من الارشيف

حان الفرا ق وحان تشتيت الأحباب=واضن فرقانـا عريضـة طويلـه
مع الوليف اللي على البال ماغاب= طيفه يجينـي كـل يومٍ وليلـه
عليه قلبي بين الإضلاع من صاب= كنه يقلـب فـوق حـام المليلـه
والكبد أحس بوسطها تقل مشهاب= والحال من فرقاه صـارت عليلـه
ياعاذلي لو بعدنا ساسـه أعتـاب =مبكي عليـه أقـول يأتـي بديلـه
ماني على طرد المقفيـن مهـذاب =كلن علـى ماقيـل عقلـه دليلـه
لكن فرقانـا لهـا عـدة اسبـاب =الوقت فرق بيـن خـل وخليلـه
في ساعة الفرقا بكاء سيد الأحباب =وقال الوداع وشوفتـك مستحيلـه
حلفت له بالله قصـاف الارقـاب =لاجيه لـو دونـه تقفلي قبيلـه
واليوم من بعد البطا مرسل كتاب= كتاب من دمع العيـون الكحيلـه
يقول طال الوعد مابين الأصحاب= طول وعدكم يالرجـال الاصيلـه
اصبحت له مديون والوقت غلاب =الله توفـي مـن عميـل لعميلـه

عليه قلبي بين الإضلاع من صاب كنه يقلـب فـوق حـام المليلـه
والكبد أحس بوسطها تقل مشهـاب والحال من فرقاه صـارت عليلـة

صح السانك يامحمدي


وبيض الله وجهك اختيار موفق

المحمدي

صح لسانك ملايين مبدع يابن العم

لاهنت على ماقدمت

لك جُل تقديري

صح السااااااااانك يا بو تركي ارشيف يحوي الجزاله وقديمك لنا جديد انته شاعر كبير وصاحب عطا ساخر با الجزاله

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحربي حربي

	عليه قلبي بين الإضلاع من صاب كنه يقلـب فـوق حـام المليلـه والكبد أحس بوسطها تقل مشهـاب والحال من فرقاه صـارت عليلـة صح السانك يامحمدي وبيض الله وجهك اختيار موفق

الاخ الحربي حربي
مرورك شرف يالغالي

الله يعطيك العافية يشاعر المحاميدعلى القصيدة الجميلة فانت شاعر مبدع

الشاعر سامي الوسيدي
مرورك شرف لي الله يبيض وجهك
تحياتي لك يالغالي

الشاعر الكبير خالد الحصني مرورك شرف لي
تقبل تحياتي وتقديري

الحب الباقى
مرورك يامشرفنا شرف لنا