حوار فكاهي بين الشايب والعجوز

الشايب :-

قلبي شـباب ولازم إني أعـــــــــــــرس=ما أبي العجوز اللي توسد على الــــــباب
الخير واجــــــد وأنا مـــــاني مفلـــــس=عندي فلوس تدعم البـــــــنك بحـــــساب

العجوز:-

ما باقي منك غير خشــمك وهالضرس=تبغي تعـــرس وأنت صاير كالغـــــراب
قابل صلاتك الله يشـــــفيك من المـــس=وإلا ترى باطـــــب وجــــــهك بالتراب

الشايب:-

إنتي عجوز وأكـــــلك الروب والخس=أما أنا ماكل ســـــــوى تــــــكة وكـــباب
مافيني سكر غير ضـــغطي نازل بس=دام الهوى فيني ترى كل شي طـــــــــاب

العجوز:-

لا بارك الله في يالشــــايب يالنحـــــس=ما يجيـــــبك الهرج ولا يجـــيبك عتاب
قصر لي صوتك مابي أسمع ولا حس=عطني طـــــلاقي وانقلع واقبــــض الباب

الشايب:-

دومك نحـــيسه وذا لســـــانك يبا قص=ربي ترى حـــــلل لي أربع بالكــــتاب
هذا خـــــــــميس الأعمى يا كم عرس=مرتاح بالدنيـــــا بلا هم واعصـــــــاب

العجوز:-

بطران وراســـــك كالصـــــخر يابس=مالوم طبعك يوم ربـــــعك هالكـــلاب
صاير مثل ذيل ال *** وتتـــــــــــحيس=استح على وجهــــــك أصـــلع ولعاب

الشايب:-

فكـــــيني من وجهك ترى مالي أي نفس=زهقان من شـــوفك وأبغى لي احباب
هذا طلاقك طـــــــالق أربع وخـــــمس=خذي طلاقك من ضميري بلا حساب