قصيدة موجهة للشاعر ( سعد المحمد ) فكلكم عز الله كفو

،،
السلام عليكم ورحمة الله وبركاته
،،
قصيدة موجهة للشاعر ( سعد المحمد )
دون قصور في الجميع فكلكم عز الله كفو
،،

لا يا سعد في قصر مرموق بالحيـل=من فـوق سيسـانٍ قويـة متانـي
يا بدر حوِّل يمنا واتـرك سهيـل=لا عاد تسري مـع سهيـل اليمانـي
خذ فال صفر مبهراتٍ مـن الهيـل=عِقَالها حِيلٍ مـن أغـلا السمانـي
يفخر بها صفـوة رجـالٍ معاقيـل=وتحيي قلوبٍ ما صقلهـا الزمانـي
الفصل والحكمة وخصم الرجاجيـل=ما تنشـرى بالمـال والا اللسانـي
ما يحوشها يا كـود ركـاب للخيـل=وحمَّـاي للساقـة وفكـاك عانـي
لو حاشته دنياه مـا يبخـس الكيـل=ولا يفرط السبحة لقاصـي ودانـي
إن جابها عاقل حكمهـا بـلا ميـل=وإن جابها جاهل قصر في العنانـي
يا بدر لا تبعـد ولا تحـط وتشيـل=لا تحطها ما بيـن ذانـي و ذانـي
كل الطيور تبـات لا هـوَّد الليـل=لكنَّهـا متفاوتـه فــي المبـانـي
طيرٍ يجيه النوم في طمنـة السيـل=وطيرٍ منامه فـي علـو المكانـي
أقولها وأنا علـى صامـل الحيـل=وكثير مثلي في الرجـال الذهانـي
تاخذ وتعطي حزة الفصـل وتخيـل=تخيل شيءٍ خلف عـوج المحانـي
لكن تغض .. وكان بانـت أفاعيـل=عقب الفعول اللي بداهـا المشانـي
ما تحمي القالـة بكثـر الأقاويـل=من دونهـا باللـي تصـم الأذانـي
هذا وأنا شفِّي فـي نظـم التماثيـل=أسوق مما أشوف بعـض المعانـي
ما أنظم بيوتي لاجل مدحٍ وتبجيـل=ولا جيت أخاير بين كاني و مانـي
خصيت نجمٍ ساطعٍ في سماء القيـل=اسمه سعد واللي سمع مـا يهانـي
راعي وفاء مع طيب سمعة وحلحيل=زيزوم له في سلَّـم المجـد شأنـي
والطيب والمعروف أغلا محاصيل=يذكر بها الرجـال والعمـر فانـي

الشاعر محمد اليوبي

صح لسانك وبيض الله وجهك

على القصيدة الرائعه والتي وحهتها

للشاعر الكبير


سعد المحمدي

	المشاركة الأصلية كتبت بواسطة حمدي العوفي

	الشاعر محمد اليوبي صح لسانك وبيض الله وجهك على القصيدة الرائعه والتي وحهتها للشاعر الكبير سعد المحمدي

حمدي العوفي
الله يصح بدنك
والروعة حضورك يالغالي

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة رابح الجحدلي

	¨°o.o ( ×××××××) o.o°¨ الله يـعـطـيـك الـعـافيـــــــــــة على الاخـــتيار المــوفــق وصح لسان قايلها وناقلها بيض الله وجهك

رابح
تسلم على روعة المرور لكن ............
ماهي منقول ............
أمس اللي نظمتها ونزلتها هنا
خاص بها سعد الله يحفظك ويحفظه

لاهنت وصح السانك

تقبل التقدير والاحترام

وفقك الله

	المشاركة الأصلية كتبت بواسطة الجرح

	لاهنت وصح السانك تقبل التقدير والاحترام وفقك الله

صح بنك
وبارك الله فيك
ولاهنت

صح لسانك
..
..
أسجل اعجابي بالقصيدة
..
ويعطيك العافيه ..

صح لسانك وسلم بنانك وبيض الله وجهك

قصيدة في غاية الروعة والجمال الله يعطيك العافيه

دمتم بخير

قصيدتك وانت كفو نوماس وعلمك غانم والشاعر سعد المحمدي كفو ويستاهل
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري