راشد السحيمي .. صياف السحيمي .. عيفان الرشيدي .. فوزي الرشيدي

بمناسبة حفل الاسيحم حضرنا=بالطيب نذكر من ذكرته ذكرنا
و حنا عوايدنا بعيدٍ نظرنا=هذا الصحيح و كل مطرود ملحوق
سلام رديةٍ ترضي جميع الحضور=و الصف توه حضر و الصف توه حضر
الليل ياصياف بيني و بينك= الله على طول المسافة يعينك
يالشاعر اللي كلهم محتسينك=هذا الصحيح و كل مطرود ملحوق
و الليله الليله الحربي يلف و يدور=عيا يمد النظر عيا يمد النظر
يامرحبا يامرحبا بالنيابه= و انته صحابي في بيوت الصحابه
ماتسمع إلا عوي الذيابه=هذا الصحيح و كل مطرود ملحوق
لو كل شارع نحصل فيه اشارة مرور= يأخذ سفرنا شهر ياخذ سفرنا شهر
الليله الليله تزين السوالف= و اللي يعرف السالفه مايخالف
حتى الزمل لادربوها توالف=هذا الصحيح و كل مطرود ملحوق
تبا يطيح المطر و إلا تطير الطيور=عسى يطيح المطر عسى يطيح المطر
ان عودت ياحرب للعنصرية = ماهي لكم حنا لنا الافضلية
روحو ورى ضلع الهداء و الحوية=هذا الصحيح و كل مطرود ملحوق
عساك تدفع قسيمه ماتقول معسور= إليا وصلك الخطر و إليا وصلك الخطر
حرب العرب ياحرب معكم محايل= ياصاحبي صياف كيف انت قايل
لاحظت بك كل العجب و الهوايل=هذا الصحيح و كل مطرود ملحوق
أن كان لفيت ضاقت منك كل الصدور= يازيد علم عمر يازيد علم عمر
أن عودت للفعل منكم و منا = اللي كسبها بأول الوقت حنا
و أن جات كلمه طايشه مازعنا=هذا الصحيح و كل مطرود ملحوق
اللي يجيب الرصاص لبندقٍ ماتثور= يزعل ويشرب بحر يزعل و يشرب بحر
باروح و أنشد ليش سموك فوزي= و أصبحت تنقز يالحصان النقوزي
يالله لعلك فالمسابق تفوزي=هذا الصحيح و كل مطرود ملحوق
بعض البضايع تراها غالية ماتبور=شجره و تنبت ثمر شجره و تنبت ثمر
أن عودت للجد ما أنتم رديين = حنا حدداكم قبل مايطلع الدين
أنا غني و أنتم عساكم غنيين=هذا الصحيح و كل مطرود ملحوق
ادعوا و ندعي لمن راحوا بوسط القبور=قبل يطيح المطر قبل يطيح المطر
اسمي يشرفني علامك ياحربي= لاقلت رح وراك جيت أمتدربي
يالشايب اللي بين شرقي و غربي=هذا الصحيح و كل مطرود ملحوق
أن كان طيرت عينك مالها إلا الذرور=هذا بليس العور هذا بليس العور
غلطاتكم للأوله و الاخيره= أن كان ياعيفان عندك بصيره
الخير عند الناس في كل ديره=هذا الصحيح و كل مطرود ملحوق
عيفان عود يقول الصدق والصدق و نور=من عقب لفتة نظر من عقب لفتة نظر
راح الونيت اللي عليه الحنايا=و الناس باتت من زعلها طنايا
ماولع الفانوس وسط القرايا=هذا الصحيح و كل مطرود ملحوق
باقي لك أربع سنين و يوم و اربع شهور=و تنام فوق القمر و تنام فوق القمر