( سلام ياشعّار حرب بمنتدى حـرب العريـق )

/
/
/
/
/
/
/
/
/
/
/
/
/
/
/
/
/
/

ســعـــيـــد الـــبـــلـــوي =
سلام ياشعّار حرب بمنتدى حـرب العريـق=سلام وافي يالرجال اللي وسـاع اصدورهـا
الى لقيت اهل الوفا والطيب صدري مايضيق=قوم ٍ ترحّب في جميع ضيوفهـا وحضورهـا
خـالــد بـــن عـبـيـد ألأحـمــدي =
يامرحبا ترحيبة ٍ بمقـام مـن سلّـم تليـق=في حلّة اهل الطّيب فال الطّيب شخص إزورها
مايعرف الضّيق صدرك وانت للحربي رفيـق=وربعك بلي فلزومها مايذكـرون اقصورهـا
سعيد البلوي=
فيك البقى ياللي ترحب وانت في قمة طويق=ياصقر وانته صقر حر ومن حرار اصقورها
انته تسدّ اللازمه ياصقر يانعم الصديق=انهض نحلق في سما القلطه ونكشف نورها
خالد بن عبيد الاحمدي=
مشكور ياللي منزله فالقمّة العليا مويق=ولازود وانته من صقور امعزّزه بوكورها
انا ثقه فيه الثقه يوم انت لرّفقه وثيق=وامشي معك في جوّها وفسهلها وبحورها
سعيد البلوي=
انا علومي جيت السولف معك يالصقر الطليق=يوم الليالي ضيقت صدري بكثر اشرورها
بالشرق مدوشني رعدّ بالشام مجهرني بريق=واشوف يابن عبيد دنيانا تحوم انسورها
خالد بن عبيد الاحمدي=
سولف وتلقى مايسرّك من سوالف كالعقيق=وطبع الليالي ماتدوم بحزنها وسرورها
وشرقك وشامك له فرجّ بعد الضّما بيّبلّ ريق=ولا النّسور اللي تحوّم تنرمي فنحورها
سعيد البلوي=
هاذي ثلاث اسنين والعالم تفرج بالحريق =ماكنها ياخالد الحربي مولع سورها
والمشكله لو قفلت سود الغتر ذاك المضيق=حطّت قنابلها ومدافعها على بابورها
خالد بن عبيد ألأحمدي=
ترى الجهود امكثّفه توّ انعجنّ نصّ الدّقيق=وانتم بضّل الشّجره اللي صعب قلع اجذورها
واهل المضيق ابضيق لو هم يقلقونك بالنّهيق=ترى قنابلها تثوّر لجل حفر اقبورها
سعيد البلوي=
اخاف لاتطلع لنا فتوى بتحريم السليق=بعد الكباش اللي لحمها ينطبخ بقدورها
واسمع غراب البين فوق اغصانها ينعق نعيق=يبغى يقاسم عالم ٍ في ضلّها شبورها
خالد بن عبيد الاحمدي=
مافيه شيخ ٍ نعرفه يفتي بتحريم السّويق=ياللي طلبت امشورتي وشبك تجاهل دورها
من بعد مشيّك بالهدو صاير تفحّط بالطريق=يااسعيد وارجال الفعل لاتلحقك باكورها