ابيات بالشيخ مساعد سعد السريحي شيخ قبيلة السرحه من بني سالم من حرب

*يستاهل الفنجال شيخ ٍولد شيخ*

*ماشيخته عامين والا عريه*

*مقدام قوم وله مكانه وتاريخ*

*مواقفه دون القبيله جليه*

*تدللو ياهل القلوب المفاضيخ*

*بفعول حلال الامور العصيه*

*فوق الجبال الراسيات الشواميخ*

*له نرفع البيضاء زبون الونيه*

*ماهي علوم اهل الوجيه المصاليخ*

*من الحيا والمرجله والحميه*

*بالهرج تسقط عابرات الصواريخ*

*وعند الشدايد مابهم منفعيه*

*مطنوخ يامساعد وربعك مطانيخ*

*يشهد على ماقول رب البريه*

*ابناء السريحي يوم وقت المناويخ*

*فعولهم ماهي علينا خفيه*

*اليا قبلت خيل العدابالمجاويخ*

*مايذبحون الا عقيد السريه*

*ماهز ذعذاع الهوا لشماريخ*

*مني لكم ياهل المواقف تحيه*

تسجيل تواجد في منبر الجزاله
صح لساانكـ
بيض الله وجهك

صح لسانك مدد بلا عدد

تحياتي

صح لساااااانك ملاييين

صح لسانك
جزله من جزل

صحت ابدانكم الجميع

صح لسانك ياسعد مليون ولا يكفون
واضعافهم صح كلك
احترامي

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله ابدانكم الجميع