ديوان الشاعر حمدان الوافي المحمدي ( عاشق الاصاله )

عرضت حالي على الدكتور=ارسل على الفور برقيـه
قرر على حالتي مخطـور=طيـارت اخـلاء طبـيـه
نهظت ياعزوتي دستـور=فكو المغـذي مـن ايديـا
صحيح بعض الدكاتر ثور=قلبي عشق حـب حوريه

حسيبك اللي خلقك وكان=سلمتك القلب وذيته
بنيت لك داخله بستان=من روضة الحب وسقيته

ياسيدي الود كيف انساه== حللت مخلوط مع دمي
فالقلب ناشي وهو مرباه== زاد الاسى زاد بي همي

عيني بكت يوم شافتهـا=والقلب لولا ضلوعي طار
قفـت وزادت مودتـهــــا=حار القدم بعدها ماسـار

اواسي القلب والا العين==والا اواسي انا نفسـي
قفى وراح الزمان الزين==حتى الفرح مانعه انسي

بيني وبين الشاعر جليس الليل عارف مسعد الشطيري
عاشق الاصاله
دار الزمن دار ياعارف= حتى القرى من السكن اخلت
اهل النخل مالقوا خارف=ماغير هندي واخو مرفت
جليس الليل
انا مثلك يابو نايف=ايام دوراتها حصلت
وتأتي ايام متخالف=واخبارها تسر لانشرت

الود مايشمله تأمين =ودي تــقاعد انـا قـــنــعـان
تجاوزت خـــدمــتــي خمسين =والقلب مايحتمل تعبان

الى جميع الشعراء الافاده عن هذه الكسره الحائره ارسلتها الى اكثر من شاعر ولم ياتي الرد
1=هل يوجدخلل في الوزن
2= هل هناك نقد فنستقبله بصدر رحب
3هل هي مقفله من الجواب كما قال بعض الشعار
اذا لم يوجد اي شي من ماذكر ارجو مجاراتها اتمنا من كل شاعر في هذا الملتقى ان يدلي برايه




اواسي القلب والا العين==والا اواسي انا نفسـي



قفى وراح الزمان الزين==حتى الفرح مانعه انسي

اول اشوفه وحيي فيه== ولاشافني وهوحياني
واليوم قفى وقعدة ابكيه== طول المسافات يحداني
لاورفع الصوة ما يمديه== يرجع صدالصوة لي ثاني
وان مر طيفه وقمت اطريه== يذرف له الدمع فاعياني

صبرت حتى نفذ صبري== اسامر الليل في رجواه
حاير ومحتار في امري == ياهل ترى لموده قضاه