ردي على الشاعر الكبير سلطان الهاجري حول تجاهله صياف

السلام عليكم ورحمه الله وبركاته قريت المساجله بين الشاعرين الكبيرين
ابراهيم الشيخي وسلطان وسام الهاجري وكان رد الهاجري على الشيخي
ذكر اسماء شعراء المحاوره حتى الرياحي بعد موته رحمه الله ولم يذكر شاعر الخليج
صياف الحربي من ماجعلني ارد على سلطان الهاجري نترككم مع المساجله وردي على سلطان الهاجري




قصيدة ابراهيم الشيخي

انا لي سنه ماشفت سلطان ابـن وسـام=وحـول السنـه بينـي وبيـن إتصـالاتـه
ماغير اخذ اخباره من الناس والأعـلام=واقـول الله الله كـل ماغنـوا ابياتـه
عرفته صديق وراس مال وذرا واحـزام=وشاعر يشوش الراس من طيـب وقفاتـه
والانسان ماتغنيه شهره وطرد اوهـام=عن الجود في يمنـاه والطيـب فـي ذاتـه
وعـز الله ان الهاجـري شاعـرٍ مـقـدام=وتطـرف علـى مسلوبـة المجـد راياتـه
على نهج ابوه ونهـج جـده سعـد قـدام=ورث مـن حيـاة العـود حتـى حركاتـه
ماهو خاملٍ ماينحسب لن قعد وان قام=هذا شاعرٍ تثر علـى الشعـر غيباتـه
ذكرته وهو فـي موقـعٍ غربـي الدمـام=وانا فـي بحـر جـده وراسلـت موجاتـه
بعد شفت من يفتل وينقض بدون انظام=و لاموجّـده فالسـاحـه الا علاقـاتـه
ياسلطان كم نبني وكـم يهـدم الهـدام=وشعر العقل فالكون ضاقـت مساحاتـه
يعيفك فـي بعـض المحافـل ضعيـف عظـام=هزيـلٍ تخاسـر فـيـه سكـيـن تذكـاتـه
سكوتي عن الجاهل يطـول حياتـي عـام=والا اخسر حياتـي كلهـا فـي مجاراتـه
وعـز الله انـك يـوم جنبـت ماتـنـلام=غيـابٍ يـطـول ولا حـضـورٍ بعثـراتـه

وهذا رد الشاعر سلطان الهاجري

تهيضـت يابراهـيـم والمسلمـيـن اصـيـام=واوحـاك المصلـي وانشغـل عـن صلاواتـه
عذوبـة قصيـدك حطمـت مجـمـل الارقــام=إلـى درجـة كــلٍ يـبـي يـسـوي سـواتـه
رغـم مايشـوف الفـن فـي تالـي الايــام=ورغـم مازحـم سوقـه وضيـق مسـاراتـه
ومهمـا تغنـى فيـه حتـى لـحـون اريــام=ورغـم كـل مـالا فـيـه وده ولا هـاتـه
إذا ان انت يابراهيم تاج وفخر ووسام=على الشعر واسم الشعر فـي كـل حالاتـه
وردت وشربت وفيـه غيـرك رجـال احيـام=من اعذب موارد دجلـة الشعـر وفراتـه
ولكـن اباوصيـك ف أمـرٍ مـهـم وهــام=يقولـون مـن وصـاك يلـزمـك بوصـاتـه
ليا جيت (مستور العصيمي) فقول اشمـام=يبلغـك ابــن وســام خـالـص تحيـاتـه
ومر (الزلامي) في (سديره) يصلي اقيـام=عـسـى الله يمهـلـه ويقـبـل حسـانـاتـه
و ملفي وابن ريفه وزيـد وسـلام اسـلام=و(حبيب) و(ابن عياد) يفتـل شناباتـه
وشاعـر جهينـه راعـي الغتـره البسـام=وسبحـه تـمـرد مــن يديـنـه لمخبـاتـه
وعرج علـى قبـرٍ نـزل فـي ثـراه العـام=عزيـزٍ خـذاه الـمـوت والخـلـق مـواتـه
لحضـات الـوداع مكفنينـه بقطعـة خـام=وقفـيـت عـنـه وخـاطـري فـ التلفـاتـه
وقبـل لأختـم الـطـاروق ويـجـفن الاقــلام=وقبـل كـل شـاعـر يحتسيـنـي بشرهـاتـه
إذا الأعمـده ماتنهـض البيـت لـلأمـام=مايبـريـه جـاهـل مايـعـرف اتجاهـاتـه
وتـم الكـلام ومابقـى غيـر مسـك خـتـام=مـن الـورد والريحـان عطـره ولفحاتـه
اسلـم عليـكـم كلبـوكـم ســلامٍ عــام=وعلـي الـسـلام ورحمـتـه وابركـاتـه !

ردي على قصيدة الشاعر الكبير سلطان الهاجري

تهيض ولد وسام يوم العباد انيام=عسى الله يجيره من زمانه وسياته
مروض شواردها وعنده ذكاء والمام=على النادره مامور من طيب رمياته
نتابع جديد الهاجري ماضي الايام=على النت والتلفاز وايضا مجلاته
اوقع لأبن وسام بالشعر بالابهام=ولكن مانعفيه من بعض غلطاته
ترى غلطة العاقل يمن يالفطين وشام= تسجل على طول الزمن في سجلاته
يقولون مايلام وأقول انا ينلام=مدح بالشعر حيين واثناء على امواته
وترك من قبيله حرب شاعر له الحكام= اشهودٍ وكل الناس تشهد بقدراته
ياصياف صدقانك بعد مارحلت اخصام= تجاهلك ابن وسام في مجمل ابياته
معه من معه عبر اللقاءات والاقلام= ماعم الجميع وكل رجال من ذاته
بعد جيلكم شفت المطيه بدون اخطام= هزيله عليها الوقت قشرى بصاماته
قبل مانقوله قالو الناس فيها اهيام=بعد شافها مستور قفل ملفاته
على ماجرى حطيت خطين وأستفهام= تحت قول شاعر يوصل العلم منهاته