يامن بنيت العلم قافأ على قاف // لكن النواخذ خالفتك فبحوره

يامن بنيت العلم قافأ غلى قاف = لكن النواخذ خالفتك فبحوره
لو طفت بالذكرى على دار الاحقاف = والمسند المنقوش باعلى صخوره
قبل النظر للعين يرتد بالانكاف = اللي حصدله زرع يعرف بذوره
انا على المنكوس نادب تلغراف = والخط يابن الناس مقفل مروره
وش جاب صورتك بتقارير الاسعاف = تحت الخطوط الحمر رمز الخطوره
ان كان مالك ربع درهم بصراف = وشلون شفت اسمك بكشف الفاتوره
ان قلتلي صعبه لها اليوم عساف = خيال والواقع بريعه سبوره
وام المعارك حرب واعلام صحاف = من مارس وتشرين الاول شهوره
ان كان حايز نبذه برمز الاهداف = راجع وهات من الفرايد سطوره
وان كان سايق عذر مايعني خلاف = عنك الشكك بعد الحسا عن شروره

صح السانك لاهنت

ابداع لاغرابة

صح بدنك ولاهنتي
والابداع مرورك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك ووجهك ابيض

سلام رامي
كيفك ان شاء الله تمام.

كنت ابحث عن قصيدة من ابياتها ما يلي :
ياحافرين القبر زاف ورا زاف
عن الضرايا ياهلي جودوني
الذيب لا ياكل جنوبي والاكتاف
والطير لا ينخش محاجر عيوني

وبإطلاعي على عنوان موضوعك
قلت لقيناها

لكن لقيناك وانت احسن منها .. ولا يهون الحاضرين

وجزله من كف راعيها

سلام

	المشاركة الأصلية كتبت بواسطة طلق المحيا

	سلام رامي كيفك ان شاء الله تمام. كنت ابحث عن قصيدة من ابياتها ما يلي : ياحافرين القبر زاف ورا زاف عن الضرايا ياهلي جودوني الذيب لا ياكل جنوبي والاكتاف والطير لا ينخش محاجر عيوني وبإطلاعي على عنوان موضوعك قلت لقيناها لكن لقيناك وانت احسن منها .. ولا يهون الحاضرين وجزله من كف راعيها سلام

وعليكم السلام ورحمه الله
هلا والله بالاخ طلق المحيا

ابشرك بخير الحمد لله
مشكور على مرورك واطلاعك
شاعر او كاتب متذوق للشعر شرواك طال عمرك
نستفيد من رايه وملاحظاته ونقده
سواء على القصيده او عنوانها

على العموم الجزل مرورك ولاهنت
بارك الله فيك