اخـوه نشاما

يقول من عدى بروس الغراميــــــل @@@ ويحب يرقى عسره النايفاتي
بديار ماوطيت عقب جرة السيـــــل @@@ تنبت منابتها جميع النباتي
مادوجنه مرذيات المخاليـــــــــــــــل @@@ فطًر نواصي روسهن شايباتي
اللي لهن نزعه عقب طلعه سهيــل @@@ عقب المقيض يدورن المشاتي
وخوت نشاما كلبوهم حلاحيـــــــــل @@@ خدمه بعضهم بينهم واجباتي
مايقطعون السالفه بالمعاويــــــــــل @@@ اذانهم للسالفه مصغياتي
ترقى سوالفهم عن القول والقيــــل @@@ ماسولفوا بأفلام ومسلسلاتي
جلوس والواقف بيده الفناجيــــــــل @@@ فنجال تقطع بصمته بالشفاتي
من دلةٍ صفرا الى نصفها الهيــــــل @@@ وقنادها من خيرت الطيباتي
ومويها مغروف من ميت السيـــــل @@@ فوقه صفاه ومن تحته صفاتي
مازخزخنه لابسات الخلاخيـــــــــــل @@@ وحطن قدوعه كيك ومكسراتي
[/
size]
والقصده اطول من ذالك ولاكن ماقل دل
وزبده الهرج نيشان
...
مع تحيات: الشاعر رجعان بن سالم بن نعيمان الحربي

صح لسانك وجمل الله حالك

ولكن هل القصيدة لك؟

لكي يتم نقلها ملتقى القوافي

صح لسااان الشاعر

وابن الشاعر

رجعان سالم العوفي

قصيدة مميزة


/



أطيب المنى

الله يبيض وجهك

دمت علـــ خير

السلام عليكم يامشرفنا حمود الغيدان

الله سبحانه وتعالى يقول انا اغنى الشركاء عن الشرك
وانا اقول ولله المثل الاعلى انا اغنى الشعراء عن السرقه
والمثل الشعبي يقول ثوب العريه مايستر العوره
وانا اقول تستغرب لوت تعرف كل ماعندي ولاكن لكل حدث حديث ويقول الشاعر العربي تبدي لك الايام ماكنت جاهلا وياتيك بالاخبار من لم تزودوا

القصيده لي.. نعم نعم نعم

والقصيده اعتبرها متواضعه وليست قمة شعري

عيسى العوفي ومراقبة ملتقى بـــوح الــقـــلــم الفجر الخجول والبشري الحربي

اعتز وافتخر بثنائكم علي وعساي استاهل ماقلتم ومروركم على موقعي

مشكووووووووووووووووورين

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وسلم فكرك وبنانك

صح السانك قصيده فاخره
تسلم ويعطيك العافيه