حربي وراسي فوق وفجوجي اوساع - وربعي هل الوقفات سقم الحريبي ..

السلام عليكم ورحمة الله وبركاته ..

صباحكم او مسائكم خير ان شاء الله ..

شخص له وجهة نضر نثرا قابلتها بوجهة نضري شعرا ..

اترككم مع وجهة نضري ..

قرب لي اذنك زين ياقاصر الباع=واسمع كلامي ياردي النصيبي
وافهم قصيدي يوم ينشر وينذاع=وانا ترى بالذات رمحي عطيبي
عن هرجتك لابد مااوفي الصاع= واردها بالحال والله حسيبي
يالشايب اللي صرت للعجز مذياع=عن ماذكرت اليوم جاك المجيبي
ياما قفلنا عن سوالفك الاسماع=واليوم لا بالله دور الطبيبي
لكن جداك ان طعتني طق الاصباع=قدامك اللي رميته ماتخيبي
منتب من اللي طيبهم بالعرب شاع=تراك ترثه من حروب الصليبي
صنـّـاع ياراع المثل وابن صنـّـاع=وجدك وابوه يشذبون السبيبي
لو تقصد المشي وتهادى مع القاع = والا تطير امع الفضا بالعسيبي
حدّرت ياشين الحلايا والاطباع = عن الطريق المستوي للشعيبي
واعلومك اللي كلها زيف واخداع=تكشفت للناس شرق ومغيبي
حطيت نفسك حر ساطي وبتاع=وكلن على منسبك جر النحيبي
مير الحقايق تسلب وجدوده اضباع=والساس لين تموت ماهو عريبي
وايديك لو مديتها السيف قطـّـاع = تكرم عن مصافحك يمنى النجيبي
حتى تحط يديك بيدين الاسناع = لابد لسلوم العرب تستجيبي
لكنهن بالطيب مازالن جياع = وامن الردى نذكرك دايم قريبي
على خدودك من سواياك مرقاع=وادروبك اللي سرتها ماتثيبي
عن منزلك لابد ما ابلغك الاقناع=وابقدرك اعطيك الجواب المصيبي
لو ان مالي من ورى مثلك اطماع = لاني طليبن لك ولا انت بطليبي
حربي وراسي فوق وفجوجي اوساع = وربعي هل الوقفات سقم الحريبي
خصيمنا يتبع هوانا وينصاع=وابقربنا ينساح بال الغريبي
وابصفحة التاريخ ماضي لنا باع = والجود فينا حاضرن مايغيبي
وارواحنا دون الخوي علمها ذاع=والجار معه بكل حالن نطيبي
حرب الوفا والطيب في كل الاصقاع=وشعاد كان بقربنا تستريبي
معذور لو قلبك على ذكرنا فاع=والا لو انه شب جوفك لهيبي
خل التمادي والخنا والتنطـّـاع = واعرف مقامك يوم بيتك خريبي
ببيوتنا للضيف عز وتمناع = عن كل مايجرح خفاه ويعيبي
يلقابنا التقدير كله والامتاع = ويعيش معنا مهتني مستطيبي
والا انت صوره بين ربعك ومرياع=واللازمه لاجتك عنها تهيبي
والضيف لامن جاك عجلن بالارجاع=من عقب عزه راح منكم غضيبي
مدايحك روحك مع الناس مرماع = والطيب يالهذار دربه صعيبي
والله لو ان ايدينك يدين جزاع = والا يدين الاحمدي والذويبي
مهو انت فينا تبدي الراي واتطاع = حنا الذي لمناسبك نستعيبي
معلوم منا يا اسود الوجه ترتاع = وان رحت والا جيت غصنك رطيبي
بالناس دوّار الثنا عدي واسراع=وانته على الجزلات مشيك دبيبي
للهون والعلم الردي بك تخضّاع = من خلقتك وانت الضعيف الغليبي
والطايره لاحل ميعاد الاقلاع=لك مقعدن حتى بعمر المشيبي
تمشي بعرض وطول من غير مركاع=وبكل ديره جيتها لك صحيبي
عمرك على درب الردى يالردي ضاع = واليوم عود ولاتركت الهذيبي
اثر النحاس يغش فيه التلماع = والذيب من عقب الخلا بالقليبي
حب القروش اودعك خاين وخدّاع = ولو ان كذبك يعتلمه النسيبي
لتروح لك عند المسيّر تركـّـاع = واتقر بالتظليل منك وتخيبي
لكن ترانا ماعلى حالك الياع =ولا افتكرنا فيك ويش بيصيبي
مير الجواب ان جاك دو لك اقناع=واربض بركن البيت وانع النصيبي
وادهن ركبك بزيت وادرج للاكواع=واترس جنوبك من صخين الحليبي
انا ادري ان جبت مافج الاضلاع=ويقصم لك الله كل عظمن صليبي
وان كان جاني من طوارفك فرّاع = حق الله ان له مع طنيبك طنيبي
واليا بغيت تجيب ناطح وفزاع = قافي على مد النظر مايشيبي
عاداتنا والصاع نردفله الصاع = ولاواحدن عن واجبتنا ينيبي
نرد الزلال وغيرنا المر جرّاع = ومنا العدو يمسي وحيله تعيبي
لو هو صعيب يروح هيّن ومطواع=من باسنا يوم النهار الرهيبي
هدّاتنا فيها عطايب ومصراع = والذيب مع مركاضنا له قنيبي
من ضدنا لابد يشقا ويلتاع=واليا انتحى يبطي وقلبه صويبي

وسلامتكم جميع ...

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك على القصيدة وبيض الله وجهك على حميتك فهؤلاء الذين ينتقصون غيرهم فاللوم على شيبانهم ماورثوا لهم مجد يشفع لهم برفع ذكرهم.

	المشاركة الأصلية كتبت بواسطة شأس نجد

	صح لسانك على القصيدة وبيض الله وجهك على حميتك فهؤلاء الذين ينتقصون غيرهم فاللوم على شيبانهم ماورثوا لهم مجد يشفع لهم برفع ذكرهم.

اهلا بك اخي شأس نجد

صح بدنك وبيض الله وجهك على حضورك الجميل
كلامك صواب ولاخلاف عليه بارك الله بك ..

قبيلة حرب عظيم فعلها جعل الاعداء تموت من الغيض

لنا مجد في كل زمان ومكان فهي تنتقل معنا كالصفات الوراثية من الآباء للأبناء

	المشاركة الأصلية كتبت بواسطة شأس نجد

	قبيلة حرب عظيم فعلها جعل الاعداء تموت من الغيض لنا مجد في كل زمان ومكان فهي تنتقل معنا كالصفات الوراثية من الآباء للأبناء

الاخ شأس نجد بارك الله بك على ردودك الرائعه وقبيلتنا
فخر لنا اول وتالي ولانزال نفتخر بها ونعتز بها لا من باب
العصبيه القبليه بل من باب رد اعتبارنا اذا حاول البعض
جعلنا وسيله لرفع مكانته الاجتماعيه ..

الله اكبرررررررررررررررر


الله اكبرررررررررررررر



مليون مليون صح السانك ياشيخ

واعتلا شانك



لله دررررررررك يابدر



ولافض فوووووك




تحيتي وتقديري

الاخ العزيز

والشاعر الجزل

بدر الهبيري


صح لساااانك ملياااار ولاتكفي

على القصيده التأديبيه

التي سيتكبد من استحقها خسائر فادحه

وأنشهد أنك كويته


الاخ بدر الهبيري

صح لسااانك مليار

وكفو ياراع الحميه قول وفعل

وحرب لها العز والفخر بكل الرجال الاوفياء امثالك

وبيض الله وجهك



تقبل التقدير والاحترام لك

	المشاركة الأصلية كتبت بواسطة حمدي العوفي

	الاخ العزيز والشاعر الجزل بدر الهبيري صح لساااانك ملياااار ولاتكفي على القصيده التأديبيه التي سيتكبد من استحقها خسائر فادحه وأنشهد أنك كويته الاخ بدر الهبيري صح لسااانك مليار وكفو ياراع الحميه قول وفعل وحرب لها العز والفخر بكل الرجال الاوفياء امثالك وبيض الله وجهك تقبل التقدير والاحترام لك

الشاعر الجزل والرائع دوما حمدي العوفي

صح بدنك وبيض الله وجهك على ردك الجميل كجمال روحك
وكل حربي يعتز ويفتخر بحرب لايقبل التهميش والتقليل من
شأنها او محاولة التعالي عليها وانا موقفي مبني على هذا الامر ..
فسنوات من الصمت تكفي للرد وابلاغ هذا الشخص بحجمه وقدره
الذي لايتعدى فردة حذاء طفل من اطفال حرب ..
وهي ولله الحمد لاعلاقه لها بالعنصريه ولا التعصب ولكن اظهار
العنصريه من المقابل تدفعك للتعنصر مكرها ً ..
اشكرك على ردك واسف عالاطاله ..

صح لسانك ياولد حرب

وماتضيق عين الا من مليها .