بين ماجد أبومديده و فهيد بن شليه ومحمد صالح بن عاقل في ضيافة الشاعر حامد الجحدلي

لحن قديم بين
ماجد أبومديده من جهه
والشاعر فهيد بن شليه الغانمي
والشاعر محمد صالح بن عاقل الغانمي من جهه أخرى
في ضيافة الشاعر حامد بن عبدالحميد الجحدلي
( إستراحته الكائنه في مدينة ثول )
وقد حضر تلك الليله مجموعه من الشعار ومنهم
الشاعر قميش القريقري والشاعر أحمد العمودي

أبومديده=
سلام والحُر فزنالُه=على الوفا والوفا غصّاب
فالمجمع اللي حضرنالُه=وفي حضرة الشْب والشياب
بن شليه & بن عاقل=
يامرحبا والسعد فالُه=ترحيب وافي بدون حساب
اللي نزلتُه على جالُه=كريم من طيّب الأنساب
أبومديده=
تبقون والطيب منزالُه=ثابي على عالي المرقاب
حاكِم حكم وأرسل إرسالُه=من دون لايشرح الأسباب
بن شليه & بن عاقل=
مدري وش اللي تهيّالُه=خلاه يرسِل عليك كتاب
ماجد وأحمد نظرنالُه=وأهل النوايب تصُك الباب
أبومديده=
ماتفقِد القيل بأبطالُه=لو غاب عنُه كثير أصحاب
هيا أستِمع فن موالُه=ولاتقول صابُه برُمح ذياب
بن شليه & بن عاقل=
كُلآ نكيلُه بمكيالُه=والشعر لُه في الملا أرباب
وكُل جيل يمشي مع أجيالُه=والظن في مِثلكُم ماخاب
أبومديده=
لي طرف ماكّف همّالُه=مِن المِسا للفجُر صبّاب
وإنت الموكّل على أحوالُه=على حسب منهج الأداب
بن شليه & بن عاقل=
كُلآ محاسب على أعمالُه=إن قصّر الوقت وألآ طاب
يامشتكي حال من حالُه=دوِّر لبابوركُم مِجناب
أبومديده=
المِشتقي زادت أهوالُه=ومِثلك مايرضى عليه أتعاب
والطِّب مِنهُ تعدوالُه=يِنعّد راهِب مِن الرُهاب
بن شليه & بن عاقل=
لانته بعمُه ولاخالُه=تروح في مطرح الأنشاب
هذاالحكيم الذي قالُه=ومن فوق رِمش العيون حجاب

ويصحابنا سامحونا
تحياتي وأشواقي
( ماجد أبومديده )