لعل من يسعى على الحقد ويجيب / يموت مايلقى صحيب ورفاقه

لعل من يسعى على الحقــد ويجيب
يمــوت مايلقى صحيــــــب ورفــــــاقه
يموت في حقـــده ماحصل مكاسيب
ولاعـــرف معنى الوفـــــا والصــــداقه
ذليــل محــــروم الحــــيا والمواجيــب
ماله مع اهل الطيــب اسم وعــــلاقه
حيـــثه على درب الردى والاكـــاذيب
دايم وله مبـــدأ واســــاس ولبــــــاقه
يخدعك في حلو الحكي والمشاريب
وفي داخله تلقى الحسد والحــماقه
وجهين خبـــث وكلبـــوها عـــــذاريب
يقطعك ياوجــــــه الـردى والطفـــــاقه
يامـــا هـــدم حــلم بنته التجـــــاريب
وياما خـــذاله بالحســـد من بطــــاقه
يبني على ضيقــــات غيـره مراقيــب
ويفرح بدمعــــات البشـــر والرفــــــاقه
له بين خــــــلانه طرايق واســاليـــب
متميز (ن) مـــابيـــنهم بالرشـــــــاقه
يســـعى وفي سعيــه تدور الدواليب
ولاينفع المخـــطي حلـوف وشفـــاقه
ماله ســــوى سيف يحــش العراقيب
ويطيـــح في فعله ولافيـــــه طـــــــاقه
يعرف بعـــدها اخر الحقـــد ويشيــــب
ويمـــوت مـــاحصـــل مع الوقت نـــاقه



عبدالعزيز مناور الرويثي الحربي

صح لسانك ياعبدالعزيز
الله يعطيك العافيه

صح بدنك يابو فراج

الله يعافيك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك وماعليك زود

ووجهك ابيض

لعل من يسعى على الحقــد ويجيب
يمــوت مايلقى صحيــــــب ورفــــــاقه
بلا ماتدعي عليه
هذا مصيره المحتوم
نص رااقي
صح الله السانك لاهنت

ماشاء الله تبارك الله
صح لسانك
قصيدة رائعة

ماشاء الله تبارك الله
صح لسانك
قصيدة رائعة

صح الله ابدانكم جميع

لاهنتم