الجيب منوت بعيد الدار والمشوار

الجيب منوت بعيـد الـدار والمشـوار=لاصار ماله طريـق أزفلـت ينهجلـه
ممشاه منصا مع العسرات لـه معبـار=عليه مولـع ضميـرن ماثنـا رجلـه
يسرق بعيـده بـدورات الكفـر لادار=يحذف الكيالـو ورا والبعـد يسهجلـه
صاروخن أرضي ويبيله سايقن جبـار=جبار صحرن يبرمج لرضهـا سجلـه
مافيه مسعف خلن خالي ولا مـن قـار=عليه ذيبن سـرى والنـور يسرجلـه
من بعد شوفه يصيرن الكبـار أصغـار=بعينه لأ منه سرى من طارن أزعجله
أليا أشتاق وده يشوف الفاتن السحـار=يسحر بزينه حضر طاريـه وأدرجلـه
يازين عوده جميـل وساقـه الجمـار=وسـراه ودن بقلبـه راح مـن لجلـه
من مابقلبه دعـى الداعـي الصخـار=ريم الصحاري سحر مغليه فـي نجلـه
وشو مقـرب بعيـد المولـع السهـار=اللي البـوارق علـى يمـه تلاعجلـه
الجيب شفه إذا كان الـدروب أعسـار=يطوي بعيـده ورى والرقـم ينسجلـه
ميه بالميـه نجـوح الطيـب الصبـار=راعيه يضمن بعيـد الخـط محرجلـه
لو هو بعيد وخلن محفـوف بالأخطـار=يقرب بعيده وأمـن المشـوار يفرجلـه
لاراح ينضـم علـى مـداه للأمـتـار=طي الصحاري ويدن البعد من عجلـه
برضن تجوع ويحيش الذيب ماله جار=بها المـزارع مـاداج ولا زرع فجلـه
صحرن خليه مـن الأونـاس والديـار=مبعد ثراهـا هليـك العـرق يلهجلـه
بيام قيضن هبوبـه مثـل لفـح النـار=نارن توهج هبوبه صلـف وسرجلـه
سناه يلهب لميتـات الخشـب سعـار=عصا المطافي ولو تسحب نهر دجلـه
الجيب يودي غريب الدار لارض الدار=يودي عريبه وضيق الصـدر يبهجلـه
الجيب ماله عيـاب ومنـوت المختـار=ومع المعاسر طريـق الجيـب يولجلـه
الجيب طيب ويجوز للسايـق البيطـار=ولاهو بجايز لشـار الجيـب يولجلـه
اللي بعيده مقـر الـدار والـدوار=الجيب مركب قريـب الـدار سمجلـه
ليتـه يـدور غيـره والحديـد أكثـار=الضلـم حـرم حـرام ولا يتولجـلـه
ياطيب عرضه رفيع القـدر والأسعـار=عسر الصحاري وسهل الأرض برمجله