مليون جني

كفي تخط الخط من دون ما اقراه
يملي علي الشعر مليون جني

مرات انا اكتب من صميم المعاناه
من موقفن خلا هجوسي تغني

ومرات لا بالله حبن ومشهاه
انظم بيوت الشعر وبكل فني

والحين انا بخاطب الشعر وانعاه
ما دام سهمه في زمنا امتدني

من اولن عند العرب عذب طرياه
ولا كل من يبغاه جاء بالتمني

واليوم باسط بين هالناس شلفاه
والكل يغرف منه شيعي وسني

وما دام ذيبه صار يقلط مع الشاه
ما عاد نجره جوف صدري يدني

ابدعت فيه وجت فنه ومعناه
بالرغم يا شامان من صغر سني

انظم درر واسمع الناس حسناه
والقاف عن قول الهزيله يثني

والصيت والعزه مع الطيب والجاه
من طيب فعلي يالخوي حاصرني

ولا جيت انا لشعر وابغى المباهاه
جاني بعد سود الهموم اسكنني

وشين يجينا بالسهل ما فقدناه
الفقد فقد اللي مجيه معني

والله يا لولا ابوي لولاه لولاه
ما عاد لي فالشعر خيلن تعني

عودن تهقوابي وانا عند هقواه
يبشر وانا ما اخلف هقاويه عني

الشعر من هالحين حرب ومثاراه
اما عطاني التاج والا كفلني

وان عشت قبل الشيب يبدا بمغزاه
اني لكون بقمته مستكني

كلام جميل
يسلم ذوقك.

ابداااااااااااااااع
ونص جزل لاشك
صح السانك لاهنت

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك