حفل تكريم عواد الاحمدي

في حفل مروين النمش والرمح والسيف الشطير=عزوه على الجيران والعاني وساع صدورها
يامرحبا يامرحبا ترحيب مقطوع النظير = من هاجس اللي مايقدم للعوارف سورها
شاعر يعشق الكايده ويعوم بالبحر الغزير= وان حك عود بعود عدوانه يفج نحورها
ترحيبةٍ مثل الذهب والورد مكسيه حرير = على جميع الناس بالقاعه تفوح زهورها
ماجيت عاني من بعيد الدار يالجمع الغفير= الامحبه للرجال اللي وساع صدورها
لو كل داعي لادعاني جيت من شانه مغير= طالت علي المسئله في برها وبحورها
هرج العواذل لاذكرت الصدق ورضيت الضمير=مثل الجنايز يوم ندفنها بوسط اقبورها
يابو حمد ياراعي الجزلات والوجه المنير=تكريمكم سر الرجال اللي طوال اشبورها
تستاهل التكريم والتقدير مع ورد وعبير=والله يجيرك من صودايف الليال وجورها
جمعت بين الدين والدنيا وتقدير القصير =كل العلوم الغانمه نلقاك مع مضهورها
عواد لاعدو رجال الطيب والفعل الشهير=يذكر ويشكر والوفاء سابق تعلى كورها
ربعه ليا زاد الخطر والسيف سل من الجفير=كم ابلجن عاقوه بالميدان دون ان شورها
اهل الكرم والطيب والمعروف عون المستجير=احامده ماينكسر يوم اللقى طابورها
على الشريف وعسكر الباشه عذابٍ مستطير=وحمر الطواقي من جهتها ماتنام اسبورها
لهم على الفقره سياده ماجهل فيها بصير =ماحد تعلا يوم صولات القبايل طورها
الزير لادقوه وقت الحرب باليوم الكبير=تنطح وجيه القوم ماتلتف خلف ظهورها
وفي نجد ياما جندلو من دون حلوات الدرير=عقيد قومٍ بالمعارك مايهاب شرورها
لاشافهم راع الطمع دون العشاير يستخير=يوم المشاكل بين خلق الله تفوح قدورها
عون الرفيق مدلهين الجار معطين الفقير=اكرام ساس اكرام واهل النور نظهرنورها
يقوله اللي يعرف الفراش ويعرف المدير=والناس في هرجه وشعره مايمس اشعورها

صح لسانك ياشاعر حرب
انا شهدنك يابوتركي من كبار شعار حرب وانت دايم بالمقدمه

السلام عليكم

صح السانك شاعرنا الكبير سعد المحمدي





تحياتي

	المشاركة الأصلية كتبت بواسطة منصور الغيداني

	صح لسانك ياشاعر حرب انا شهدنك يابوتركي من كبار شعار حرب وانت دايم بالمقدمه

الاخ منصور الغيداني
ماعليك زود
والشيخ عواد وابنائه والاحامده كلهم
يستاهلون الطيب

صح لسانك على القصيده الجزله اعلاه ولا يستغرب منك الجزل يابوتركي

	المشاركة الأصلية كتبت بواسطة ابوهليل

	صح لسانك على القصيده الجزله اعلاه ولا يستغرب منك الجزل يابوتركي

الشاعر الجزل
ابو هليل
صح بدنك
وبيض الله وجهك
على المرور
الراااااااائع

صح اسانك وتعلى شانك

	المشاركة الأصلية كتبت بواسطة الطالب

	صح اسانك وتعلى شانك

صح بدنك
يالطالب

صح اسانك وتعلى شانك

يستاهل عواد الأحمدي المدح وربعه الآد حمد

وصح لسانك واعتلا شانك ياشاعر الجزالة والمواقف المشرفة ياراع الأولة .