( والنّاس صعب تنول شيٍ مرّها ثم فاتها )

خالد بن عبيد بن معتوق الأحمدي

كثر اللباس اللي خلق ربّي على اجلود الطّيور
سلام من شاعر يجيب الطّيبه فاوقاتها
انته يابو سامي سريت الليل والعالم حضور
نادت عليك النّاس لكنّك زهلت اصواتها

ندا الغيداني
عد الدّقايق والثّواني في الليالي والشّهور
يامرحبا وان كان به جزله ياخالد هاتها
انا سريت يوم انّي قريت مضمون السّطور
والنّاس نادت قبل لاتنظر إلى ساعاتها

خالد بن عبيد بن معتوق الأحمدي
ماجبتلك غير الثّمينه والثّمينه ماتبور
دام البقى واهل الكرم ماتختلف عاداتها
مادام مااستاذنت منته في تصرّفك امعذور
كفّارة الزّله عذر في شرهةٍ باثباتها

ندا الغيداني

مافيه شك ولا غرابه وانت صقر من الصقور
مير الاوادم لاتشكّك في صدق نياتها
ترى الكلام اللي تقوله ياعميلي فيه زور
مادام ماانت بصاحب الحلّه ومن قاماتها

خالد بن عبيد بن معتوق الأحمدي

وانته كذلك تنحسب لو كان دمّك مايفور
ترى الملامه من غلا هي المعزّه ذاتها
قصدي موضّح في كلامي لاتلفّت لاتدور
وانا ترى عمده لها يوم انت من راياتها

ندا الغيداني

رتّب كلامك وانتبه للصّادرات وللورود
لاكثرت هروج العرب تكثربها غلطاتها
وحدّد هدفنا لا تضيعنا عن ادروب العبور
واترك متاهاتٍ تعنينا كُثر لفّاتها

خالد بن عبيد بن معتوق الأحمدي

تراه مايحتاج مابه نقد يالرّجل الوقور
جتك المعاني مُحكمه ياللي قريت ابياتها
افا عليكم ياوسيعين المعارف والصّدور
سبتوا ميادينٍ من اوّل تطربوا ساداتها

ندا الغيداني
النّقد عنك ابعيد وانته رجل بالطّيب امخبور
واسمك لمع في ساحه الاشعار مع قاداتها
غصبٍ تركناها وشرواكم بخيصٍ فالامور
والنّاس صعب تنول شيٍ مرّها ثم فاتها

صحت السنتكم
والله يـعـطـيـكم الـعـافيـــــــــــة
بيض الله وجيهكم

خالد / ندا
صحت الالسن وبيض الله وجيهكم

صح ألسنتكم ولاهنتوا 🖒

حسين هنا ضمن الصفوف وحنا ننشد عنه