يامحمد المسرحيه بان مخرجها=ومعدها مع جميع اهداف عوانه
عرفت سبار الاوس وكلب خزرجها=وشعيل داري من اللي يكرب أبطانه
أسكوتي اللي مضى ماودي أحرجها=ياعل راع الخطاء تنهاه خلانه
واليوم شلفاي مسمومه وأبا أدرجها=من فوق روسٍ من التطبيل كبرانه
أشوفها لي صفر الخيل تسرجها=اللي على مهرته واللي على أحصانه
ناسٍ على روسها بقعى تدحرجها=تفكر ان القنابل تشبه الدانه
ياهون مدخالها ياصعب مخرجها=شله على مبعدين الحوم شرهانه
الفين صاروخ مايشكى تعرجها =شحنتها لطلب خانه بعد خانه
وجهة لشرق يامحمد بوارجها=الصين ناوي بحرقه قبل يابانه
من غيرشهبٍ تزاحم في مدرجها=عند الطلب لارقص لشر شيطانه
ياذا الزمن فيك يامكثر خوارجها=كلن علينا يحاول يطلق ألسانه
أسكوتي اللي مضى ماودي أحرجها=ياعل راع الخطاء تنهاه خلانه واليوم شلفاي مسمومه وأبا أدرجها=من فوق روسٍ من التطبيل كبرانه
شاعر معنى يابو تركي وشاعر جزاله وشهادتي فيك مجروحة
ياسلام عليك يابو تركي وعلى القصيدة التى اتقنت بها رسم مايدور خلف الكواليس بعد اخراج المسرحية
ولا يروح فكركم بعيد اقصد بخلف الكواليس الاخطاء التي وقعت اثناء تمثيل الدور فالمسرحية 0
معنى من شاعر رائع وتوجيه لشاعر رائع ايضاً وسوف يجد ابو تركي الجواب الشافي من ابو عبدالله لهذا النداء
صح لسانك وبيض الله وجهك وصح لسان ابو عبدالله وبيض الله وجهه مقدماً