أنا بدوي ، قصيدة

السلام عليكم ورحمة الله وبركاته

يطربني الرَّعَّاد في عارض النو
نو تعقـرب فيه بـرق الحيـا لاح

فـلان ما للبيـت معنى بهـالجـو
الجو جـو البـر بعد المطـر طاح

ياصاح شد الجيب في نمبر التو
لوجهةٍ هي منوة النفس ياصـاح

خله يفـز وينهـب الأرض من قو
رقصـة بلوفه بعد ماياخذ الـراح

وإتبـع ثعاليل المطـر حيث صبـو
نستانس بسيلٍ على الجال طفاح

الديــره اللـي مـا بهـا نــاس طبــو
ريح الثراء فيها كما الطيب لا فاح

وقت المطر من سج الأقدام نرجو
عسى نفوسٍ من عنا الوقت ترتاح

أنـا بــدوي وعاشــق لشبـة الضــو
ومسيل سيـل لنابي القـاع جـراح

و بـــراد مــن عــدٍ لـه النــار شبــو
خوة نشاما في شفاء رأس مقراح


البيرق

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك
الله يعافيك ووجهك أبيض

صح السانك قصايده جدارايعه وخاصه
تطرقك لذكرالمطروالطبيعه الخلابه الجميله

	المشاركة الأصلية كتبت بواسطة محمدالعيسى

	صح السانك قصايده جدارايعه وخاصه تطرقك لذكرالمطروالطبيعه الخلابه الجميله

صح بدنك
مرورك وتشريفك للموضوع أسعدني
تحياتي

وعليكم السلام ورحمة الله وبركاتة
صح لسانك
يبن عمي الغالي

عساك عالقوة ان شاء الله

	المشاركة الأصلية كتبت بواسطة شموخ السلاطين

	وعليكم السلام ورحمة الله وبركاتة صح لسانك يبن عمي الغالي عساك عالقوة ان شاء الله

هلاويامرحبا تراحيب المطر
صح بدنك يالغالي
الله يقويك
تحياتي

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك
الله يسلمك
يعطيك العافيه

صح السانك مليارات
مبدع ومتميز