السيل كم اغرق اللي ما يشوف الغمام

السلام عليكم ورحمة الله وبركاته

انا على نجد ماني يالمسولف غريب = ولاهي غريبه عليه ياغريب الكلام
اديار خالي وعمي ياردي النصيب = وبحبها ماعليه يالضعيف ملام
لو انتي مثلي بهذا الشكل منها قريب = علقت اسامي ديرها فوق صدرك وسام
وذيلت فيها نصوص القيل لو كنت اديب = تحت اسمك ولاعطيت اللي يلوم اهتمام
يالي ذبحك التشتت والتشتت تعيب = الله يعينك على التشتيت والانقسام
يامعايد القريتين العيد شمسه تغيب = ولا حصلك عياد ولا حصلك سلام
حاول تصبر ترا مالك علاج وطبيب = لا تفقد الاتزان وتفقد الاحترام
والنفس وابليس لا ترميك وسط القليب = اللي بها الذيب وانته ما تسده طعام
تـــرا ابنادم لمنه صار ماهــــو لبيب = ما ينفعه بالشدايد يهمله بالسلام
وان شاف مابه مطر ينزل بوسط الشعيب = والسيل كم اغرق اللي ما يشوف الغمام

الله المستعان
صح لسانك

ابدااااااااااااااااااع
من اهله
صح السانك لاهنت

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة صلاح الحيسوني

	الله المستعان صح لسانك

صح بدنك
وحياك الله

	المشاركة الأصلية كتبت بواسطة الكحيلة

	ابدااااااااااااااااااع من اهله صح السانك لاهنت

صح بدنك تشرفت
بهذا المرور والتعليق ﻻهنتي

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك وﻻهنت على مرورك المشرف