( يا ضايعين الفكر ماهي رجالة )

،،
،،
السلام عليكم ورحمة الله وبركاته
،،
،،
أبيات عسى أن تنال استحسانكم
،،

يا ضايعين الفكر ماهي رجالة=ولاهي من اسلوم العرب في الحمية
ذم الرفيق اللي معوِّد لخاله=أو ذمهم من دون ذنب وخطية
ترى رفيقك منك لو شان فاله=ولو كان عقله بين روحة وجية
ينفعك لا حدوك بعض الجهالة=وليا نصاك إنسان في العقل زيه
و الا أعترضلك في طريقك حثالة= وإحترت ما بين الزراء والزرية
تحتار لاجلك من رجال الشكالة=إن فزت به سية .. ولا فاز سية
الرجل لا روَّح لناسٍ في قاله=عند الرجال اللي تثمن مجيه
لابد من عيَّه .. يشيله في جاله=يمكن يجي دون المعازيب عيَّة
خشمك ولو أعوج وفيه الميالة=ملزوم تدرق عنه لاجات هية
والسيف لا تقول .. النصاب شاله=يشيله الساعد .. إذا النار حية
والشيء اللي مايجي في مجاله=مثل الصلاة اللي على غير نية

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك يابو تركي وبيض الله وجهك وافيه من راس وافي

صح الله لسانك يابو تركي وبيض الله وجهك وافيه من راس وافي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر
محمد سعد اليوبي
صح لسانك

صح لسانك واعتلا شانك قصيده جزله من راس جزل

صح لسانك يابن العم وبيض الله وجهك .

صح السانك لاهنت
شاعرنا القدير واديبنا الكبير/محمد سعد اليوبي
نص رائع لاشك

رابح الجحدلي
مضحي بن جمران
حفيد الحجيري
العطيب
سعد المحمدي
عاشق نجد
الكحيلة
شاكر لكم من كل قلبي في متصفحي المتواضع
لكم كل الود والتقدي
ودمتم بخير

صح الله لسانك
ولاهنت
وسلم فكرك وبنانك
دمت برعاية الله وحفظة