ردي على قصيده الشاعر درهوم البقمي

توضيح حول قصيدة درهوم البقمي في قبيلة حرب

--------------------------------------------------------------------------------

تناولت وسائل التواصل الاجتماعي
قصيده موجهه لقبيله حرب عامه وللشيخ / عواد ابن دهيرم الاحمدي الحربي خاصه ولكل حربي يفتخر بقبيلته التي لها من الامجاد في كل نواحي الطيب والكرم والخوة والشجاعة اضافة الى حسن الجوار الذي تتحدث عنه هذه القصيدة وهذا الموقف النبيل الذي تناقلته وسائل التواصل الاجتماعيمن الشاعر / درهوم البقمي واختفلفت طرق النقل لهذه القصيدة في وسائل التواصل الاجتماعي ويعتبر هذا الفعل شرف لقبيلة حرب ويضاف الى امجاد القبيله حيث جاءت هذه القصيدة رد ثناء من قبيلة البقوم العريقة ونعم بكل القبايل بما فيها من رجالها وامجادها وافعالها

حنا نزلنا منزل وسط الأجواد=
=في ديار حرب امخضبين الهنادي
قصيرنا عواد و نعم بعواد=
=فعله وطيبه مثل فعل المهادي
شيخ علئ العليا فلا هو بكواد=
=يرقئ لها رقيةً طيور الهدادي
بيته علئ مدخال كحله توكاد=
=يمين وبابه للطراقي ينادي
بين ولا يحتاج نشدات نشاد=
=مثل النجم وسط السماء نور بادي
سوالفه مثل العسل طب الاكباد=
=اموفقه ربي بهرجً سدادي
ترفع له البيضاء علئ روس الاشهاد=
=كفً نديه جعلها بزديادي
قلته وانا درهوم من ماكر ناد=
=من الاد سامي محتمين الطرادي
ابقوم سادات علئ كل الأسياد=
=وقصيرنا يهنا بحلو الرقادي
ماهي سوالف هرج وابيات قصاد=
=يشهد علئ ما قول حضر وبوادي
والطيب وفقه كان حظ الفتئ جاد=
=الدين ساسه من خطا الدين غادي
يالله تقدرنا علئ الطيب وانقاد=
=الكل ما يرضيك يا خير هادي
ويا سعود دوك القاف وأمعطر بكاد=
=وامعطر فيه النفل والزبادي
سلم علئ شايبك في ثان الأعياد=
=يالله عسئ عمرة صلاح وعيادي
كل عام وانت بخير يا كفو الافناد=
=وكل عام وانت اقرب لرب العبادي
و يا الله يا جاعل من الحيد الاوتاد=
=تجعل قبر عوده رياض و برادي
واختامها يا جموع صلو ويا افراد=
=علئ شفيع الخلق يوم التنادي

ردي على الشاعر درهوم البقمي

درهوم ياراع الوفاء ساس الامجاد=ياطيب الجيره نصيح الفوادي
مدحة من طيبه على عصرالاجداد= شيخٍ لفعل الطيب مشيه سنادي
له بالكرم والطيب جلسه ومقعاد=للجار والمرار نجره ينادي
وانته كريم تثمن الملح وزاد =انا اشهد انك جار راعي مبادي
ربعك هل النخوه وسيعين الابناد=اهل السيوف الامعات الحادي
جمع البقوم اللي يضدون الاضداد=من دون بالميدان قطم التوادي
يوم القبايل بين طارد وطراد=اما تجيك الصبح والا هجادي
الكسب من دار العدا شقح الاذواد=من فوق خيل مدربه لطرادي
تخلي سروج الخيل في ساحة الماد=وياما اذبحو من شيخ راعي شدادي
ابيوتهم دايم لها الضيف رواد=حقايق ماهي علوم ودوادي
فيها الدلال اللي بها الهيل وقناد=وسمن وسمين وريح عنبر وكادي
في ضلها تلقى مطانيخ الاولاد =شدنا وغيري باهل الطيب شادي
وماقل دل وعد ماحن رعاد =صلو على المرسول لناس هادي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك يابن العم
وراع الطيب يستاهل

صح لسان الشاعر درهوم البقمي وبيض الله وجهه

وصح لسانك يابوتركي رد الثناء واجب وانت ماقصرت ياسيف حرب بيض الله وجهك

صح السان الشاعر درهوم وصح السانك شاعرنا سعد المحمدي
وبيض الله وجه الشيخ عواد ابن دهيرم الاحمدي الحربي
على فعله الطيّب وحسن الجوار وبيض الله وجه درهوم على رد الثناء

لك اجمل التحايا والقدير ودمت بخير

	المشاركة الأصلية كتبت بواسطة مساعد الجليدي

	صح السان الشاعر درهوم وصح السانك شاعرنا سعد المحمدي وبيض الله وجه الشيخ عواد ابن دهيرم الاحمدي الحربي على فعله الطيّب وحسن الجوار وبيض الله وجه درهوم على رد الثناء لك اجمل التحايا والقدير ودمت بخير

صح بدنك
يابو ماجد وبيض الله وجهك

	المشاركة الأصلية كتبت بواسطة ابوهليل

	صح لسان الشاعر درهوم البقمي وبيض الله وجهه وصح لسانك يابوتركي رد الثناء واجب وانت ماقصرت ياسيف حرب بيض الله وجهك

ابو هليل
صح بدنك
وماعليك
زود الله يبيض وجهك

بيض الله وجهك بيض الله وجهك بيض الله وجهك يابو تركي

وصح لسانك يابوتركي على ردك الوافي والجزل ياشاعر حرب
وصح لسان الشاعر درهوم البقمي وبيض الله وجهه


والله اني دخلت الان صدفه على المتلقى وسعدت كثيرا بردك المشرّف والجزل وليس بغريب عليك
هذا الوفاء وهذه الجزاله يابو تركي.
واليوم بعد الظهر وصلني عن طريق الواتس رابط قصيده درهوم البقمي وقصة القصيده وقلت في نفسي لازم نرد عليه بابيات فيها شكر وتقدير لوافاءهم بالقصيده لابن عمنا عواد بن دريهم الاحمدي الحربي .

وعزالله مابعد ردك رد وانت ابن عم عزيز وغالي وشاعر حرب وتمثلنا جميعاً ويعلم الله اننا نفتخر بك وبمن هم شرواك من الرجال الافاضل في كل مكان.

بيض الله وجهك يابوتركي ورحم الله والدينك وتسلم يمينك ويمين اللي على الطيب رباّك .

لا خلا ولا عدم يارب

	المشاركة الأصلية كتبت بواسطة ناصر بن مصلح الاحمدي

	بيض الله وجهك بيض الله وجهك بيض الله وجهك يابو تركي وصح لسانك يابوتركي على ردك الوافي والجزل ياشاعر حرب وصح لسان الشاعر درهوم البقمي وبيض الله وجهه والله اني دخلت الان صدفه على المتلقى وسعدت كثيرا بردك المشرّف والجزل وليس بغريب عليك هذا الوفاء وهذه الجزاله يابو تركي. واليوم بعد الظهر وصلني عن طريق الواتس رابط قصيده درهوم البقمي وقصة القصيده وقلت في نفسي لازم نرد عليه بابيات فيها شكر وتقدير لوافاءهم بالقصيده لابن عمنا عواد بن دريهم الاحمدي الحربي . وعزالله مابعد ردك رد وانت ابن عم عزيز وغالي وشاعر حرب وتمثلنا جميعاً ويعلم الله اننا نفتخر بك وبمن هم شرواك من الرجال الافاضل في كل مكان. بيض الله وجهك يابوتركي ورحم الله والدينك وتسلم يمينك ويمين اللي على الطيب رباّك . لا خلا ولا عدم يارب

هلا وغلا
يابن العم
كلامك وسام على صدري
الله يبيض وجهك
والشيخ عواد الاحمدي
عليه بياض الوجه
ورد الثناء من جاره الشاعر درهوم البقمي
من وفاه وطيبه

صح لسان البقمي ولسان اللي رد عليه
ولنا الفخر ان ذكر الطيب بحرب والحمدلله
انها عادات لاتفعل لتباهي والمباهاه ولاكن من واقع
المبادي النبيله والشيم اللتي لايستطيع صاحبها
تجاهلها او التخلي عنهالا لقريب ولالغريب