قصيدتي بـ الشاعر العلم عضيب بن هليل في حفل الشيخ لافي الفحيط

هذه مشاركتي في حفل الشيخ لافي الفحيط الذي اقامه تكريماً للشاعر العلم \ عضيب بن هليل
فقدت تشرفت بكتابة هذه القصيدة بالشاعر العلم الكبير \ عضيب بن هليل اطال الله بعمره وامده بالصحة والعافية .

ياهاجسي دام القوافي حضورها = تنومس حضوري في جزايل حضورها
ويشوش راسي لالفني غزايزك = كني على هجن الشعر فوق كورها
هجن تورد كل ظامي لعدها = عد القراح اللي نمت به زهورها
زهور الهجوس اللي ليا قلت وينها = جتني فرايد من غزاير بحورها
اقطف ثمر مالاق من طيب جزلها = والنفس تهنى في طرايب سرورها
وجزل المعاني والمشاعر تداحمت = في ليلة قمرا تلالا بنورها
في ليلة نظمت فيها جزايلي =مدح وثناء والنفس هذي شعورها
بعيلم يزمي وتزمي جمايمه = نسل الرجال اللي طوال شبورها
ابوبدر سيف القبيلة ودرعها = على الاعادي حربة في نحورها
نحور الاعادي يوم زامت نفوسهم =وتطاولت لكن نفت من جذورها
بسيف الشجيع اللي خصومه تجندلت =بساحة الميدان باهت امورها
عشرين عام وفوقهن عشر مثلهن =وسباع الخلا تشبع وتشبع طيورها
من راس من دنياه غره وعودها =ولايدري انه في حبايل غرورها
ولايدري ان الحرب من اسم جدنا =حرب الزعامه من قدايم عصورها
حرب الذي اسمه ينوخ ركابهم =وترغى ونار الحرب بانت شرورها
ولايدري ان عضيب غيّب نجومهم =نجوم من نفسه تزايد فجورها
عضيب الذي بالمجد بيته مشيده =بالمعجزات اللي تلاطم بحورها
عرق الظفر شيخ المواقف وتاجها =البيضا زهت له وكتبنه سطورها
انه زعيم القاف والعز نايله =وانه لحرب الروم دايم فخورها

الشاعر \ بـدر القويضي العياضي

يستاهل الشاعر العلم عضيب

وصح لسانك يابدر

جزلة من رأس جزل

	المشاركة الأصلية كتبت بواسطة بخيتان البشري

	يستاهل الشاعر العلم عضيب وصح لسانك يابدر جزلة من رأس جزل

الاخ العزيز \ بخيتان : صح بدنك ياغالي ولا هنت على هذا المرور العطر

دمت بكل خير

صح لسانك ياشاعرنا الجزل بدر القويضي الحربي لاهنت ويستاهل شاعرنا العلم الشاعر / عضيب بن هليل العلوي
هذه الشامخه منك بيض الله وجهك ووجه لاعدمناك سلمت ودمت يابن العم وهذا هو شعور الجميع حيال كل وافي للقبيله من ابنائها الكرام

	المشاركة الأصلية كتبت بواسطة مضحي بن جمران

	صح لسانك ياشاعرنا الجزل بدر القويضي الحربي لاهنت ويستاهل شاعرنا العلم الشاعر / عضيب بن هليل العلوي هذه الشامخه منك بيض الله وجهك ووجه لاعدمناك سلمت ودمت يابن العم وهذا هو شعور الجميع حيال كل وافي للقبيله من ابنائها الكرام

الاخ العزيز مضحى : صح بدنك ياغالي ولا هنت على هذا المرور العطر وشكراً لك على هذا الكلام
الجميل ودمت بوود

صح الله لسانك يا بدر ولاقصرت وعضيب يستاهل

	المشاركة الأصلية كتبت بواسطة محمد عويض البدراني

	صح الله لسانك يا بدر ولاقصرت وعضيب يستاهل

الاخ العزيز محمد : صح بدنك ياغالي ولا هنت على هذا المرور العطر

دمت بوود

صح السانك قصيده وافيه وعضيب يستاهل بيض الله وجهك اوجه عضيب

	المشاركة الأصلية كتبت بواسطة ابـ حرب ــو

	صح السانك قصيده وافيه وعضيب يستاهل بيض الله وجهك اوجه عضيب

الاخ العزيز ابو حرب : صح بدنك ياغالي ولا هنت على هذا المرور العطر

دمت بكل خير

صح لسانك وعلا شانك و بيض الله وجهك

قصيدة رائعة في شاعر يستاهل المدح والوفاء .