روائع شعريه |
روائع الكسرات |
|
||||||||||
مــلــتــقــى الــقــوافــي الإبحار في عالم الشعر |
|
أدوات الموضوع | إبحث في الموضوع | انواع عرض الموضوع |
02-10-12, 12:42 AM | #1 |
شـــــاعر
|
سالم العرم ... شكوى هنوف
مادام رخص الشعر وزاد سعر الشعير = لا عاد تنشد رجال الشعر عن شعرها الناس متحيره بين الغنم والبعير = وذيابة الشعر تشكي بالزمن فقرها العام وضع النشاما غير واليوم غير = واهل العزاء جيت اعزيها على كسرها العام ماكبروا بالناس غير الكبير = ياليت ذيك الليالي ما قصر عمرها ما يحتزم للمواقف غير رجلن خبير = والناس ما تقدم الا اللي على خبرها الحر ما جاء بوكره غير حرن يطير = قدام الامواج يصبح مدها جزرها واليوم شفتوا عن اللي صار واللي يصير = ياصبر الايام واهل العرف ياصبرها هداج تيماء يساوى فيه رس وغدير = ياكبرها ياهل التصنيف ياعبرها واللي جبرني على قول الكلام الخطير = شكوى هنوفآ كسر جور الزمن ظهرها قام وتقدم لها راعي وتاجر وامير = ورايها ما يوافق مع ولي امرها والسالفة بينه وش عاد له تستخير = لكن وش عذرها للناس وش عذرها وليها طامعن بالمال والجاه مير= هي ماتبا غير ذاك اللي على نظرها اللي اليا قال تسمع كلمته للاخير = تقدير له واكتسب قدره على قدرها يوم اشتكت لي ترى ماقلت سرك بير = علمتكم واطلب الفزعه على نصرها |
|
|