والمملكة تسجن المنعاج ...... والنصر تاريخه أسطوري

السلام عليكم ورحمة الله وبركاته







هذا رد محمد راشد المعبدي على الأبيات المتداولة عبر المنتديات والواتس اب واللي يقول فيها :







توافدي يالهموم افواج
مادام مانتي على شوري

توافدي وانحري هداج
صدر على العز معموري

مانيب محرج ولا محتاج
طلعني الوقت عن طوري

شكرا على كثرة الإزعاج
يا مجتمعنا ومشكوري

النآس ما عاد فيها ناج
كوارث الوقت بالدوري

ما عاد فيها طليق حجاج
راحوا على دقة البوري

وبيوت ربي غدت مسهاج
ما تدخل ايام وشهوري

والحقد والحسد زاد وراج
ما عاد خلوا لاحد سوري

والشر بين القرايب عاج
الثور يمشي ورى الثوري

والارض ماعاد فيها انتاج
والحق بالله منصوري

وريح القيامه عيلنا فاج
وآياتها شي مخبوري

والمملكه تسجن الحجاج
والنصر متصدر الدوري







الرد / محمد راشد المعبدي


ردة فعل للمريض علاج
وسط الملا تعلن حضوري

ياناسج الصوف والديباج
خبيث قلبك ومغروري

مريض نفسي وفكرك داج
وقلبك من الحقد مأسوري

المملكة فوق راسك تاج
والنصر خلاك مقهوري

تضحك على الناس ياهراج
بالزيف والظلم والزوري

وبيوت ربي عليها سراج
واللي يبا الأجر مأجوري

والشر لأهل الردا منهاج
والخير نهجي ودستوري

وبلاوي الوقت ياسذاج
لو قلتها تعجز سطوري

وجه النساء مادخله إحراج
وسواقة البنت محظوري

ووجه الرجل فوقه المكياج
وسميرة تحب عموري

الفيلم هندي مع المونتاج
والصيني يشبه له الكوري

والمملكة تسجن المنعاج
والنصر تاريخه أسطوري





وســــــلامتكم.....







تحيـــــــــــاتي للجميـــــــــــع...

كلام روووعة
يسلم ذوقك

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح الله لسانك يا ابيض الوجه
كل الود

صح لسانك وسلم بنانك



كسره رائعه بروعة حضورك



لك تقديري

ياسلام ياسلام
ابداع من المعبدي
الله يعطيكم العافيه

روعة بيض الله وجهك
تحياتي

صحــت السنتكــم
دمتم برعاية الله وحفظة

صحت ابدانكم جميعا...




وببض الله وجيهكم....


اسعدني مروركم....






تحياتي لكم...

مساجله رايعه

صحة السنتكم جميع