مع الشاعر زيد العضيلة

بسم الله الرحمن الرحيم

السلام عليكم ورحمة الله وبركاته
هذه محاورة الشاعر معتق العياضي مع الشاعر زيد العضيلة
وأشاد به الشاعر زيد أمام الجمهور :

معتق :

هلا يامرحبا في حفل حرب اللي لهم مقدار=أقوله باسم ابن عمي وراع الحفل بدرانـي
أنا أشوف العضيله بين خلق الله يشب النار=لكن أشوي ثم ارميه فـي نـار ودخانـي

زيد :

لعل ابك البقاء ياللي ترحب والعلوم اخيار=وأنا خابرك بدراني ورحت لمخرج ثانـي
ترى اللي مايشب النار قله يقصر المشوار=وهاذي كلها من شانكم ماهي على شاني

معتق :

علامك يالعضيله يالعضيله يوم رحت يسـار=تراي أصلي عياضي تعرفه من ماض الأزماني
ليا شبيت نارك رحت فيهـا ياسفيـر مطيـر=نطشك وسطها ياصاحبي فـي كـل ميدانـي

زيد :

أنا ماقول فيك قصور يامبدل ديـار بـدار=عياضي جيت راضي مانبيك تروح زعلاني
أنا ماكنت أظن ان الحروب تعذب الخطـار=لو نك تتا تعذبني معي خاتـم سليمانـي

معتق :

علومي واضحه ياصاحبي ماجبت فيها أسرار=لكن انته تحرف بالقبايـل تقـل مرضانـي
تفضل مالك الأ دلة فـي وسطهـا مسمـار=وتال الليل تبشرلـك بعلـم زيـن مجانـي

زيد :

عرفنا الصره اللي مانجح في صرها الصرار=ليا قلنا علامك قال فـي راسـي حميدانـي
أنا شايب من الشيبان ومهون عن الأسفار=واعدك يالعياضي واحد من عرض ورعاني

معتق :

بعد كلمتك هاذي روح للطايف وزور شهار=تباتلقى بوسطه مثلكم بأشكـال وألوانـي
ترانا خابرينك يالعضيلـة والعلـوم كبـار=لكن والله مالك غير حد السيف شامانـي

زيد :

الأ يابشت أبو شمسه تحطلك الهنود زرار=ولاني قايل الا قـول ياربـي لاتبلانـي
نبا نعتق يامعتق صحيبي شلـوة الكفـار=ترى منته بدياني ولانـي بلـك ديانـي

معتق :

الأ يا بشت مشقوقه على ظهرك يابو عمار=وأنا والله ماجيب العلم غير اجيب برهانـي

منقول من موقع الشاعر