــّه من عجوزك كان ماضــــوّت غنمها
وان زعل صياف جعل اللي وراه يحول دونه
امس يبني عشته في الضلع واليوم يهدمها
والهبايب ماتهبه والطراقي مايجـــــــــونه

صياف الحربي
الله انه ينصر السنة ويظلم من ظلمـــــــــــها
والعرب مايطحنون الحب لين يفتشـــــــــونه
لو تشوف العشة اللي صاحب الخبرة حزمها
فوق ضلع كل ماطاح المطر تثمر غصــونه

مطلق الثبيتي
الآشارة فآخر الشارع بصدامه صدمـها
الونيت اللي قديم وكل يوم يوظبــــــونه
المنايا ياوسيع العرف مايخطي سهمها
مارخلك صالح النية وعمك لاتخـــونه

صياف الحربي
القلوب العمي خل الذيب ياكل من شحمـــها
والونيت اللي يسوقه صاحبه لاتقـربــــــونه
ليت بقعاء تلمس الرمضاء وتاكل من قدمها
وانت يابو راس راسك ماتغيـّـر عن متـونه

مطلق الثبيتي
العيـــــون اللي تهل دموعها منهو لطمها
لو عرفته كان خليت الجماعة يحبســونه
المطية يوم ريض مشيها محد نهمـــــها
لو نهمها كان تاصل مطرح ماتاصلونه

سلمت يمينك على المحاورة الجميلة