تقاربت والشرق كنه ربع ميل =-------------------

اهدي لكم هذه الابيات المتواضعه عسى ان تنال رضاكم

سقت النظر من ناظري بالدرابيل=سوقة تبصّر والمعاين فطيني
وأمعنت في سود(ن)علينا مقابيل=قام يتبين سبرهن للذهيني
أخيلهن بالعين مثل السماليل=وإزداد قلبي من دليله يقيني
إنه صحيح العلم ماهو تهاويل=إروايته وإسنادها للثنيني
عن مصدرٍ(ن)ماثوق وحين وتأويل=باللي على الاصحاب والتابعيني
ياصف وصفهن كما حالك الليل=هاذي لها الغاره والاخرى كميني
نوازلٍ تنزل على الحي وتزيل=منها العرب عزيلهم مدركيني
قنديلهم يسلب ويعطون منديل=ومن هول كونه عدهم ميتيني
حل الوهن بقلوبهم والحلاحيل=ماتحول دون إحلوقها باليديني
هدا العساف إجمالها للجماميل=والعود يخشى من ضناه البطيني
فيها لبو وجهين حطوا مداخيل=الآيفون بئس الخوي والقريني
اللي وجوده زاد فردة على الشيل=سوءٍ(ن)على المقفين والمقبليني
دنياء كفاالله شرها والمحابيل=تلعب على ماقيل بالمارتيني
سادوا بها الآشرار وأم الخلاخيل=لها الشبك مجدوع دنياء وديني
وأهل الامانه والخيار المشاكيل=غطأ الكتام إنجومهم لاتبيني
تقاربت والشرق كنه ربع ميل=والغرب عنا مايجي قفلتيني
عصر الحضارة واكبه وإركب الريل=عيش الرفاه وعايش الراهبيني
واللي تحراء باشقر الريش لسهيل=راعي ولع لايوقض الغافليني
قالوا يهيد ونكحل العين بالميل=حتى إنخلي كل قاسي يليني
وقالوا وقالوا والنوايا مغاليل=والرب بالمرصاد للماكريني
وبرادة الله ينتهي كل ماقيل=بفك الآسير ونصرة الصالحيني

سعود شديد النجدي الوسيدي

الشاعر سعود شديد الوسيدي
صح لسانك وبيض الله وجهك
على هذه المعلقة لك التقدير والأحترام

	المشاركة الأصلية كتبت بواسطة نافع الحربي

	الشاعر سعود شديد الوسيدي صح لسانك وبيض الله وجهك على هذه المعلقة لك التقدير والأحترام

صح بدنك واشكرك
على مرورك وإطرائك العطر
تحياتي وتقديري

وقالوا وقالوا والنوايا مغاليل=و الرب بالمرصاد للماكريني
وبرادة الله ينتهي كل ماقيل=بفك الآسير ونصرة الصالحيني


والنعم با الله جل جلالة نص راائع وطرح متمعن لاشك

صح السانك لاهنت
واكيد فيه عتب على صفة الجمع بين النسا والاشرار لكن لعلها القافية

	المشاركة الأصلية كتبت بواسطة الكحيلة

	وقالوا وقالوا والنوايا مغاليل=و الرب بالمرصاد للماكريني وبرادة الله ينتهي كل ماقيل=بفك الآسير ونصرة الصالحيني والنعم با الله جل جلالة نص راائع وطرح متمعن لاشك صح السانك لاهنت واكيد فيه عتب على صفة الجمع بين النسا والاشرار لكن لعلها القافية

اختي كحيلة حرب
اشكرك على مرورك اما العتب فلا
حيث ان معنى البيت لايجمع بين الاشرار والنساء
ولايجوز لنا حيث انهن امهاتنا واخواتنا وبناتنا
ارجو منك فهم البيت ومايهدف

تحياتي

صح السانك اخوي,,,,,,,,,

,,,قمة فالمعنى,,,,,,,,,,
,,,,,,,,,,,,,,,,,,,,

صح السانك وسلم بنانك
واعتلاء شانك
وافي يالندااوي
لك ودي وتقديري

هلابك اخوي الشاعر القدير...النداوي
صح لسانك والله يبيض وجهك على ها الشامخه
اللذي اتى شموخها من شموخك انت لاهنت
ابداع ابداع يدوّن ضمن ابداعاتك السابقه
لاهنت يالنداوي وعسى عمرك طويل

	المشاركة الأصلية كتبت بواسطة تركي العماني

	هلابك اخوي الشاعر القدير...النداوي صح لسانك والله يبيض وجهك على ها الشامخه اللذي اتى شموخها من شموخك انت لاهنت ابداع ابداع يدوّن ضمن ابداعاتك السابقه لاهنت يالنداوي وعسى عمرك طويل

صــح بدنك اخوي تركي ووجهك ابيض
وطيب السلعه من طيب الملفى
شامخ في عرفك وذوقك
ياتركي العماني
اشكرك على مرورك
وتقبل تحياتي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك