القيض باقي من توالي عداده

الــقــيـض بـاقــي مــن تــوالــي عـداده=أيــام عـــده مــن تــوالــيــه يـنـزاح
والـــطـــيــر قــرب يـالــمــولـع هـداده=يالـلي على شوف أول الصيد مشفاح
أيـــام لـــلـــصـــقـــار غــايــت مـراده=الـــلي عـيـاده شـوفـت أسـهــل لالاح
ويــابــن شـــديــد مــن لـيــالـيــك نـاده=عـلـى الـعـشـاء ولأ على دس ملواح
مـاشــفــت فـعـلــه مـيــر رويـا شـهاده=ونـبـي نـسـمي لـشـقـر الـريش ذباح
وألـيــا عــثــر بـالـجـول ضـنـي نـفـاده=عوق الهريب ألياأرتفع للفضاء طاح
وألــيــا تـعـلـى لـبـرق الـريـش صـاده=والـلـي يبي خضر السماء عنه ماراح
وافــي طــلــوع وزاد فــعــلــه ركــاده=هـذا حسب وصفك وأنا ضنه أسلاح
أسـلاحـن يـصـيـد الصيد ماقض أجاده=يـلـقـأ مـحـاسـه لـحـمـر الـدم نـضاح
ويـانـاشــدي وش قــلــت دوك الافـاده=مـتــى يـصـيـر لـمـغـلق الباب مفتاح
يــفــرجــلـنـا مـنـوع طـبـايـع أعـبـاده=مـن شـان ناخذ مع فضى البر مسراح
قــلــت فــراغ ومـن وسـايـل أعـنــاده=تــســنــا بـــنـا الايـام دلــون بـلـولاح
ويابــن شـــديــد ريــف قـلـبـي عـيـاده=ألـيـا ســال بــره مـن مـبـاكـير جراح
ومـنـضر جـمـالـن مـن طبيعت حماده=وممشن مع الصحرى بساتين وفراح
وعــذبــا ذعــاذيـع الـشـمـال وبــراده=ولــيـلـة دجـن يــبـرز بها كل مصباح
أخـــيـــر عــنــدي مـن تـسـوق بـلاده=الــلـي فـرق مـابـيـن لـيـنـه والاسـياح
ومـرقـن عـلـى مـابـان عـالـي سـنـاده=وشـوف الـبيوت السود بالعرق شتاح
مـجـمـل الـصـحـرى مـنـاضـر سواده=ألـيـا لاعـبه عـذب الـهـبايب بلارياح
أمـــا بـــصـــيـاهــد نـفـد ولا بـجـلاده=فــي روض مـن ورد النواوير شراح
زلــن عــلـى الـبـيـدا طـويـل أمـتـداده=مــن قـدرت الـلــي لـه يعيدن الارواح
من أول ربـيـعـه مـاتـنـاشـا حـصـاده=ريـــح الـنـفـل يـنـعـش مفاحه أليا فاح
ســاقــاه مـــن تــال الـعـقـارب وزاده=سـقــوا صـبـاحـه وله مع اليل مرواح
روح عـلـيـه أعـصـيـر من ليل أساده=نـون تـقـافــا لــقـــاتـل الـعـرق كـساح
حـتـى كــســا الـعـاري فــواد أفــواده=وعقب العرى غـضـه مع النود مزاح
يــســعـف حـيـاتـه كايـنن مـن جماده=طـالـب حـيـاتـه مـن ثـرا لـمـاه رشـاح
والصبح يـقـض ورود من خلق عاده=وغـاصت وروده لـثـرى ويـن مـازاح
شــاســع واســـع مــايــقـاوم جـراده=تـلـعـب نـواويـره عـلى عـود مـرجـاح
ساق وتــغــذا مــن ســجــيـن الابـاده=الــلـي مـــداويـــره خــوابــيـر ورمـاح
واديــه لــونــه عــادلــه وســتــعــاده=يـلـبـس جـمـال ألـوان مــسـقـاه مـشحاح
تـاخـذ لـعـوبـه فــيــه طـلـعـه وعـاده=مــرن نــزول ونــوب لـلـجـو تـنـشاح
سـاعـة فـرحـهـا وكـتـمـال الـسـعـاده=بـروضـن خـضر ماشوهه زرع فلاح
سـيــلــه سـقـاه ودور حـولـه سـمـاده=ألـراع الـولايـف فــيــه جــنات وفراح
ويابـن شـــديــــد لـلــكـــريــم الاراده=إن راده الـلــه مــعـجــب البر يرتاح