قصيدة موجهه للمقدم خالد بن ناحل (يامير قدم تصير لي فيك حاجة) لشاعر محمد الطريسي

القصيدة التاليه وهي لشاعر محمد بن عوض الطريسي
وموجهه لشيخ المقدم خالد بن محمد بن عمر بن خلف بن ناحل ويتواجد خالد ابن ناحل الان في الولايات المتحدة الامريكية ونسئل الله العظيم ان يرده سالما حيث يحضر الماجستير

يامير قدم تصير لي فيك حاجة=وانا غلاك يسوقني يمكم سوق
سوق الرياح العاتية للعجاجة=ريحً تهز جبال وتجذع عروق
ياعون من ضاق وتزايد احراجه=اللي عليه الميل بالطاق مطبوق
لاجاك باذن الله قريب انفراجه=ماراح غير بفرحة البال والذوق
هداج جدك وانت مشعل اسراجه=ذخر الحرار اللي تعوق العدو عوق
يوم السنين القاسية والهجاجة=مخلوق ياكله من الجوع مخلوق
واضيوف جدانك عليهم اعياجه=بمروبعات ارفافها مابها روق
ريح الشحم مع ضيفهم له اعماجه=ريف الخوي واللي من الطرق مطروق
والشيخ بن ناحل بنجد مداجه=وخاض الجزيرة صيت في غرب وشروق
للجار والزوار يضحك احجاجه=وله ماقعٍ بقلوب الابطال مرموق
لا جا نهارٍ فيه شر المواجه=عدوهم ماله عن الموت شافوق
من شوفهم قلبه تجيهانمراجه=وان سلّم امره للأسر عاد معتوق
حلوين شرسين نهار التواجه=كم شيخ قومٍ نوخو فوقه النوق
وانت الخلف عقب السلف وانت تاجه=تاج الفخر شلته على الراس من فوق
خالد حفيد الشيخ وارث إنتاجه=لو مات ماتقل ابرمو فوقه الطوق
انجب لنا حرٍ سريع اندلاجه=ياعنك ماخلا لنا الفتق مفتوق
خلا لنا خالد رفع باندماجه=من ضو منهجهم لمنهاجه ابروق
حلال صعبات النشب بابتهاجه=لاجاه مضيومٍ ولاجاه معزوق
ويا ابو محمد جيت يمك بحاجه=والله مالي عنك لو كنت مسبوق
وجيتك مجي اللي تعقد مزاجه=من علةٍ زادت على القلب بفتوق
قلبي صويب وفزعتك هي علاجه=وعلاج شرشوفٍ على الكبد محروق
علي مالت ميلةٍ بانعواجه=من مرجعٍ ياشيخ ضيع لي حقوق
حقي خذوه بمهزله وبسماجه=متصاغرين اللي له الحق مسروق

hgahu