المعذرة يا الربع لو قافنا عص

أكتب على ماقيل من غاية النص***واعرض على الشعار لو ربع حصه


والمعذرة يا الربع لو قافنا عص***ما حدن يدور حاجتن ما تخصه


لا صار قلبك من غثا الناس ممتص***وهموم بقعا كل يومن تشصه


تراكمت من فوق قلبك وترتص***وغيم سما قلبك همومن ترصه


أسجد لربك واطلبه وأنت مخلص***يرتاح قلبك من همومن تقصه


لا صار لك صاحب على الطيب يحرص***لا ضاق بالك لا تأخر تنصه


حزنك يزول ومن همومك تخلص***الصاحب الصافي على الخير وصه


اكبر خطا تبني ولا أنت بمختص***تبني عمارة من على ساس جصه


والتبع لا تجنيه ولا فيه تقنص***ولا تشري الخاتم على شان فصه


دقق امورك زين فيها تفحص***وخلك من اللي يعتلون المنصه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك اليوم ودوم
ووجهك ابيض
وكل التقدير
لمرورك الكريم ومشاعرك النبيلة

صح لسانك الله يعافيك

صح بدنك
والله لايهينك على المرور الكريم
وطيب المشاعر

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك
والله لايهينك
وسلمت ودمت على العز والمعزه
وكل التقدير لمرورك الكريم

الله الله

صح لســــــــــانك يالشاعر

وعساك عالقوة

	المشاركة الأصلية كتبت بواسطة جـــــزل

	الله الله صح لســــــــــانك يالشاعر وعساك عالقوة

جزل
صح بدنك
والله لايهينك على كريم المرور ونبيل الشعور

صدق لسانك ماكل لمعة فص على معدن ثمين