محاورة بين الذيب وراعي الغنم

محاورة بين الذيب وراعي الغنم ارجو ان تنال رضاكم

انا ساري ضلام الليل واهل الماشية ضمان=وكم صاحوا وكم عانوا وكم تعبوا من اسبابي
وياما اكلت من لحم وشحم واخذت للورعان=ويبقى في مفارسنا عشا للنسر وغرابي
الا ياذيب ياساري تبي مرح المعز والضان= وتلحقها بعيد الدار والا جت فالاقرابي
تعشى من حلال الضعف واذبح غالي الخرفان= وخذ ماطا ب لك من مال واهله عنه غيابي
ياراع الضان توصيني وانا في مهنتي ديقان = وانا صاحي لنفسي مااقترب من كل مزرابي
وانا خابر وداري واعرف الطيب من الهزلان = وياما حانت الفرصة تراني شامخِ نابي
تبعد عن مفالينا تراي ا رعيك بالاعيان =ولااشوفك تمر مراحنا اللي جنب الاطنابي
وانا جالس حدا المرحان واسرح ساقة الرعيان=ولاشفتك رميتك رمية اللي لارمى صابي
انا صاحي لنفسي واعرف النايم من السهران =ولا اقرب من حلالِ شفت لي من دونه انشابي
ولا منك غفلت اجيك وانهب وازبن الضلعان=وانا من عادتي ما اغير لين يزين مضرابي
انا عارفك ياسرحان لك راس الجبل مزبان= لكني ذيب مثلك منزلي في راس مرقابي
انا باخذك بالجرة يلين تخش فالغيران=وابااجيب الحطب واشب نارِ تلهب الهابي
بعد مابان لي علمك عرفت انك من الظفران = وسجلني من اصحابك وابا اعدك من احبابي
ونجعلها صداقة بيننا طول الدهر صدقان = واظن الذيب مهما صار مايسطي على الذيبي
تحايلني وتخدعني تحسب اني من البلهان= عداوتنا قديمة مانصير احباب واصحابي
ولا اصدق علومِ ماخبرنا جالها برهان = يخاف الحبل حي ماسلم من قرصة الدابي

صح لسانك يابوماجد بيض الله وجهك

	المشاركة الأصلية كتبت بواسطة ابوهليل

	صح لسانك يابوماجد بيض الله وجهك

صح بدنك ووجهك ابيض
شكرا على مرورك ولك تحيتي وتقديري

صح لسانك يابوماجد بيض الله وجهك

	المشاركة الأصلية كتبت بواسطة نديم المجرة

	صح لسانك يابوماجد بيض الله وجهك

صح بدنك ووجهك ابيض
شكرا على مرورك ولك تحيتي وتقديري

تسجيل تواجد في منبر الجزاله
صح لساانكـ
بيض الله وجهك

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

صح بدنك ووجهك ابيض
شكرا على مرورك ولك تحيتي وتقديري

صح لسانك يابو ماجد الله يعطيك العافيه

	المشاركة الأصلية كتبت بواسطة فايزموسى البشري

	صح لسانك يابو ماجد الله يعطيك العافيه

صح بدنك ووجهك ابيض
شكرا على مرورك ولك تحيتي وتقديري

صح لسانك يابو ماجد الله يعطيك العافيه