( ياناس حامد علي مطلوب ) محاوره

/
/
/
/
/
/
/
/
/
/
/
اخواني هذه المحاوره جرت بيني وبين الشاعر القدير ابن العم
/حامد علي سالم ألأحمدي
وانقلها لكم من منتديات نخبة الشعار
واتمنى ان تنال إعجابكم

خـالـد بـــن عـبـيـد =
ياناس حامد علي مطلـوب=في منتـدى نخبـة الشعـار
بمشي معه باللحـون دروب=لجلي اعـده مـن الاخيـار
حــامــد عــلـــى=
يامرحبا خالـد المحبـوب=يامن لكـم عندنـا مقـدار
جيتك انا أنفـذ المرغـوب=ناخذ بضرب المثل مشـوار
خــالــد بن عـبــيــد=
عندي من اهل الوفا محسوب=رجـال كالصـارم البـتـار
برسل لكم منـي المكتـوب=وتفيدنـي ياعزيـز الجـار
حــامــد عــلـــى=
ياطيب الأصل نسل حـروب=ياوارث الطيب مـن أحـرار
هات الذي عندكم محجـوب=وأعطيك أنا العلـم لاتحتـار
خــالــد بن عـبــيــد=
القلب من صاحبك مسلـوب=والوقـت ياصاحبـي غـدار
يذوب قلبـي ياحامـد ذوب=من دونهم كثـرة الاسـوار
حــامــد عــلـــى=
هذا الهوى مامنه مهـروب=كثير منهو انكـوى بالنـار
أصبر عليهم صبـر أيـوب=ابذل جهد وأطلـب القهـار
خــالــد بن عـبــيــد=
عاملتهم بـالادب واسلـوب=وسويت له وسط قلبـي دار
لكن سير الهـوى مقلـوب=ياكـم حيّـر مـن الشطـار
حــامــد عــلـــى=
جتك الإفادة على الحاسـوب=هيا أستمع موجـز الأخبـار
راعي الهوى دايماً فنشـوب=حاله سقيمة وطبعـه حـار
لاصار حظك معـك منكـوب=لاتصير في مواجـه التيـار
نزل شراع الغـرام وتـوب=وجنب جنابك عن الإبحـار

وياصحابنا سامحونا

اخوكم الشاعر / خالد بن عبيد بن معتوق ألأحمدي