لا تقولون هذا مثل هذا (صياف والزلامي - موال !! )

موال بين صياف ورشيد


صياف:
يا سلامي عليكم وأسمعونا
وإن غلطنا عليكم علمونا
وإن لقيتكم ولد ماله سنونا
لا تقولون هذا مثل هذا

يا شباب ألعبوا لعب الجماعة
ما أنتم أغرار في سن الرضاعة
كل مرضان يخضع للأشاعه
لا تقولون هذا مثل هذا

رشيد:
مرحبا وأنت واحد من شبابة
لو تغلط تعشتك الذيابة
وآخر الليل يتعب من سرابه
لا تقولون هذا مثل هذا

أنت رجال يوم أعرفك صاحي
تفهم العلم من كل النواحي
مير أبنشدك وش قال الرياحي
لا تقولون هذا مثل هذا

صياف:
انتبهنا وشيدنا المباني
مير بو زيد من خواني
والرياحي معه قلب ولساني
لا تقولون هذا مثل هذا

يا رشيد أنت قاري جزء عما
لا تسمي ولد وصل المسمى
وانتبه لا تخم العلم خما
لا تقولون هذا مثل هذا

رشيد:
أنت حربي ومن حرب المدينة
يحمل الموت في قلبه وعينه
من بلي بك عسى ربي يعينه
لا تقولون هذا مثل هذا

لو لقيت أسم مثل أسمك شريته
ظاهر في العرب فعله وصيته
مير أبلعن ثواه أليا لقيته
لا تقولون هذا مثل هذا

صياف:
معكرتنا مع القوم استمرت
مير راحت لها ساعه وفرت
ليتها وصلت الحاجة وقرت
لا تقولون هذا مثل هذا