ودنياي غـوجٍ خدهـا تقـل مامـه

الشاعر الكبير / سعد بن عامر المحمدي
وجه لي هذي القصيده وسمحولي غدا اطبع ردي

يبو طلال الوقت جتله عسامه=وأثر على بعض النفوس اوكتمها
وقتٍ به العاقل قليل انسجامه=واهل الجهل ترتاحبه من غشمها
خلا الصقور تهاب فرخ الحمامه=كسر مخاليب الحرار وظلمها
ودنياي غوجٍ خدها تقل مامه=تضحك لناس وناس تكسر علمها
العام جادت للنصيب ابمرامه=ورفعت برقعها وحبيت فمها
واخذ فيها سجتٍ وابتسامه=مرهي عليها مار مالله قساها
واليوم شفت ارسوم وسم الجهامه=وعرفت راس السارق اللي وسمها
صديت عنها عياف ماهي رخامه=نفسي عزيزه وافتخر في حرمها
من عادتي مأصيد صيده هلامه=لاصار مدهن شاربي من دسمها
رجال لاجاهل ولا بي غشامه=واعرف مجاذ يب الد لي عن وذ مها
نزهت روحي عن دروب الملامه=وعفيت عن بعض البيوت وكرمها
بعض السوالف بالمجالس ندامه=تطلع عليك علوم محدن علمها
والله يخارجنا بستر وسلامه=اكثر موا كيل العرب من لحمها
بمقابل المبغض تبين العلامه=يالله عسى بعض الوجيه نعد مها
بعض العرب نواقصه من حزامه=يخلف عليك السالفه لستلمها
ماودك الرجال ينقص مقامه=قطعه ليده ولا روايح شممها
والوضع لا يصعب عليك انقسامه=وانته تعرف السالفه وش وزمها
عندك خبر راسين مثل الثغامه=واحد بنى القبه واحد هدمها
من خلقت الدنيا ليوم القيامه=متنا ظرين براسها وبقدمها
بينت لك راس البعير وسنامه=وانجضت لك عظم الذلول بشحمها
ومديت لك راس الرسن لستلامه=وانته عليك تقودها وتحكمها

هذا ردي على بو نادر

حييت يارجلٍ عنالي كلامه=برسالةٍ عبر هدفها قلمها
من يوم ماسارللقلم ابهامه=بسمي بدافيها وبسمه ختمها
بالماس والمرجان جود احكامه=وغلىجواهر في مقاله نضمها
عبرمشاعرخاطره وهتمامه=بامثال من جزل المعاني حكمها
يشكي زمانٍ ضام غيره وظامه=دنياٍ تدور ويستدير معلمها
دام الحرارتهيب فرخ الحمامه= حتى الاصايل فيه رخة قيمها
واهل التجاره حاولو بزعامه =من كثرة اللي بالبشر يحترمها
ونكان جادة ودبرة بنهزامه=سلامتك يبن الضبيس اغتنمها
وكاننت شايف بزمان لتطامه=العارفه ماخاطرة في اشيمها
العقل ميزان الرجل ونتضامه=لاشاف نفسه مستشيلٍ حدمها
نوب الزعل يرميك درب المهامه=وتصيردعوىٍ مايوجه يممها
ولارفيق المختفي بلقوامه=اللي ليا مر الملاجي لغمها
عايش على شذب العرب بالنمامه=نفسه عن ادروب الردى ماحشمها
واهل الوفاوطايله والكرامه=اللي شتمها ماينقص قيمها
لاصار مايحمل مقامه ازيامه=عنه ادروب الالطيبات اغتنمها
مايقدر المبغض يحقق حلامه=لوكان ناره للمكاوي شعمها
ألانه أيمثل بلمواقف سلامه= عطني خبر والسالفه نقتحمها
نقصب رشا دلوه ونلطم حيامه=فزعت صديقٍ هيبته ماحلمها
من لافزع بالضيق ناصيه لامه=أجناب ولا صحاب بعها وسمها
من ضدنا مايهتني في منامه=لوبندقه يقسم هدفها سهما
من جا هدف للناس قل أحترامه=ونفسن بدون أذنوب محد أتهمها
والوقت له دورات وتبع نضامه=واهل النمايم لاتجي عند فمها

غازي مغيران الزغيبي

الشاعر الكبير غازي الزغيبي
ياليت ماتبطي تطرح ردك حتى تكتمل الصوره للقاري
الشاعر سعد عامر شاعر كبير لكن الاعلام لم يخدمه
بيض الله وجهك يابو طلال وبيض الله وجه الشاعر سعد عامر

	المشاركة الأصلية كتبت بواسطة سعد المحمدي

	الشاعر الكبير غازي الزغيبي ياليت ماتبطي تطرح ردك حتى تكتمل الصوره للقاري الشاعر سعد عامر شاعر كبير لكن الاعلام لم يخدمه بيض الله وجهك يابو طلال وبيض الله وجه الشاعر سعد عامر

hحياك الله يابو تركي وبشر

صح لسان ..الشاعر سعد المحمدي
وبيّض الله وجهك ياغازي ونحن بنتضار ردك

تحياتي وتقديري

	المشاركة الأصلية كتبت بواسطة تركي العماني

	صح لسان ..الشاعر سعد المحمدي وبيّض الله وجهك ياغازي ونحن بنتضار ردك تحياتي وتقديري

صح بدنك ولاهنت
وعلى كل بو حال طرحة ردي رضا لك وللجماعه اللي طالبو بسراعه

صح الله لسان ..الشاعر سعد المحمدي
وبيّض الله وجهك ياغازي ونحن بنتضار ردك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسان ..الشاعر سعد المحمدي وبيّض الله وجهك ياغازي ونحن بنتضار ردك ولاهنت وسلم فكرك وبنانك دمت برعاية الله وحفظة

صح بدنك ولاهنت وشكراعلى المرور

صح لسانك وبيض الله وجهك

	المشاركة الأصلية كتبت بواسطة العنود.

	صح لسانك وبيض الله وجهك

صح بدنك وشرا على المرور

أبو طلال
بيض الله وجه سعد
وبيض الله وجهك
بدع ورد في غاية الروعة
وراع الحمية يابو طلال الله يحفظكم جميع