امس الضحا سامي يسولف معي حي

مرثيتي في ابن عمي سامي عبد الهادي الجابري الذي توفي يوم الجمعه الماضيه 27/6/1433هـ رحمة الله عليه وهذا الرجل من احب الناس الى قلبي


ورق الحمام ارفق من النوح بشوي === تراك من ها النوح طلعت روحي

تقول مابك شي واقول بي شي ==== انا الذي صعبه تداواء جروحي

جرحي صعيب وتو جرحي بعد ني === ارفق شوي ان كان يالورق توحي

امس الضحا سامي يسولف معي حي == واليوم تحت الارض والنوح نوحي

والله لو الامر يا الورق بيدي ==== مايروح سامي صدق ماهي مزوحي

مير ان هاذي دبرت الخالق الحي === وبدبرته راضين دون الشروحي

واختامها يامجري السفن بالمي === سامي تحفظه في جنان(ن) تفوحي


أخوكم سليم سعود الجابري