تهاني قلبية

هذه القصيدة بعنوان تهاني قلبية أهديتها للعريس هاني زامل محسن بن عواض البشري ليلة زفافه يوم الأربعاء الموافق 26/1/1428هـ والذي أقيم في قصر أفراح الأندلس بالجموم
سائلاً المولى جلت قدرته أن يمن عليه بالسعادة في حياته الجديدة

ياالحروف الأبجديه حققي غاية مرامي=وخـطـي فبيض الصحايف من تعابيرالغلا
فالقصرروحي لهاني واسبقي والقي سلامي=لـه ولاهـله ولضيوفه رحبي وقولي هلا
وسمعيه أصداء صوتك لانطقتي بانتظامي=وسمعي حضار عرسه وشاركيهم بالسلا
وعبري له بالأمانه عن موده واحترامي=له تخصه وسط قلبي حطـها رب المـلا
وترجمي صدق المشاعر وانقليها بالتمامي=خـلّي أفـراحه سعـاده وزوديها بالحلا
غردي بصوت البلابل وهادلي مثل الحمامي=ورفرفي فوق الروابي وانشدي لحن الغلا
وانثري عطور الموده لهاني الشاب العصامي=وباركي له ولعروسه والأهل بالأجملا
واجب لبيت الجمايل واهله الناس الحشامي=واجب نرد الجميله وسط هذا المحفلا
بيت ابن عواض سيره مصوره دايم أمامي=عشتها أيام وأشهر يوم حظي اعتلا
آ نا عشت الطيب وسطه مشاهد أفعال الكرامي=بالوفا والود عامر من ضيوفه ماخلا
يرحم الله محسن اللي أسسه خلاه سامي=شامـخ البـنيان ثابت دوم ناره تشعلا
صدقوا قولي حقيقه واضحه واثبت كلامي=والشهاده ماتغيرها سنين الحق ماتجهلا
ارفعوا لربي يديكم واسألوا رب الأنامي=يجعل العرسان دايم في سعاده في علا
كلكم صلوا على محمد نبيه فالختامي=وشكر سالم فالنهايه للحروف موصلا

صح لسانك واعتلى شانك وبيض الله وجهك ...
يعطيك العافيه ... على القصيدة الرائعه....
لا عدمنـــاكـ وننتظر جديدك....
اخيك ابوروان

	المشاركة الأصلية كتبت بواسطة ابوروان النويمي

	صح لسانك واعتلى شانك وبيض الله وجهك ... يعطيك العافيه ... على القصيدة الرائعه.... لا عدمنـــاكـ وننتظر جديدك.... اخيك ابوروان

صح بدنك يالغالي وابشر لعيناك
يابو روان نقول تسلم ومشكور=ياللي على لحن القوافي دعاني
تحيتي للي لهم باني قصور=اللي لهم في وسط قلبي مكاني

صح لسانك واعتلى شانك وبيض الله وجهك ...
يعطيك العافيه ... على القصيدة الرائعه

	المشاركة الأصلية كتبت بواسطة غازي الزغيبي

	صح لسانك واعتلى شانك وبيض الله وجهك ... يعطيك العافيه ... على القصيدة الرائعه

صح بدنك أخي الكريم
الله يسلمك ياغازي=ياشاعر المنتدى العملاق
لاشك سالم بكم فازي=والشكر يبعث من الأعماق

سالم البشري
صح لسانك و بيض الله وجهك
و نتمنى التوفيق للعريس هاني

	المشاركة الأصلية كتبت بواسطة فارس عوف

	سالم البشري صح لسانك و بيض الله وجهك و نتمنى التوفيق للعريس هاني

أخي الكريم فارس عوف تسلم
لمراقب المنتدىفارس نوجه تحيات=تحيةٍ من بال صافي شراكم
الله يديم الطيب ياهل المعزات=ويبقى الوفا عنوان في ملتقاكم

ياسلام ياسلام

صح لسانك اخوي سالم البشري

ويامرحبا فيك

	المشاركة الأصلية كتبت بواسطة سالم الفريدي

	ياسلام ياسلام صح لسانك اخوي سالم البشري ويامرحبا فيك

عسا البقا ياراعي الطيب سالم=ومساكم الله بالسعد والعوافي
الله يوفقنا على الخير دايم=ياربعنا ياهل القلوب النظافي

	المشاركة الأصلية كتبت بواسطة سالم الفريدي

	ياسلام ياسلام صح لسانك اخوي سالم البشري ويامرحبا فيك

عسا البقا ياراعي الطيب سالم=ومساكم الله بالسعد والعوافي
الله يديم الود والطيب دايم=ياربعنا ياهل القلوب النظافي