غير قولاٌ قايله خير من صلى وصام // الاوادم يوخذ ويترك من اقوالها

الاخوه الاعضاء هذه قصيده من القديم نشرتها العام الماضي في منتدى بني زيد
عند اخونا الصييفي الله يذكره بالخير

غير قولاٌ قايله خير من صلى وصام = الاوادم يوخذ ويترك من اقوالها
السوالف واجد وعلمنا ذروة سنام = حد يفصل صادق الناس عن دجالها
العلوم الطيبه تطلع بثمرة كلام = مع عوارف تاخذ من العلوم جزالها
راسيات الساس وفروعها فوق الغمام = وزبدة اهداف السواليف ضرب امثالها
مانتجاوز للحدود ولانعكس للنظام = ونوفي المكيال والكيل للي كالها
الفهيم المحترم ماله الا الاحترام = ومال صنعا لاتهقوت يقع سلالها
وان بنينا البني مايرجع المبنى هدام = وان عقدنا حبلها صعب نقض حبالها
الحقايق تخرج النور من جوف الظلام = ولايثبت غرة الشهر غير هلالها
وانت ياباني قصور بعواميد الخيام = العرب ماتنزل الا على منزالها
لا لبست من المفصل على قدك تمام = زر حلقك وانظر بغترتك وعقالها
تسع مية عام نومة هل الكهف النيام = وكلبهم رابض على يديه حاله حالها
وساعة الحوثي نهض حط قاته بالحزام = ونام في فيه تلوى الحيايا بجالها
ماعلى مثله وشرواه من شرهة ملام = بنيته غشت وطاحت على عمالها
احرم وحج ونجم جعل مايلبس حرام = وفي حديث مسيلمه كبر وصلالها
قلبه اسود يشبه لثام مردوع الوشام = ماطهر لو غسل بزمزم وشلالها
ويتهدد يوم صعد بصعده بالكلام = جاهل بروس القبايل وفعل رجالها
والتهدد ماهو بنافع لطير النعام = يدفن رقبته لجاه الاسد برمالها
واليهودي يغتر بمدة يدين السلام = يجزي الحسنه بسيه وعشر امثالها
ماهي بحاجة غريبه على طبع الئام = الطبايع ثابته لو تزول جبالها
الغريبه من يتيمه تحت خط العدام = ماتشوف الناس من كبرها وخيالها
تلثم الاقدام وتعض بكفوف الكرام = طفلتن تحت المطر ترتقص بريالها
وجهه بليا شعر بارد برود الرخام = ويتهدد والمعارك على ايش قتالها
فزعة الله مايشيل اللحم غير العظام = الاعادي تبشر بمن يطيب فالها
ينحني ظهرك مثل حنية اقواس السهام = احسب لمظهار رجلك قبل مدخالها