ياحرب يا اهل العز واهل الشكاله *****وكل العلوم الطيبة حـرب اهلهـا

ياحرب يا اهل العز واهل الشكاله=وكل العلوم الطيبة حرب اهلها
ياحرب يا اهل العز واهل المقاله=حرب العزيزة مابه اللي جهلها
الكل منهم عز للي عناله=حربي وينخى اللي رفيعه انزلها
ياعزوتي يا اهل الصطْر والرجاله=تبقى الى يوم القيامة افعلها
ينخاكم اللي قلت حيلته واحتماله=نفسه حزينه والحزون اكتملها
وعلى قبيلة حرب كل التكاله=ينخاكم اللي ضيقته ما احتملها
ينخاكم اللي ذاق طعم النكاله=وينخاكم اللي نفسه همه شعلها
وينخاكم اللي مبتعد عن اعياله=والضيق في صدره ونفسه شغلها
واصابعه تعد باقي لياله=ونفسه قام يزيد فيها زعلها
وينخاكم اللي الموت قدمه خياله=من كثر همه راحته معتزلها
يناخكم اللي تصفق يمينه شماله=ونفسه في ربعه كثيراً أملها
ياحرب يا أهل العز هذا مجاله=انتم اهل النخوات ومنكم جزلها
يا معتقين الارقاب قبل المياله=الكل منكم الجزيلة بذلها

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنكم والله لايهينكم على المرور

للمعلوميه الابيات هاذي بعوض عيد الحربي

الله يسر وأنا أخوك

للآسف القضيه حتى الحين ما حضت بنفس التغطيه الإعلاميه الي حضت بها قضية خالد

ولا مشوا شيوخ القبيله بهالقضيه ولا سمعنا عن أي حملة أو تجمع في أي منطقه

حرب ماهي مقصره والله بيسرها بس وقوف رجال القبيله وبالذاااااااااااات تجارها الي لاحظنا منهم تقصير في قضية

خالد نبي منهم وقفه يرجون منها الثواب من الله سبحانه ثم الجماله عند ربعهم

الله يسرها.

الله المعين ووتتيسر من رب العالمين موفق اخوي وصح لسانك

صح الله لسانك
ولاهنت
وسلم فكرك وبنانك
دمت برعاية الله وحفظة