يا اللي تقول السحاب الغر برجوعه

09-09-11, 09:10 PM

بسم الله الرحمن الرحيم
أبيات بمناسبة هطول الأمطار واكتسى الأرض بالعشب ووفرة المياه بعد شدة الجفاف وغور الماء من منابعه على الديوان)مناسبات ص7

سبحان من كل شيٌ بأمره وطوعـــــــــــــه=مدير الأفـــــــــــــــــــــلاك ما غـيـره تـــــــــــــــــــــــولاّها
مبدع فنون الكيان ومحصي جـوعــــــــــــه=بقـــدرته يخــلي الدنـيا و يمــــــــــــــــــــــــــــــــــــــلاها
يا من تقول السحاب الغُر برجـوعــــــــــه=أنشا على الأرض يسقـــــيـــــها ويـــــــــــــــــــــــــــذراها
ما يطعم الجايعين الميت من جـوعـــــــــــــه=وش تعطــــــــــــــي الخلق كان الله ما أعطـــــــــــــاها
سحب تراكم في أعلى الجو مرفــوعـــــــــــة=أفقر من الذئب لولا جود مــــــــــولاهــــــــــــــــــــا
يمدّها بالعطاء ويفيض مشــــــــروعــــــــــه=تسبل بحكمه وتــــقــــلع حـــــيـــن ينهاهــــــــــــــــــــــا
تروي ضما ديرة بالوقت مفجـوعـــــــــــــــه=هشّم شجـــــــــرهـــــا وغـــــار من الدهــــر ماهـــــــــــا
بأسباب ظلم البن آدم وأقشر طبوعــــــــــــه=خمسة عشر عام نار الوقــــــــــــــــــــــــــت تـقــلاّهــــا
عبرة لمن فكره أوقد صافـي شمـوعــــــــــه=تنِذر عقولا ضباب الــــــغي غـــــطّــــــــــــــــــــــــــــاها
عسى يــتـوب المسي ويعلــن رجوعـــــــــه=ويهذّب النفس ويعدّل خطــــــــــــــــايـــــــــاهــــــــــــــا
مطلع شهر خمسة وباكــــورة أسبوعــــــــه=خـتام فصل السنين الحدب وإجـــــــــــــــــــــــــلاهــــا
من بعد كانت محول الناظــر تروعـــــــــــه=ما فوقها إلاّ الزوابع تـــنـثـر أشــــــــــــــــلاهــــــــــــــــا
اليوم من جــــود رب الجـــــــود مزروعـــة=باللـــــــــــــــــون الأخضر ولي العرش حـــــــــــــــــلاّها
ما سائر إلاّ يــقــــول الأرض مربـــــــوعـه=يعلّم أدنى معلّمها عن أقصـــــــــــــــاهـــــــــــــــــــــــــــا
من فضل جــــــزل العطايا لبسها روعــــــه=من عالي مـــتـــونـــها لا ساس مــبـــنــاهـــــــــــــــــــــا
أضفى علـيـها كسا ما نوع من نـوعــــــــــه=أصناف تعرف والأخرى نجهل اسمــــــــــــــــــاهـــــــــا
بديع الألوان والأشكال مجمــوعـــــــــــــــــه=سحر الطبــيـعة وشاح بصدر ليلاهــــــــــــــــــــــــــــــــا
منظومة أزهارها للفـن موسوعــــــــــــــــــة=عباقــــــــر الــــــفــــــن ما تدرك مزاياهــــــــــــــــــــــا
كن النشا صفق شلالات مدفـــوعــــــــــــــــه=بغــزر الأمواج للواطي من أعـلاهـــــــــــــــــــــــــــــــــا
وإلاّ سحابٍ تعلّى الكبتن فروعــــــــــــــــــــه=في رحلة يقـــــطــــع الارماس مــــــبداهــــــــــــــــــــــا
جميمها والنصي والطارف يــــــــــزوعــــــه=سنابل الـــُبرّ ببسيطا وحلياهـــــــــــــــــــــــــــــــــــــــا
والشرشر كروم ما شالنّه جذوعـــــــــــــــــه=وكــفّ الدعــــــــــــاع السواحل بصمة إيداهـــــــــــــا
ورش النوامي يزيد ولجّـــة شمـــوعــــــــــه=يخــتــال فيها النسيم أن جـاذب أطراهـــــــــــــــــــــــا
أنسأمها بالشذى الفواّح مشفوعـــــــــــــــــة=ريـح النفل والخزامـى ينعش أجواهـــــــــــــــــــــــــــــا
والماء هدير الحضانا ولبّ يــنبوعـــــــــــــه=جداوله يطرب السامــــع حكايـاهــــــــــــــــــــــــــــــــــا
هدية أعظم خبـيـرا تبهر صنوعـــــــــــــــــه=ما مدّها اللي ظــروف الفــــقر يخشـــــــــــــاهـــــــــــــــا
أرتاح راعي الدبش من شبعت ارتوعــــــــه=من جور الإجهاد والكلـــــــــــــــــــــفـــــة وبلــواهـــــــا
الله يديم الرخاء ويعمّم نفــوعــــــــــــــــــــه=على الديْر والاوادم يصلــــح أنياهــــــــــــــــــــــــــــــــــا
فالعود الأخضر لا بُد اللافح يلوعـــــــــــــــه=ويفارق أجمل ليالي العمر وأحــــــــــلاهــــــــــــــــــــــا
وإحنا كذا مثل غصنا تذبل طلوعــــــــــــــــه=لو تــــنهل عروقــــــه العذب وتــغذّاهـــــــــــــــــــــــــــا
يا الله يا اللي فــــرضت الدين وشروعــــــــه=مرسل رسول الهدى للخلـــــــــــــــــــــــــــــــق بهداها
يا من طلب رحمته للعبد مطموعـــــــــــــــــه=سيئات عبدك بلطـــــــــــــــــــــــفٍ منك تمـــــــــــحاها
لا حطّه بجوف قبره غالي ربوعـــــــــــــــــه=ثم تركـــــوا جثــّــــــــته للدود يرعــــــــــــــــــــــــــاها
في مبتدى رحلة ماهيب مقطوعــــــــــــــــــة=نعيمها سرمدي والويل خُسراهــــــــــــــــــــــــــــــــــــا

مبارك نايش علي ألغامدي 16/6/1431هـ