سلامي ياجمهور يانور اسهر بنور= يابن الجزيرة يافخرها وعنوانها

هاذي المحاورة جرت بين الشاعرين الكبيرين ..خلف بن هذال .. وصياف الحربي

سلامي ياجمهور يانور اسهر بنور= يابن الجزيرة يافخرها وعنوانها
ياستر نجد اليا بلت نجد احد الامور= وان مالت الدنيا تعدل ميزانها
يامرحبا واشهد شهاده ماهيب زور= ان القصور موجودتها سيسانها
واليا دعونا للمواقف حنا حضور= اهل الشرف تطلع وتومي باءيمانها
صياف ياصياف خلك رجل صبور= ترى الليالي ماتنوم شيطانها
الليلة المعنى يهاجم سبع البحور= المركبة تجري بدبرة قبطانها
اليا صبرنا زعلتنا بعض الامور= بعض السوالف ناب حيةٍ والسانها
الليلة المعنى تقوده عشرة طيور =اذكر رعية قبل تنسى رعيانها
اليا صبرتوا يظهر العلم من القبور= واطيور شلوى ماقصرنا جنحانها
بيني وبينك خلها في بطن الجذور= لاتبعث الفتنه وتنشق دخانها
كل الدير جاني خبرها وانت امخبور= بلتني بالدار تطلع ديبانها
بيني وبينك كل ليلة هرجة تدور= والناس تضحك مير تخضع لاخوانها
كل الدير عندي خبرها عزو ونفور= ماتستوي وابليس يرقص باركانها
دنياك هذي مستقرِِِ بقرون ثور= لو حاص عنها قام فيها بركانها
اللقمه الي نشبوها وسط النحور= ماانته مداهنها ولا جبت ادهانها
دنياك هذي فوق راسك راحت دبور= واللي يعز البندقيه نيشانها
لاوالله الاماعبرتوا ياالعبور= تجتر بك بنت العرب في لحيانها
لاتطمر الجدران وتجي لاهل القصور= اهل الوطن ماقد توذت جيرانها

ألف شكر على المحاوره
بارك الله فيك
يعطيك العافيه ...
تحياتي .

الله يـعـطـيـك الـعـافيـــــــــــة

الله الله

بيض الله وجهك

بيض الله وجهك

الله يعطيك العافيه

الله يـعـطـيـكم الـعـافيـــــــــــة

بيض الله وجهكم على المرور