مساجله حمود السكراني سعد المحمدي

الشاعر حمود السكراني

الا واوجودي وقتن أقفى يابن دومان

طوته الليال وخيم البعد من دونه

زمانه شباب العمر ومشاهد الخلان

مع الخوة اللي دونك العمر يدنونه

عليكم سلام الله ياساكن بلودان

مكانن سهجته يوم الأوطان مامونة

جنوبه على الاردن شماله حدود لبنان

جباله خضار ومدهل لكل مزيونه

شربنا حلاته مير ماكن شي كان

توارت ملذاته وذكراه مكنونة

نشدتك عن اللي شاب لاشك بالوجدان

مساحة بها هوجاس تخضر به غصونه

ليادك داكوكه تسابق له القيفان

تفيض المشاعر له وترقص على لحونه

وانا ادري بطبع الوقت مايرد شئ كان

ولكن مثل شرواك لهم رأي يبدونه
----------------------------------
سعد المحمدي

عليك السلام ورحمته يارفيع الشان

حسب سنتن لناس سمحه ومسنونه

لو ان البيوت من اخر النص للعنوان

تعذر سلامك يارفيقي ومضمونه

يقولون يالانسان ماتترك النسيان

وانا اقول راس حمود عزه من امتونه

ترى مامضالك حط ماقول بالحسبان

من الصعب يرجع لكن الحل تنسونه

وجودي على شيخ الكرم مكرم الضيفان

ماحاشه لخطاره يحطه علي صحونه

محنك عساه بجنة الخلد والرضوان

ياصعبه بحال وحال ياحمود ياهونه

وبعد ياوجودي وجد من فيه وقته خان

على الفارس اللي جمرته فوق غليونه

رحيله خساره فادحه ياشقر الجنحان

عطيتك من الموضوع ياحمود مضمونه

صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك ومشكور على مرورك الاجمل

صحــت السنتكــم
دمتم برعاية الله وحفظة

صحت السنتكم
والله يـعـطـيـكم الـعـافيـــــــــــة
على الابداع