(( بعنوان ((+(( صالح البشري ))+)) ........

عزيزي االمتصفح الفاضل إنه ليسرني ويشرفني أن أكتب عن شخص يروم ويسمو
ويرتفع إلى كل ما يشرّف من العلوم الغانمة وصاحب سمعة شواهدها من غيري ترافقها
فلا يحتاج أن أزيد أو أوضح , لأنني مهما كتبت عن هذا العلم لن أوفيه حقه إنه //
الأخ العزيز وصاحب المواقف المشرّفة :
(( صالح بن محمد بن محارب البشري الحربي ))
له مواقف عديدة سامية ومشرّفة بذلها مع أقراب واصحاب وأجناب فأيديه بيضاء
تجاه من يطلب العون والمساعدة ولقد أوردت له قبل أيام قصيدة للشاعر :
((+(( عبدالله المقاطي ))+))
رد ثناء للأخ العزيز أبو وائل وكذلك مجاراة لها من قبل الشاعر
الكبير المعروف :
((+((حماد بن مريزيق البشري ))+))
وهي في
((+(( ملتقى قبيلة حرب ))+))
على هذا الرابط :
http://72.232.182.186/~alhroob/vb/showthread.php?t=5776
ولقد وجدت أن أحد الإخوة الكرام بأحد المنتديات قد ذكر تلك المواقف المشرفة والسامية
للأخ :

((+(( صالح بن محمد البشري ))+))
بعنوان // صالح البشري وخدمة الآخرين //
مضمنا ً نبذة تعريفية بسيطة بأبو وائل وقد أورد شواهد لتلك المواقف من قبل شعراء عدة
ومضمنا ً ذلك التعريف والشواهد القصيدتين اللتان كان لملتقى قبيلة حرب السبق بنشرهما
وإليكم ما ذكره الأخ الفاضل :
(( بـــــــــدر الشعيفانـــــــــــــــــــــــــي ))
عن الأخ العزيز صالح البشري حيث يقول الكاتب :
(( اعزائي اعضاء المنتدى الكراااااام
أحب أن أشارككم بهذا الموضوع مما أجد في نفسي و ارجاع الوفاء لأهله
أتكلم في هذا الموضوع عن شخصيه من شخصيات حرب صاحب خدمة لكل من طرق بابه ولها أفعال جليلة وخاصة في القطاع الصحي فهو لا يبخل في جاهه وهو الأستاذ / صالح بن محمد البشري
له الكثير من الوقفات مع الكثير وأنا احد من وقف وفزع معي عندما احتجت له , آمل منكم الدعاء له لما يوليه من اهتمام لكل من طرق بابه و خاصة في القطاع الصحي
كتب به عدد من الشعراء عدد من القصائد
والشعر هو شاهد على طيب وكرم ونبل أخلاق هذا الشخص
واليكم بعض هذه القصائد
يقول الشاعر عيد بن سمير

الطيب اللي كل مـا احتجتـه يـزود=الله يعـزه كــل مـاحـل طـاريـه
يامن له أطيب ما حوى الشعر مرصود=اعيارهـن واحـد وعشريـن ناقيـه
مثل البلاد اللي حفرها هـوى النـود=وخلـى ذهبهـا كـل عيـن تراعيـه
الريح خلـت سالـف العهـد ماكـود=اسرار الأرض وما حوى بطنها فيـه
و انا معاناتي كشف سيرهـا الكـود=عزي لمن حيف الهواجيـس تشويـه
ماني نديم الا ابيض الوجـه ياسعـود=الـي عسـى سـود الليالـي تخليـه
صالح ولد عمي ولـه فعـل مشهـود=ياكثر في مـن الوفـاء مـا يسويـه
عسى الدهـر كلـه سهـود ومهـود=وخطى عليه ورغم ذالـك ماراضيـه
ويصير منه الطيب والضحك مـردود=تقل هـو المخطـي عليـه بتشبيـه
مثل النخل لو تحذفـه لـك بجلمـود=يرجع لـك الجلمـود والتمـر قافيـه

يقول الشاعر عيد بن سمير في قصيدة اخرى

ياللي تقول انك زبون الجماعـه=كلمتك هذي خلهـا لبـو وايـل
عزي ولد عمي ذراعي ذر اعـه=راع النقا منصاه عيال الحمايـل
يطول باعي كـل ماطـال باعـه=على القبيله مايحـوش الرذايـل
في ماقفه لاقام ماهـو زعاعـه=عجل الخوي علم عليه الفعايـل
الشعر في شرواه يرفع شراعـه=من بحر فكري له بيوت جزايـل
يفداه من ينقص ليا كال صاعـه=يقول انا راع الفعـول الهوايـل
وعند المواجه راح مثل المياعـه=يروح علمـه مـا يذبـل ذبايـل
جعله فداء لك ياحليف الشجاعـه=مدى الدهر راسي بروياك طايـل
مادمت حين لي سمـعٍ وطاعـه=يقوم فيك البيـت ماهـو بمايـل
صالح عسى يوم اللقاء والشفاعه=يشفع له الهادى وديع الرسايـل

ويقول الشاعر\عبدالعزيز ابالعون

راكب اللي بس جوله واجتوالـه=المسافـه دون والسـواق تلـه
يلفي اللي عادته كسب الجمالـه=الجمالـه والجزالـه عـادة لـه
ليا لفيت الشيخ تعطيه الرسالـه=والرساله والزمالـه فـدوة لـه
ماردى هداج يروي مـن عنالـه=مـاردٍ كـلٍ علـى ذكـره يدلـه
مثل ابو وايل اليا جابـو مجالـه=يقضي الحاجه بنفـسٍ مسفهلـه
يا بعد خبلٍ كثيـر الـزوم شالـه=زوبعـي شالـه الله مـن محلـه
ما ينول الطيب من شح بحلالـه=ومن بغاه بلاش ماهو حاصل لـه
والتمنـي مايجيـب الا الخبالـه=والردي لو زاد باعه عنـد ظلـه
والتبسـم والتحلـوي والحيالـه=ماتثيب اللي عنوقـه يقعـدٍ لـه
ليا زبنت ازبن على خطو السلاله=ليا بغيت ادناه جاك اقصـاه كلـه
عبقري ناجـح فـي كـل حالـه=القناعه والشجاعـه سلعـة لـه
واترك الجبان لاتقـرب مجالـه=مابعود البروقـه سيـفٍ تسلـه
قالها اللي طاب كيفه واستوى له=منهـجٍ يعطيـه والمعنـى يدلـه
انحر اللي كـل ماجـاه ارتكالـه=مايـكـل ولايـمـل ولاتمـلـه
صالح اللي مايحسب وش غدالـه=هو ملاذ اللي شكى بالوقت خلـه
منوة اللي ضاق من دنيـاه بالـه=المواقـف كلبوهـا يشهـدٍ لـه
المواقـف يشهـد لـه باكتمالـه=علمه الغانم مثـل نـور الاهلـه
ماعطت يمنـاه تجهلهـا شمالـه=ياعسى الايام مثلـه يمهـلٍ لـه
كم ضعيفٍ يغتني من حـر مالـه=انت شمسه وانت نوره وانت ظله
انت حر لو بحثنـا عـن امثالـه=مثل صالـح مالقينـا حـر للـة

ويقول الشاعر/ لافي بن عبدالعزيز ابالعون

يالله يامـنـجـي نـبـيـه مـــن الـحــوت=يامـن كفـل موسـى ورده علـى امــه
في وسط غبات البحر وسـط تابـوت=بأمـرك حفظتـه مــن شــرورٍ تهـمـه
انك تعيـن اللـي مـن الوقـت مكبـوت=هـم الخلايـق وسـط صــدره يضـمـه
همي يزيد وصايـر الحـال مسحـوت=واللـي جـرى للعـود هـو راس همـه
من المرض ياصالح تقربـت للمـوت=مـن وقتـي اللـي شفـت منـه المغمـه
وقفت لك موقف قبـل ساعـة الفـوت=مــن قـبـل لاتكـبـر عـلــي المـطـمـه
صالح محمد عالـي الذكـر بالصـوت=هـذاك ابـو وايـل علـى النـاس سمـه
اللي بنى بالطيـب لـه قصـر وبيـوت=والله لــعــد الــلــي لـقـيـتـه بــذمـــه
ملاذ مـن يلعـب بـه الوقـت ويشـوت=ولاعــاد بــه حـيـل ولا فـيــه هِـمــه
ينصاك من تقصر يمينه عـن القـوت=يـوم اشتكـى لـك كــل نـاقـص تتـمـه
ترجي ثواب اللي خزى كل طاغوت=لاهـنــت يـاحــر عـلــى راس قـمــه
عيبٍ علـيّ أجـازي الطيـب بسكـوت=ذكـرك شمـخ فـي كـل ديـره و قـمـه
واسم الوفى يبقى ولو مات منحـوت=يبـقـى مــع الايــام مــا أحــد يطـمـه

ويقول الشاعر\متعب نحيت الحربي

جتنـي تباشيـر الفـرج فــي دقـايـق=عقـب ثــلاث اعــوام يالله تشـافـي
قضيتـهـا واهـمـوم قلـبـي غـلايــق=مابديتهـا لـقـرب قريـبـن مصـافـي
وبأخر رمق والبال عمسن وضايق=نصيت ابو وايـل بكشـف الخوافـي
وقـام بمقامـن فـيـه حــل العـوايـق=بالعـرف والحكمـه وطيـب الملافـي
ولولاه منصى وماضـي لـه وثايـق=ما انصاه في ظـرف كميتـه وخافـي
أبمـدحـه وأقـــول فـيــه الحـقـايـق=راعـي هـلا وقلـب ابيـض وصافـي
ومهما كتبـت وقلـت قولـي شلايـق=ولا الحق له ردود الثنـى بالقوافـي
ياخـلـق مــن ادم وحــواء خـلايـق=تـظـلـه بـظـلـك يـارحــوم ورافـــي
يوم اللقـى يـوم الحشـر والوهايـق=يـامـن امــرك بـيـن نــون وكـافـي

ويقول الباحث المعروف/ فايز موسى البدراني

باسـم رب البيـت عنـونـت الرسـالـه=الــذي يــدري بـمـا يخـفـي فـــؤادي
اشـكـر المـعـبـود ربـــي ذا الـجـلالـه=شكـر ربـي يقتضـي شـكـر العـبـادي
مرحبـا يـا مــن شـكـرت بــلا اطـالـه=صاحب المعـروف والـراي السـدادي
مــن يقيـنـي اكـفـل المـعـنـى كـفـالـه=صــادق ضـنـي وعلـمـي واعتـقـادي
صـالـح البـشـري ..يانـعـم الـسـلالـه=طـيـب المجـنـى ومـحـمـود الايـــادي
اعـتـلـى ظـهــر المـعـالـي بالبـسـالـه=ادرك التقـديـر فــي حـسـن المـبـادي
ســاد بالحسـنـى وجـــارى بالـعـدالـه=واحـتـوى الادنــى و داراه المـعـادي
عـبـقـري مـامـشــى درب الـجـهـالـه=يعربـي مـا اكتسـى ثــوب الـسـوادي
حــازم مايـرتـضـي غـيــر الاصـالــه=والمعـالـي دونـهـا شـــوك الـقـتـادي
لـو صـروح المجـد تبـنـى بالسهـالـه=نـالـهــا نـــــذل تـهــنــا بـالــرقــادي
كـم سعـى فـي حاجـة شبـه استحـالـه=وانتهـى موضوعهـا بـعـد اشـتـدادي
مـا لحـسـن الصـيـت بالدنـيـا وكـالـه=يـشـتـري مـنـهـا ولايـهـديـه نـــادي
اوجـــد الـمـولـى عـبـيــد لـلـضـلالـه=واصطفى من يرتضي درب الرشادي
اطلـب المولـى عـسـى طـوبـى مـآلـه=كـل مـن يسعـى ويبـنـي فــي بــلادي
يكفـي الايـجـاز عــن طــول المقـالـه=اختصـار القـول ينبـي عــن مــرادي

قصيدة عبدالله بن سعد المقاطي العتيبي

القـاف درهـم وأنــا مـغـرم بدرهـامـه=قــدّام راس القـلـم والطـيـب نـاويـنـه
الطـيـب مــن يفـعـلـه يـلـقـاه قـدّامــه=يلـقـاه يــوم القيـامـه فــي مـوازيـنـه
كم واحـد ٍ فعلـه أبيـض يرفـع الهامـه=يجلا الملامـه ليـا مـن قـام فـي حينـه
أمثال (أبـو وايـل)* الله يمهـل أيامـه=الـلـي مــواري فعـولـه كلّـهـا زيـنــه
الهـيـنـه داسـهــا بـحــذاه واقــدامــه=والطّـيـبـه حبـلـهـا لاويــــه بـيـديـنـه
البيـض منـي عليـه ثـيـاب وعمـامـه=تكسيـه مـن راسـه ليـا حــد رجليـنـه
نـادر حـرار ٍ نجيـب وطـيّـب الخـامـه=وأبـوه سنِّـه علـى الطّيـب ومياديـنـه
من روس ربع ٍ على الطولات جزّامه=مـن لاذ فيهـم تهنّـا وأمرحـت عيـنـه
حرب الحرابـه سنـام المجـد وزمامـه=وسيوفـهـم نـصـرة ٍ للـحـق ومعيـنـه
ياسعـد منهـم نـهـار الــلآزم حـزامـه=أنشهـد إنـه بحـول الله قـضـى ديـنـه
والقـاف والله لــلاي مـجـوّد خطـامـه=مـعــاد يـهــدأ ولا تــهــدأ مجـانـيـنـه
لكـن أبـا أنوّخـه وأبـا أعـلـن ختـامـه=بأزكى صلاة ٍ على اللـي كامـل ٍ دينـه

وعندما سمع القصيدة الشاعــــر حمــــّاد بــن مريزيـــق البشــري
فقام بمجاراتها بالقصيدة التالية

أبدأ بإسم من ذكر موسى مع غلامه=أرسى البحر وافلقه وأغرق معادينه
اللـي لوجهـه صـلاة العبـد وصيامـه=جـل ّوتـعـالا بـسـد الغـيـب راجيـنـه
من بعد ذكـره خفوقـي وردة إحيامـه=على مـرد الثّنـا اللـي فـي مضامينـه
قاف ٍ سمعته يشـوق القلـب بلهامـه=دافـع وفـاء مـن مبـاديـه وعناويـنـه
من شاعر ٍ يجمـع التاجيـن بوسامـه=الشـعـر والعـلـم بـدراكــه وتثمـيـنـه
رد الثناء من سجايا الطيب واقسامه=لـولاه بيـض المواقـف مالهـا عينـه
الطيب عـد ٍ شـروع الـورد بجمامـه=مـا مـات دام أهـل الطـولات محيينـه
يا أبوسعد بالنقّاء والعـرف وإلمامـه=الطّيـب يثـمـر بــذاره فــي مياميـنـه
أنته زبونه وأبو وائـل مـن اعلامـه=يفداك مـن تقطـع المعـروف سكّينـه
أنتـم دلايـل سبـاق الطّيـب وكـرامـه=بالحِيل والهيل كيـل الصـاع موفينـه
ذبّـاحـة الـحِـيـل لـلأخـصـام لـطّـامـه=سبـع القبايـل نقـاء الهيـلا مقرّيـنـه
تمّت وصلّوا على المبعوث بحسامـه=لين أذهب الشرك وإنزالوا سلاطينه
أشـرف نبيـا ً يقـوم الليـل مـا نـامـه=فضل ٍ من الله على اللي مستحقّينـه

..
وتقبلوا فايق التقدير والاحترام )) إنتهى 0
منقول .. بإسم كاتبه .

يستاهل الطيب من حصله

والناس شهود الله برضه وحنا والله يشرفنا مدح ابن عمنا وعساه على القوه.

ومشكور اخوي ابن القبيله على التعريف بالأخ صالح والشكر موصول للأخ بدر الشعيفاني

الأخ ابن القبيله

مشكور يعطيك العافيه على هذه الجهود الرائعه والتعريف برجل يستحق الأشاده باعماله التي تبيض الوجه وهذا اقل تقدير لراعي العلم الطيب

صالح بن محمد بن محارب البشري الحربي

بيض الله وجهه وكثر الله من امثاله

وصح الله السنت الشعار وبيض الله وجيههم على ماسطروه من قصائد اكثر من رائعه

ويستاهل كل خير

وماقصرت يالغالي

تقبل تحياتي وتقديري

ودمت بخير

بيض الله وجهك يابن القبيله

وفيت وكفيت

ماقصرت يالغالي

ابن القبيله
مشكور على الموضوع الجزل
وياجب علينا ان نقول للي تستاهل ونعم مثل ماذكرت عن ابو وايل
وونقول للي ما يستاهل قف عندك ويجب علينا مدح الطيبين وتنويه عن الغير ذلك

أبن القبيلة

يعطيك العافية و بيض الله وجهك


و يستاهل أبو وائل كل مدح

و هذه ليس بغريبة على شخصه حسب مانسمع عنه من علوم طيبة